طور سيناء: مغامرة على ساحل البحر الأحمر - معالم وسياحة Feature - كايرو 360
 







طور سيناء: مغامرة على ساحل البحر الأحمر
طور سيناء: مغامرة على ساحل البحر الأحمر
اصدرت في: 26/07/2014

على شاطئ البحر الأحمر، وتحديدًا وسط شبه جزيرة سيناء، المنطقة الخلابة دى تعتبر موطن لواحدة من أهم المقاصد السياحية لكل الناس اللى بـ تبحث عن تجربة روحية، رحلة مثيرة أو مغامرة شيّقة.

طور سيناء، المشهور كمان بجبل موسى، هو المكان اللى تلقى سيدنا موسى على لوحين من الله فيهم عشر وصايا، وهى قصة شهيرة ذكرت فى كلٍ من القرآن الكريم، الإنجيل والتوراة.

على ارتفاع مذهل يصل لحوالى 2285 متر فوق مستوى البحر، الموقع المقدس له مكانة كبيرة فى قلوب عدد كبير من الناس ينتموا لكل الديانات السماوية.

جبل موسى كمان هو مكان لدير وكنيسة سانت كاترين اللى تم اكتشافها فى القرن السادس ميلادي. المنطقة دى كمان شهدت معجزة ربانية ثانية وهي كلام الله لسيدنا موسى.

ناس كثير سواء كانوا كبار أو صغيرين بـ يسافروا من كل مكان لمجرد الوقوف فى البقعة المقدسة. وقت رحلتنا، قابلنا ناس من كوريا وإندونيسيا حضروا لسيناء لزيارة الأماكن المقدسة.

قابلنا السائق الخاص بنا عند الفندق حوالى الساعة 7مساءً فى شرم الشيخ، ووصلنا لسفح الجبل مع المرشد السياحى اللى سلٍّم كل منا كشّاف إضاءة ونبذة مختصرة عن رحلتنا. لازم تعمل حسابك أن الرحلة دى مش لأصحاب القلوب الضعيفة، كونها تشمل تسلق الجبل لعدد من الساعات فى الظلام وكل اللى معاك كشّاف وشنطتك الخاصة، لكن على العموم تقدر تمشى على حسب سرعتك وتتوقف للراحة كل ما تحتاج.

ينصح كمان بارتداء ملابس ثقيلة، لأن درجات الحرارة بـ تتغير بشكل ملحوظ ومفاجئ، الجو كان برد بشكل رهيب أثناء طلوعنا بالليل، لكن مع نزولنا الشمس كانت شديدة جدًا والحرارة مرتفعة.

على كل حال، التجربة فعلاً كانت لطيفة. اكتشفنا أنك تقدر تركب جمل على الجبل، بتكلفة إضافية طبعًا، تختلف على حسب قدرتك على الفصال مع البدو. المرشد السياحى كمان بـ يقول نفس الكلام باللغتين العربية والإنجليزية.

عملية تسلق الجبل بـ تستهلك معظم الوقت والمجهود، لكن أول ما توصل القمة هـ يقابلك منظر رائع كون الشمس بـ تكون لسه بـ تشرق وده يوفر فرص رائعة لالتقاط صور جميلة، بجانب إحساسك أنك عملت إنجاز عظيم. كمان فيه يافطات بـ توضح المناطق اللى تلقى فيها سيدنا موسي الوصايا العشر على قمة الجبل.

على قمة الجبل، هـ تلاقى كمان خيام بدوية متنوعة تقدر تشترى منها مشروبات ساخنة وباردة وأكلات خفيفة، وكمان تأجير بطاطين لو حبيت تستمتع بقيلولة سريعة بعد رحلة التسلق الشاقة. بعد الاستراحة السريعة، يبدأ المتسلقون رحلة النزول من الجبل ويسلكوا طريق مختلف فيه مناظر خلابة أكثر، والسبب هو شروق الشمس، وبعدها هـ يقدموا لك إفطار صحى فى مطعم الفندق وبعدين جولة وسط دير سانت كاترين.

الدير يعتبر من المعالم البارزة وجزء شديد الأهمية من الرحلة. يقال أنه واحد من أقدم الأديرة المسيحية الموجودة فى العالم، والمجمع الشهير ده بـ يحمى الكنيسة، المكان اللى كلم الله سيدنا موسى، وكمان يحتوى على كثير من الأعمال الفنية القديمة اللى ترجع للقرن الخامس ميلادي.

الرحلة القصيرة دى بجد تستحق التكلفة والوقت لأنها بـ تقدم تنوع مميز فى رحلة واحدة، واعمل حسابك كمان أنك تحصل على نومة مريحة قبل وبعد المغامرة الكبيرة.

الرحلة متوفرة عند أغلب شركات السياحة، رغم أن الأسعار تختلف من شركة للثانية. لو كنت نزيل فى فندق من فنادق شرم الشيخ يبقى تقدر تحجز من خلال الفندق بأسعار أقل. الرحلة تشمل التسلق بجانب مرشد سياحى، زيارة كنيسة سانت كاترين وجولة للدير المحيط بها. أخيرًا، وبعد رحلة مرهقة، هـ يقدم لك إفطار لذيذ من البيض، والجبن، والتوست بالمربى والزبدة بالإضافة لاختيارات متنوعة من الشاى، القهوة والعصائر، كل ده يتم فى فندق ثلاثة نجوم بالقرب من الكنيسة فى صباح اليوم التالى.

الرحلة مدتها حوالى 15 ساعة شاملة الرحلات من وإلى الجبل فى عربة مكيفة.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كاتى درايدن
حرر بواسطة:
كاتى درايدن
تاريخ النشر:
26/07/2014
كاتبة - فنانة بريطانية بـ تسافر كثير وبـ تحب تستكشف أماكن وثقافات جديدة كلما كان فيه فرصة متاحة.