أهم القنوات اللي تقدر تشوف عليها دورة الألعاب الأوليمبية - تليفزيون Feature - كايرو 360
 







أهم القنوات اللي تقدر تشوف عليها دورة الألعاب الأوليمبية
أهم القنوات اللي تقدر تشوف عليها دورة الألعاب الأوليمبية
اصدرت في: 10/08/2016

يوم السبت 5 أغسطس بدأت فعاليات أكبر الأحداث الرياضية على الإطلاق، دورة الألعاب الأوليمبية الواحدة والثلاثين في ريو دي جانيرو بالبرازيل وهتستمر لحد أواخر الشهر.. في المقال ده هنسرد لكم سريعًا أسماء بعض القنوات اللي بتنقل فعاليات الدورة الحالية للألعاب الأوليمبية.

البداية كالعادة من عند BeIn Sports اللي غالبًا مش هتفوت حدث مهما كان صغير من غير ما تعرضه وده طبعًا مفهوم نظرًا للإمكانيات الهائلة وعدد القنوات الكبير اللي هيسمح بنقل كل الأحداث اللي بتحصل في نفس الوقت على قنوات مختلفة.. وحتى اللي بيتنقل كتير وهتفوته المتابعة التليفزيونية يقدر يتابع موقعهم الإلكتروني اللي بينقلوا عليه الأخبار لحظة بلحظة.

ثم بعد كده نشاور على قنوات أبوظبي سبورت "AD Sports" اللي ممكن نعتبرها المنافس الأقرب لـ BeIN Sports نظرًا لنفس الأسباب، قنوات متعددة –وإن مش بنفس الدرجة- وإمكانيات تقنية جيدة جدًا.. ومن وقت للتاني بيستخدموا خاصية تقسيم الشاشة على بعض القنوات علشان يسمحوا للمشاهد بمعرفة أخبار الفعاليات المختلفة اللي بتحصل في نفس الوقت.

ومن الإمارة الكبرى الأخرى في دولة الإمارات العربية المتحدة نروح لمجموعة قنوات "Dubai Sports" اللي مخصصة برامجها في الفترة دي للتعليق على جميع فعاليات الدورة وتحليل نتائج المنافسات المختلفة.. بالإضافة لمتابعة حية جيدة جدًا.

ونختم من أرض مصر مع قناة النيل الرياضية "Nile Sports" اللي ميزتها أنها متاحة على تردد أرضي غير التردد الفضائي.. كمان القناة مصرية فاحنا ضامنين أن كل الفعاليات اللي تخص الرياضيين المصريين المشاركين سواء في الرياضات الفردية أو الجماعية هيتم عرضها والتركيز عليها.

مشاهدة ممتعة!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
عمر مسعد
حرر بواسطة:
عمر مسعد
تاريخ النشر:
10/08/2016
محرر بموقع كايرو 360، يُدعى في أوساط أهل الهلس "مولانا"، وفي رواية أخرى "المغنواتي".. وماله!.. طب هل رأى أحدكم كلامًا يرقص من قبل؟