تغذية وتخسيس صحة ولياقة in Cairo, Egypt

صحة ولياقة

بلاتينوم جيم: مفتوح 24 ساعة في المهندسين
اصدرت في: 12/10/2011

في بلاتينوم مول الموجود في شارع شهاب وبعد ما تطلع دور وراء دور على السلالم المتحركة وتشوف كم كبير من المحلات المهجورة والأدوار المظلمة بالكامل هـ توصل الدور السادس وتلاقي «بلاتينوم جيم – Platinum gym». عدد من المشايات موجود في منطقة أجهزة اللياقة والجري وشكلها تقليدي وقديم شوية بالمقارنة بباقي الأجهزة، لكن في نفس الوقت سهلة الاستخدام والبرمجة. الأجهزة كلها أمام الشباك اللي بـ يطل على شارع شهاب، وفيه شاشة تليفزيون بين كل مشايتين. خلف صف المشايات صف ثاني من أجهزة التجديف أو Rowing Machines ولو كنت بـ تستخدمها والمكان زحمة شوية هـ تحس أن المسافات قريبة قوي بينك وبين الناس اللي بـ تتمرن على المشايات أمامك. والأجهزة اللي استخدمناها في القسم ده كانت كلها نظيفة وناعمة في الاستخدام. من ضمن أدوات التدريب لقينا حاجة مش متعودين نشوفها في أي جيم في القاهرة؛ وهي حزام المقاومة أو Resistance Band وكان موجود بألوان كثيرة والمهم فيه أنه متعدد الاستخدامات لأن كل وضع للشريط المطاط على كل جزء من الجسم له تأثير معين وبـ يحرك عضلات وأعصاب مختلفة، وأكيد هـ تحتاج مدرب علشان يعرفك طريقة التدريب المثالية بالحزام. قسم التدريب الخاص بالأوزان الحرة والدامبلز مُقسم إلى جزئين: الأوزان الحرة والأوزان الحرة الخفيفة. وفي الركن الأخير فعلًا بـ تلاقي مجموعة من الدامبلز اللي أوزانها خفيفة جدًا للمبتدئين، لكن المشكلة أن المساحة صغيرة جدًا في القسم ده، ووقت ما كنا هناك كان فيه مجموعة من اللاعبين الضخمين جدًا في القسم ده فـ كنا حاسين بالزحمة بزيادة، وكان كل شوية الناس تخبط في بعض غصب عنها ويعتذروا لبعض! ورغم أن العاملين في المكان بـ يركزوا أكثر على التدريبات الفردية للأعضاء، لكن دائمًا هـ تلاقي واحد بـ يمر ويتابع المتدربين الزوار، والميزة أنهم كانوا عارفين الأتيكيت بتاع إمتى يتدخلوا وإمتى يسيبوك براحتك. فيه ستوديو تدريب في الجيم بـ يقدم حصص مختلفة زي تعليم رقص الصلصا واليوجا والصينية والبيلاتس والكيك بوكسينج، وكل الحصص دي بـ تكون مجانية للأعضاء. فيه ركن خاص بالساونا وغرف البخار اللي بـ تكفي 8 أشخاص في نفس الوقت، وفيه جاكوزي. غرفة تغيير الملابس ضيقة جدًا، وإحنا ممكن نتفهم ده، إنما اللي ما قدرناش نفهمه هو حالة الحمامات والدش! النظافة قليلة جدًا في الحمامات والجاكوزي، والرائحة بالداخل لا تطاق، والأرض مبللة وما كناش عارفين نحط رجلنا فين. اشتراك لمدة سنة هـ يكلفك 3450 جنيه، والعضوية بـ توفر لك 4 مدربين متخصصين بـ يتابعوا تدريباتك ووزنك وقياساتك على الأجهزة وإزاي بـ تتقدم على مدار السنة. كمان هـ تستفيد بـ 15 جلسة مساج و14 دعوة ممكن تدَّخل بهم أصحابك أو عيلتك لاستخدام يوم واحد. اشتراك لمدة 6 شهور بـ 2400 جنيه، 3 شهور بـ 1600 جنيه، والشهر الواحد بـ 750 جنيه.

...

كيرﭬز: معروف في العالم كله.. والرجال يمتنعون!
اصدرت في: 20/04/2011

ﭼيم للسيدات فقط بقى حاجة مألوفة جدًا في القاهرة، و«كيرﭬز - Curves» جيم مش بس بـ يقدم للسيدات المصريات جو مريح وفيه خصوصية لممارسة الرياضة، ده فيه مواصفات مختلفة وفريدة بـ تميزه عن غيره وبـ تخليه جذاب لسيدات كثير. أصل «كيرﭬز» من أمريكا وله فروع كثيرة فى العالم كله من ضمنهم 9 فروع في القاهرة. الفرع الأول بدأ نشاطه واشتغل من سنتين وبعد نجاحه فتح فروع ثانية في القاهرة. «كيرﭬز» معتز تمامًا بحصص الأيروبيكس بتاعته، واللي بـ يوعد كل مُتمرنة فيها بأن الحصة الـ30 دقيقة -المكونة من 14 مرحلة- هـ تحرق فيها 500 سعر حراري. الآلات في «كيرﭬز» مصممة مخصوص للسيدات وبـ تعمل بنظام «هيدروليكي» يعني مافيش أوزان وفيه الآلات بدل الحمل أو خفض الأثقال، بـ تدفعيها أو بـ تسحبيها، وده بـ يقلل من أوجاع أو إصابات العظام وبـ يحسن قوة العضلة. فرع «كيرﭬز» الموجود فى «المعادى الجديدة» على طول زحمة ومليان بالطاقة والنشاط. الباب الخارجي زجاجه من النوع اللى مش بـ يبين اللي وراه والـﭼيم كله من جوه لونه موﭪ والأغاني الشغالة كلها هيب هوب. على الحيطان لوح مكتوب فيها كلمات تشجيعية زي «احنا هـ نتفوق على البطاطس المحمرة»، ودي جزء من اللمسات الأنثوية اللي طاغية على المكان. الآلات محطوطة في شكل دائري، وهما مقتنعين أن ده أسلوب كويس عشان تعرف تتكلم مع اللي جنبك وبـ يشجع على إحساسك بوجود مجتمع حواليك وأنت بـ تلعب. المدربين اللطاف هـ يعدوا عليك كل شوية ويشجعوك وبـ يحطوا «شريحة إلكترونية – microchip» في الآلة اللي أنت بـ تلعب عليها عشان يراقبوا التطور بتاعك، وعدد السعرات الحرارية اللي بـ تحرقها. المكان كمان بـ يقدم حصص رقص شرقى و«هولا هوب». في أول زيارة للـﭽيم القائمين على المكان بـ يدولك جولة فى المكان علشان تتعرف عليه وكمان بـ يعملوا تقييم لوزنك، بالإضافة إلى نسبة الدهون ومعدلات الحرق في الجسم. المشكلة بـ تبدأ عند الدفع: 3 شهور اشتراك فى «كيرﭬز» هـ تكلفك 1500 جنيه، واشتراك لمدة سنة واحدة بـ3000 جنيه، السعر غالى مقارنة بصالات الـﭼيم التانية اللي ممكن تكون بـ تقدم خدمات أكثر. العاملين فى «كيرﭬز» لطاف والمكان مشجع لممارسة الرياضة، بس حاول أنك لما تروح تكون بعافيتك وعندك طاقة وحماس كافي للتمرينات.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن