بالصور: تتر برنامج هاني في الأدغال مسروق من....؟ - تليفزيون Feature - كايرو 360
 







بالصور: تتر برنامج هاني في الأدغال مسروق من....؟
بالصور: تتر برنامج هاني في الأدغال مسروق من....؟
اصدرت في: 10/06/2016

في الواقع الفرق بين العقلية المبدعة والعقلية التقليدية مش أي حاجة غير النشاط.. العقلية المبدعة عقلية نشطة عايزة تدور وتوصل لجديد، أما العقلية التقليدية فهي عقلية كسولة مش عايزة تكلف نفسها عناء البحث فبالتالي بتلجأ دايمًا لتكرار الموجود وإعادة إنتاجه، مع إضافة شوية تعديلات كده برضه علشان صاحبها يبقى حط التاتش بتاعه.. قال يعني!

الفنان هاني رمزي طالل علينا رمضان ده ببرنامج "هاني في الأدغال".. اللي هو واحد من برامج المقالب اللي سوقها عادةً بيروج في رمضان، مش عارفين ليه الحقيقة بس آهو اللي بيحصل بقى!
وعامةً احنا هنا مش ناويين نتكلم عن البرنامج ولا عن فكرته ولا عن محتواه ولا طريقة تنفيذه ولا أي حاجة من الكلام ده.. احنا واخدين خطوة لورا شوية وهنتكلم بس عن تتر البرنامج.. ده اللي هو اشمعنى يعني؟!
ده علشان التتر بالبلدي كده "منحوت" النحتة التمام من كليب أغنية "Roar" لـ "katy Perry".. وبشكل مضحك جدًا الحقيقة!

احنا مش هنتكلم كتير، وهنسيبكم مع شوية صور لمشاهد من الكليب ونظيرتها من تتر البرنامج، علشان بس نفسر لكم قصدنا لما قلنا أنه منحوت بشكل مضحك، لأنه لما الموضوع مايتوقفش عند مجرد أخد الفكرة العامة وإعادة إنتاجها بشكل مختلف وإنما يبقى تكرار حتى للمشاهد وخط تسلسلها في الكليب الأصلي لدرجة أنك تحس أنه نفس الحاجة ويادوب ملعوب فيه بأحد برامج الموشن جرافيكس.. فده أخف شيء ممكن يثيره هو الضحك الحقيقة!

 

 

ده الكليب:

ودي حلقة من حلقات البرنامج والتتر في بدايتها:

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
عمر مسعد
حرر بواسطة:
عمر مسعد
تاريخ النشر:
10/06/2016
محرر بموقع كايرو 360، يُدعى في أوساط أهل الهلس "مولانا"، وفي رواية أخرى "المغنواتي".. وماله!.. طب هل رأى أحدكم كلامًا يرقص من قبل؟