أبو البنات.. مصطفى شعبان ماشي في نفس الطريق - تليفزيون Feature - كايرو 360
 







أبو البنات.. مصطفى شعبان ماشي في نفس الطريق
أبو البنات.. مصطفى شعبان ماشي في نفس الطريق
اصدرت في: 08/06/2016

الممثل مصطفى شعبان قدم لنا خلال التلات سنين اللي فاتوا مسلسلات (مولانا العاشق – طبيب أمراض نسا – الزوجة الرابعة)، وكل دول قايمين على فكرة الراجل اللي محصلش وكل الستات بتحبه، وهو الراجل اللي بيبقى رقيق مع الستات وقادر يحميهم، ويتخانق علشانهم، يعني موضوع كبير يخليك تقول ياااه لو كل الرجالة كده، وكل سنة بيحصل جدل على موضوع مسلسلاته وده بيخليها تنتشر أكتر.

 

"أبو البنات" ده اسم أحدث مسلسل لمصطفى شعبان، وممكن نصنفه كعادة مسلسلات شعبان كمسلسل اجتماعي كوميدي، وبيشاركه البطولة لقاء الخميسي وعلا غانم، ومن إخراج رؤوف عبد العزيز، وبيعرض يوميًا على شاشة MBC مصر. وبتدور أحداثه حوالين رجل أعمل عنده معرض سيارات، بيدخل في صراع مع واحد من كبار رجال الأعمال، وبسبب الخلاف بينهم بسبب تجارتهم مع بعض قبل كدة في المخدرات ، بيقرر ياخد بناته ومراته إلى القاهرة , لكن منافسه بيروح وراه وبيخطف بناته الثلاثة وبيستمر الصراع .

 

 

مش هنقدر نقول لكم المسلسل حلو ولا لأ، لاننا ما شوفناش منه غير حلقتين بس، لكننا بصراحة مش متوقعين جديد من مصطفى شعبان!

 

 

«أبو البنات» بيشارك في بطولته كمان الراقصة صافيناز، وإدوارد، وعبد الرحمن أبو زهرة، وياسمينا المصري، وهشام إسماعيل، والتونسية سميرة مقرون، ومن تأليف أحمد عبد الفتاح، وإخراج رءوف عبد العزيز، وإنتاج تامر مرسي.

 

مواعيد عرض مسلسل أبو البنات على قناة mbc مصر 2

العرض الاول : 23:00 ( 11 ليلاً )

الإعادة الأولى : 17:00 ( 5 بعد العصر )

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
رشا زيدان
حرر بواسطة:
رشا زيدان
تاريخ النشر:
08/06/2016
طفلة كبيرة بـ تحب أولادها وبيتها، درست كثييير عن التربية واكتشفت فى النهاية أن النظريات مصيرها العدم، وشعارها "المجد لإياد وآدم أولادها".