هتتفرج على الأسطورة في رمضان؟ - تليفزيون Feature - كايرو 360
 







هتتفرج على الأسطورة في رمضان؟
هتتفرج على الأسطورة في رمضان؟
اصدرت في: 04/06/2016

أيوة لازم تتفرج، إحنا في كايرو 360 مع فكرة أننا لازم ناخد فكرة عن كل حاجة حوالينا، ومسلسلات محمد رمضان بتحقق نسبة مشاهدة عالية كل رمضان.

كلنا عارفين مين هو محمد رمضان، واللي حصر نفسه فى أفلام الحركة، وبعدها بدأ يدخل عالم الدراما ويبقى واحد من الممثليين المعروفين، بأداء الحركات والأكشن وكده.

"الأسطورة" مسلسل إثارة وحركة للنجم محمد رمضان، روجينا، رجاء الجداوي، ومن إخراج محمد سامي، هنشوفه على قناة النهار.. وواضح من البرومو بتاعه أنه هيكون مسلسل قوي في الإنتاج.

 

محمد رمضان طالع بشخصيتين في المسلسل، كالعادة طبعًا الطيب والشرير، وفي الغالب بيبقى الطيب طيب قوي (بزيادة يعني) والشرير لازم يطلع أن الظروف والحياة هي اللي عملت فيه كده، يعني مش شرير بالفطرة، وعلى الرغم من منطقية ده، لكن طبعًا كلنا متوقعين أفكار جديدة، وإنتاج كبير خاصة أن المسلسل تحت تصنيف الحركة والأكشن، وفي رمضان بيبقى الميل أكتر للدراما والكوميديا، وده طبعًا هيتطلب أفكار كتيرة جديدة علشان المسلسل ينجح، لكن رهاننا أن المسلسل ده هينجح لأسباب كتيرة منها أن محمد رمضان حقق اسم كبير خاصة بين الشباب، وعلشان كده اختاروه في استطلاع الرأي إنه أول حد يعمل حملة "أنا ضد المخدرات" وده ضمان كبير لنجاحه، وكمان فكرة الإنتاج الكبير هتشد الناس، وأدينا مستنيين نشوف.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
أحمد عبد الجواد
حرر بواسطة:
أحمد عبد الجواد
تاريخ النشر:
04/06/2016
شاعر عامية وصحفى ومنسق مشروعات أدبية فى الساقية، كائن بـ يحب الحياة، أحيانًا بـ يتحول لشخصية أسطورية وهو بـ يكتب بـ يظهر له جناحين، أو بـ يختفى ويظهر فى أماكن مختلفة، بـ يفضل أكل البيت مع أسرته عن الأكلات السريعة، بـ يلعب لعبة يابانية اسمها "آيكيدو" وحصل على الحزام الأسود فيها بعد معاناة.