المهيسون.. راجعين من تاني في رمضان - تليفزيون Feature - كايرو 360
 







المهيسون.. راجعين من تاني في رمضان
المهيسون.. راجعين من تاني في رمضان
اصدرت في: 02/06/2016

لو كنت اتفرجت على الجزء الأول من "المهيسون" اللي عرضته قناة القاهرة والناس السنة اللي فاتت، فأكيد هتكون حبيت البرنامج لأنه بيعتمد على التلقائية والبساطة، من الآخر برنامج حلو بيقدمه شباب من سننا، وكل حلقاته حقيقية ومافيهوش أي فبركة.

 

فريق "المهيسون" انتهى تقريبًا من تصوير كل حلقات الجزء الثاني، وهيعرض على القاهرة والناس زي السنة اللي فاتت، والبرنامج من إنتاج أنس نصري وتم تصوير كل حلقاته في شوارع القاهرة، شعار الجزء الثاني هيكون "أربعة رجال في مهمة صعبة".

 

فكرة البرنامج بتعتمد على 4 شباب بيقوموا بمواقف كوميدية مع ناس عادية في الشارع، الشباب هم "ياسين - عطار - حنكش - مكاوي - سمير"، وكل مرة بيتم تكليف واحد منهم بمهمة معينة، ومطلوب منه ينفذها، زي مثلًا يبيع جرايد للناس، أو يتصور مع أي حد معدي.. الخ الخ.. ولو فشل في تنفيذ المهمة بيتم توجيه عقاب له.. والعقاب لازم يكون أنه ينفذ حاجات مجنونة في الشارع أمام كل الناس.

 

البرنامج بيشرف عليه طارق العريان ومن إخراج رءوف السيد.

 

رمضان كريم 

 

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
مصطفى فتحى
حرر بواسطة:
مصطفى فتحى
تاريخ النشر:
02/06/2016
صحفي مهووس بالسينما والكتب، بيحب التصوير الفوتوغرافي وبيعشق وشوش المصريين وشايفها أجمل وشوش في الكون، بيحب شوارع، حواري، قهاوي، وناس البلد دي.