دليل كتب القاهرة - أحدث المقالات عن الكتاب العرب ومؤلفاتهم

كتب

بيكاسو وستاربكس: كتاب تنمية ذاتية مختلف
اصدرت في: 29/01/2012

أجمل حاجة في الدنيا لو أنت مهتم بقراءة كتب تطوير الذات أنك تلاقي كتاب تنمية بشرية مختلف، لأن معظم الكتب دلوقتي أصبحت من عينة: كيف تصبح مديرًا، وكيف تكون محبوبًا في 24 ساعة، ودليلك السريع لفهم الحياة، وللأسف القراء الدائمين لكتب التنمية الذاتية وكتب تطوير الذات زهقوا من النظام ده وبقوا يبحثوا على حاجة متميزة ومختلفة. كتابنا النهاردة واحد من الكتب المختلفة في المجال ده. والكتاب واضح أنه مختلف من أول اسمه "بيكاسو وستاربكس"، ورغم أن مؤلفه ياسر حارب مش مصري إلا أن الكتاب هـ يفيدك وهـ يلمسك لأنه شاب عنده تجارب ورؤية وسافر كثير وعنده بجد حكايات ومواقف تستاهل أنك تقرأها. الكتاب عبارة عن 31 مقال كتبها ياسر حارب على مدونته ونشرها في الصحف المختلفة وكلها مقالات تنويرية بـ تتأمل في الحياة وتحاول تحلل ظواهرها بالإضافة لمقالات ثانية بـ يحكي فيها ياسر عن بعض المواقف والحكايات الشخصية اللي مرت به واللي أكيد عاوز يوصل من خلالها حكمة أو درس أو حتى يشاركك فيها. ياسر بـ يشرح في مقدمته سبب اختياره لاسم الكتاب وبـ يقول: "ستاربكس هو إسقاط مصغر للحياة التي نعيشها، فكل شيء فيها سريع... يمنحك ستاربكس خيارات كثيرة، ولكنها قد لا تكون حقيقية". وكمان قال: "وجه الشبه بين بيكاسو وستاربكس أنهما مثال للامبالاة، فهما أقرب إلى الفوضى المنظمة، كما أنهما يعطيان قيمة لأشياء قد لا تستحق قيمة... الصفحات القادمة تقول ما لم يقل بعد، عن الإنسان والحياة، عما يجمعهما ويفرقهما.. أنها تحكي لنا وتحكي عنا". في الكتاب كمان هـ تلاقي ياسر بـ يتكلم عن موضوعات جديدة وغريبة زي علاقتنا بتليفون البلاك بيري والوقت اللي بـ نقضيه في الأسانسير، وفكرة الدائرة وتواريخ ميلادنا، وقلم المدرسين الأحمر، وكافيه ستاربكس، ومقابلته مع الكاتب باولو كويلهو في بيته في فرنسا. لو كنت من محبي الـquotes والعبارات المأثورة اللي كل سطر فيها بـ يفرق مش هـ تلاقي أحسن من الكتاب ده، ولو كنت من الناس اللي بـ تحب تعلم بالـmarker على الجمل المؤثرة والقوية هـ تخلص الكتاب وهـ تكتشف أن كله تقريبًا متعلم عليه وده لأن مافيش في الكتاب فعلاً فقرة واحدة مش مفيدة. على موقع الكاتب هـ تقدر تقرأ مقالات كثيرة له مش موجودة في الكتاب وهـ تقدر كمان تتواصل معاه وتتفرج على حلقات برنامجه التليفزيوني "ما قل ودل".

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن