صحة ولياقة

جوسي بيوتي صالون: صالون تجميل بيتوتي ودافئ بالقاهرة الجديدة
اصدرت في: 26/05/2014

بالرغم من عدد صالونات التجميل الكبيرة الموجودة بالقاهرة، إلا أن العدد بـ يقل كل ما اتجهنا للمناطق اللي موجودة على أطراف القاهرة، وبالتالي عدد الاختيارات بالنسبة لنا بـ يقل، والمنافسة ما بين الصالونات دي بـ تزيد، بالذات في القاهرة الجديدة. بعد نجاح فرع المعادي، "جوسي بيوتي صالون - Beauty Salon Josy" فتح في المنطقة السكنية في التجمع الخامس. المكان صعب الوصول إليه بدون وصف، خاصة أن مافيش علامة توضح أن الصالون موجود هنا، أو أن دي فيلا 5، غير علامة صغيرة جدًا بجانب جرس المدخل. بعد مجموعة من السلالم، هـ تشعر بجو منعش مليء بالروائح الحلوة -ده لأن المكان فيه Spa- ده غير العاملين بالمكان واللي بـ يكلموا أكثر من لغة. خدماتهم كثيرة ومنوعة ولذلك طابعين منيو فيها قائمة الأسعار (ده من حسن حظنا طبعًا). تشكيلة كبيرة من مقشرات الجسم (120+ جنيه)، ولو هـ تلفي جسمك بالكريم (170+ جنيه) أما الماسكات فأسعارها (60: 1100 جنيه)، شمع لإزالة الشعر (10: 160 جنيه). كمان عندهم مجموعة من المانيكيرات: الجيل والأكريليك. جربنا الشمع لإزالة الساق كلها (كنا محتاجين بصراحة!) وسعره (120 جنيه)، عملنا مانيكير (65 جنيه) وباديكير (80 جنيه)، وطبعًا  لو طلبت أي رسوم على الأظافر الموضوع هـ يبقى أغلى. جوسي نفسها ومساعدتها بـ يقوموا بكل حاجة، ولو عاوزة جوسي شخصيًا لازم يبقى بالحجز والسعر طبعًا هـ يبقى أغلى. ألوان الديكور مش معتادة في الصالونات، فبدل أبيض المستشفيات اللي متعودين نشوفه (قال يعني المكان نظيف!) المحل مستخدم الأخضر والبنفسجي، مش أي حد هـ يحبه ولكن الألوان أكسبت المكان حياة وشخصية. قلنا أننا كنا في أمس الحاجة لإزالة الشعر، دخلنا حجرة صغيرة، وتركونا على راحتنا علشان نغيّر على أنغام الموسيقى الهادئة. قبل ما نبدأ عملية التعذيب، نقصد الإزالة، وضعوا لنا بودر (علشان ما نتوجعش) قبل ما يقوموا بوضع الشمع. بعد تنفيذ قرار الإزالة رجلينا كانت بـ تلمع زي الفضة... وبالرغم من أن النتائج كانت مذهلة إلا أن كمية الزيت اللي المفروض تزيل بقايا الشمع كانت قليلة جدًا... وبالتالي كنا مبسوطين... بس ملزقين! بعد ما عملنا عملية النظافة الشاملة، اتجهنا للحجرة الرئيسية علشان نعتني بأظافرنا، الخدمة كانت ممتازة وكذلك المستحضرات المستخدمة. أظافرنا شكلها كان مضبوط بعد القص والبرد. بعد كده وُضع لنا ثلاث طبقات من المانيكير. الصالون رائع والخدمة ممتازة، يستاهل أن الواحد يروح يقضي اليوم هناك ويدلع نفسه.

...

ب 35: اعرف كثير عنك في مركز صحي لطيف بالزمالك
اصدرت في: 21/04/2014

قبل الكتابة: لازم نقول قبل البداية كده أن الاسم مختلف وجديد وحلو وبسيط جدًا.. الاسم هو عنوان المكان.. تخيلوا الفكرة يعنى، اربط الاسم بالعنوان ما حدش هـ يتوه وهـ يفضلوا فاكرين المكان كويس طوال الوقت "فكرة برضه".   الفكرة: هو مكان بـ يتم فيه مختلف أنواع الرياضات الروحية ورياضات التركيز واليوجا واللى نقدر نسميها بالعربى "قيادة الحياة الصحية"، إزاى تعيش سعيد بشكل صحى وتمارس رياضة وكل ده فى حالة روحية عالية... فاكرين "امرأة تبحث عن كل شيء".   طعام.. صلاة.. حب ده اسم الكتاب المشهور للكاتبة الأمريكية إليزابيث جيلبرت.. واللى لعبت دورها جوليا روبرتس فى فيلم من نفس الاسم.. الحالة الروحية اللى هـ تقرأها فى الكتاب واللى هـ تشوفها فى الفيلم وفكرة التأمل والبحث عن الذات فى معتزل بالهند.. تقريبًا كده هى دى فكرة المكان اللى بـ نتكلم عنه.   المكان: المكان موجود فى منطقة الزمالك حيث الهدوء.. وفى شارع كله سفارات حيث الهدوء أكثر.. فى 35 ب شارع محمد مظهر.. الدور الثالث شقة 9.. مبدئيًا قبل ما تروح لازم تبقى عارف المواعيد علشان ما تروحش فى وقت "درس خاص" ومش هـ تعرف تدخل المكان.   الدروس: المكان بـ يوفر دروس خاصة للنساء عن اليوجا والتأمل.. وبـ يوفر دروس عامة برضه للناس.. لأ وكمان بـ يوفروا أمسيات يوجا لكل الناس فى أماكن مفتوحة زى ما عملت "هنا كمال" مؤسسة ب 35 وعملت درس يوجا مفتوح لشباب كثير فى أماكن مفتوحة.. واللى عاوزة من خلاله تنشر ثقافة اليوجا ولأنها معالجة نفسية وخبيرة يوجا.. فبـ تقول أن اليوجا علاج للاكتئاب وهى الطريق للسعادة.   السعادة: عاوز تبقى سعيد؟ تأمل فى نفسك واعرفها.. عاوز تتخلص من الهموم اللى حولك؟ لازم تلاقى وقت لنفسك ولروحك.. عاوز تلعب رياضة مفيدة؟ العب يوجا.. لكن لازم تلعبها على يد متخصصين.. لأن اليوجا مش مجرد جلسة وتغميض عينين.. اليوجا فلسفة وأسس وقواعد وطريقة تنفس وبحث عن الروح ومراحل وإدراك للعالم من منظور مختلف.   المنظور: وعلشان منظور الحياة مختلف فى 35 ب.. دائمًا بـ يطوروا نفسهم وبـ يعملوا دروس مختلفة عن كل الحياة الصحية وعن التأمل الصوفى.. وصراحة أول مركز نشوفه بـ يعمل تأمل صوفى.. مع أن الموضوع قديم جدًا والتأمل الصوفى واحد من أهم طرق التأمل وبـ يربط بين الروح والجسد والكون بشكل عبقرى.. لكن كمان لازم تنقى روحك قوى وبعدين تمارس التأمل الصوفى يمكن تشوف اللى غيرك مش قادر يشوفه.   علشان تشوف: علشان تشوف اللى غيرك مش قادر يشوفه يبقى لازم تعالج نفسك وتطلع اللى جواها من خلال لعبة الرسم والألوان اللى بـ تتعمل فى المركز واسمها "ورشة العلاج بالفن" كل واحد يقدر يرسم لأن الرسم فطرة فى المقام الأول مش موهبة بس، ومن خلال الرسم والشخبطة تتحلل شخصيتك وتعرف كثير عنك.

...

نيلز & مور: صالون تجميل جذاب ومريح فى الزمالك
اصدرت في: 26/02/2014

رغم أن صالونات التجميل والكوافيرات من أهم الشغلانات فى القاهرة،المفاجأة الغريبة أن أداء عدد كبير منهم أقل بكثير من التوقعات. باعتبارها فوود كورت القاهرة بحالها، الزمالك يوم وراء الثانى بـ تتحول كمان لراعى الصالونات فى مصر. "نيلز & مور-Nails & More" أحدث صالون تجميل وسبا، فتح قريب جدًا جدًا من "توا –Toi" على شارع الجزيرة الوسطى. مع وجود مسؤول عن ركن السيارات قريب من الصالون، سهل تلاحظ الصالون الصغير بتصميم كبير منتشر على واجهة العمارة.الباب الرئيسى المصنوع من زجاج غير شفاف مقفول زيادة فى الخصوصية، ويخفى وراءه جنةبناتية رائعة؛ الصالون بتصميماته اللى تجمع بين درجات من  الزمردى، والوردى الصارخ ودرجات الأصفر الباهت بجانب نجف أنيق بـ يبعث إحساس بالرقى والراحة. صحيح إحنا كلمناهم قبل حضورنا بوقت قليل، لكنهم قابلونا بشكل لطيف وبدأنا فى عمل المانيكير (50جنيه) فى الوقت المطلوب، مع إزالة شعر الرجل كاملاً بالشمع (80جنيه). الصالون كمان بـ يوفر خدمات للشعر منها باستخدام الفرشاة (70جنيه)، قصّات (100جنيه) وصبغة (+300جنيه). مجموعة متكاملة من خدمات السبا برضه متوفرة تشمل حمام مغربى (200جنيه)، تدليك وتنظيف الجسم بالفرك، ومستحضرات تجميل، وماكياج وأظافر صناعية. بـ يبيعوا منتجات تجميل مشهورة للشعر، والأظافر ومستحضرات تجميل خلف الكاونتر؛ تحديدًا طلاء أظافر من أورلى. قبل وصولنا لمكان عمل الشمع، قدموا لنا مشروب هدية، وقررنا نختار بنفسنا طلاء الأظافر؛ العرض الأنيق بـ يقدم عدد كبير من الألوان والماركات. غرفة الشمع كانتضيقة شوية، لكن فى نفس الوقت كافية ونظيفة مافيش كلام، مع بشاكير نظيفة مفروشة فوق السرير. بعيدًا عن شوية أسلاك نازلة من الحائط، الغرفة بـ توفر إحساس يشبه جو البيت زى باقى الصالون. العملية تمت عن طريق صاحبة المكان بنفسها، بشكل سريع، دقيق وتقريبًا من غير أى ألم. بعدها سلمونا بشكير نظيف لإزالة أى بواقى زيتية، وسابونا نبدل هدومنا لوحدنا. فى وجود ثلاثة كراسى بس، وترابيزات جانبية وحوض ثابت لعمل الباديكير، منطقة العناية بالأظافر لها جو مريح، وبسبب عدد الكراسى المحدود، صعب المكان يكون زحمة فى أى وقت. المانيكير –نفذته فنية اسمها مروة– كان بنفس دقة الشمع، بنفس مراحل البرد وإزالة الزيادات الجلدية، وبعدها عملت تقشير وتزييت لليدين باستخدام عطر رائحته جميلة.استخدمت طبقتين من طلاء أظافر من اختيارنا بشكل ممتاز، بطبقة علوية وطبقة سفلية بحيث يستمر لفترة طويلة. "نيلز & مور" إضافة جذابة خبيرة لعدد الصالونات المتزايد يوم بعد يوم فى الزمالك، كل أملنا أن –مع زيادة شعبيتهم– جدول المواعيد يتم إدارته بشكل ذكى علشان يتجنبوا الزحام.

...

سقارة بالم كلوب: قضى يوم بعيد عن الدوشة والسياسة في سقارة بالجيزة
اصدرت في: 17/11/2013

في وسط ظروف البلد وزحمة الأحداث السياسية الكثيرة من مظاهرات واعتصامات وخناق وتليفزيون وتوك شو وغيرها بقى ضروري الواحد يقضي يوم مختلف، يقفل تليفونه ويأخذ أسرته أو أصحابه ويطلع على قرية "سقارة بالم كلوب" السياحية الموجودة فى سقارة بالجيزة، القرية بعيدة عن شارع الهرم 18 كيلو، يعنى مش هـ تأخذ أكثر من 20 دقيقة بالعربية، ومش هـ تزيد عن نصف ساعة بأى حال من الأحوال لأن الطريق كويس ومن غير أى زحمة. قرية "بالم كلوب" رغم تواجدها فى محيط بـ يضم كثير من الأماكن السياحية والفنادق، لكنها من الأماكن المميزة بمساحتها الواسعة وتصميمها المميز اللى هـ يلفت انتباهك بمجرد دخولها، خارج القرية هـ تلاقى مكان واسع لركن العربيات، داخل القرية بقى هـ تلاقى حمام سباحة واسع ومتدرج بحيث يناسب الأطفال والكبار، كمان بـ يسمح بنزوله للبنات والسيدات بالمايوه العادى أو المايوه الإسلامي، ينتهى حمام السباحة -واللى آخر ميعاد لنزوله هو 6 مساءً- بمكان لتناول المشروبات المختلفة، القرية كمان فيها مساحة كبيرة من الأشجار والزرع اللى هـ تقابلك أول ما تدخل، وكمان فيه مطعم لتناول وجبات الإفطار والغداء، وملاهى صغيرة للأطفال، بالإضافة لأماكن مخصصة لتغيير الملابس ودورات المياه ومكان للأمانات إذا حبيت تحفظ فيه متعلقاتك، بالإضافة إلى صالة للعب البينج بونج، وملعب لرياضة التنس والأسكواش وكرة الطائرة وكرة السلة وملعب لكرة القدم ومكان لركوب الخيل. القرية بـ تضم كمان بازارات لشراء الهدايا التذكارية، بالإضافة إلى غرف مجهزة وفاخرة للمبيت إذا عجبك الجو وقررت تريح أعصابك أكثر من يوم، أما المطعم فبـ يقدم أكلات متنوعة وساخنة بالإضافة إلى مختلف المشروبات، غير كل ده فيه "دى جى" بـ يشغل أغانى عربى وأجنبى، أما لو حبيت تطول يومك شوية وتفضل لغاية بالليل، فهـ تشوف منظر رائع وأضواء مبهجة وهـ تسمع مزيكا حلوة. أما أسعار دخول القرية والاستمتاع بحمام السباحة وتناول الغداء اللى مكون من طبق رئيسي من اللحوم بجانب الشوربة والأرز والسلاطات فهـ يكون 150 جنيه في أيام الاثنين والثلاثاء والأربعاء والخميس والجمعة، أما يومى السبت والأحد فالتذكرة بـ تكون 175 جنيه، أما لو اكتفيت بنزول حمام السباحة مع ساندويتش بدل الغداء فالتذكرة هـ تقل وتكون 130 جنيه.  أما لو كنت ناوى علي المبيت في القرية فالأسعار بـ تبدأ من 120 جنيه لجناح كامل عائلي يعنى أكثر من فردين، لو هـ تضيف الإفطار والغداء فبـ يكون 580 جنيه، أما أسعار المجموعات بـ تختلف حسب الاتفاق، لكن بـ يكون فيه خصومات وعروض مميزة. القرية موجودة على الطريق الرئيسى لسقارة والوصول لها سهل جدًا، ولو تُهت أو عاوز تستفسر عن أى معلومات ثانية تقدر تتصل بـ 0238191999.

...

تشاينا بيرل أروما ثيرابى كلوب: علاجات تجميلية بسيطة فى الزمالك
اصدرت في: 29/08/2013

الدلع والراحة فى القاهرة عادة لهم ثمن، خصوصًا أن المنتجعات الصحية الشهيرة غالبًا موجودة فى الفنادق الكبيرة المنتشرة حول المدينة. وسط رحلة البحث عن حاجة مختلفة، طلعنا على "تشاينا بيرل أروما ثيرابى كلوب - China Pearl Aromatherapy Club" الموجود فى الزمالك. متعلق يافطة صغيرة بجانب أبواب مطعم السوشى فويجو Fuego  على شارع أبو الفدا فى الزمالك، بـ تعلن عن مركز التجميل؛ حاولنا نتجاهل حجزنا مؤقتًا ونطلع السلالم للدور الأول. الغريب أن مركز التجميل كان عبارة عن شقة، متجمع فيها الأسرة كلها على كنب فى اللوبى. كنا طلبناهم قبل وصولنا علشان نحجز، ولما ما حدش طلب منا الأسماء أو رقم التليفون فهمنا أن مافيش مشكلة تروح بدون حجز. ديكورات المكان قديمة وغير منظمة، أما الغرف فمقسمة لجدران وأبواب خفيفة، والاثنين ساهموا فى تعزيز الشكل الردئ. مركز التجميل بـ يقدم مجموعة من الطرق العلاجية للرجال والسيدات، وصحيح أن المنيوهين الكبار يجمعوا بين المساج (100: 300 جنيه) وعلاج للأقدام (120 جنيه)، منيو السيدات بـ تقدم إضافات منها 45 دقيقة من تجميل الوجه (180 جنيه) وفن العناية بالأظافر (150: 280 جنيه). تشاينا بيرل كمان بـ يقدم علاجات متخصصة منها الحجامة (100 جنيه)، تقشير البشرة (100 جنيه) إزالة شمع الأذن (380 جنيه)، والأخيرة تحديدًا علاج مضاد للالتهابات وإزالة السموم فى القناة السمعية. حجزنا جلسة عناية بالأظافر (150 جنيه)، لكن عرفنا أن الإخصائية مش موجودة لغاية الأسبوع القادم. كنا محتاجين مساج كامل للجسم (300 جنيه)، وكل أملنا نستمتع بساعة من الراحة والاسترخاء. وزى ما طلبنا الجلسة تكون ثنائية، أخذونا للغرفة الثنائية، عبارة عن ترابيزتين مساج متجاورين من الجلد الأحمر عليهم بشاكير خشنة. الإضاءة كانت معتمة بهدف خلق جو مريح –وطبعًا لأغراض جمالية- لكن فى نفس الوقت كنا شايفين السجاد تحت السرائر مهترئ ومبقع فى مناطق منه. المدلكتين تكلموا انجليزى بسيط جدًا بدون الاهتمام بالخصوصية؛ كل التعليمات كانت أننا نخلع ملابسنا ونمدد على السرير، بدون ما يمسكوا الملايات أو البشاكير حفاظًا على الحياء. استخدموا زيت بدون رائحة وعملية التدليك تمت بثبات وعناية، وأغلب التركيز كان على منطقة الظهر. المدلكة استخدمت طرق وأساليب متنوعة عن طريق الضغط على نقاط ضغط محددة. وبجانب أن الاحترافية لسوء الحظ ضاعت مع دردشتهم باللغة الصينية، دلكوا بعض نقاط الضغط لكن مش بالقدر المطلوب. بعد ساعة وشوية، سلمونا صنادل مستعملة نلبسها وأخذونا للحمام الوحيد فى المكان؛ مافيش عندهم تقديم أى رفاهيات، ولا حتى بشاكير نظيفة. استغربت المدلكة أننا رغم طلبنا أن التدليك يكون ثنائى، بس مش معنى ده أننا نشترك فى الحمام! من الوهلة الأولى، كان واضح أن الأسعار معقولة، لكن بعد زيارتنا جاء لنا إحساس أن بشوية فلوس زيادة كنا اتدلعنا فى أى مكان خمس نجوم قريب. على الرغم من حاجز اللغة "تشاينا بيرل أروما ثيرابى كلوب" بـ يوفر جو ودى مريح، مع علاجات مريحة خفيفة، بدون أى كماليات وكل ده فى قلب الزمالك.

...

فيرمونت نايل سيتى: اقضى يوم من الصيف على حمام السباحة الممتع فى القاهرة
اصدرت في: 09/08/2013

وسط رحلتنا للبحث عن يوم على حمام السباحة والهروب من حرارة القاهرة، أول ما دخلنا فيرمونت نايل سيتى عرفنا أن منتظرنا يوم رائع. الأبراج الظاهرة للكل بـ يزينها ما يشبه طراز فن آرت ديكوجاتسبى، تموتك من الحسرة.  طار بينا الأسانسير بواجهته الزجاجية 24دور كاملين، عدينا فيهم على قاعات فخمة فظيعة منها قاعات رقص، غرف مؤتمرات، مطاعم وبارات وكلهم تابعين للفندق، وصولاً للمنتجع الصحى الخاص بالفندق اللى حجزنا فيه. ومعنى أن المنتجع الصحى فى الدور 24 يبقى حمام السباحة فى الدور 25 حمام سباحة على الروف، تمام! دعينا من كل قلبنا أن الشمس تشد حيلها وتطلع اليوم ده، وفعلاً ماخيبتش أملنا. الأكيد أنك هـ تأخذ التان بتاعك بعيدًا عن دخان وتراب القاهرة، استمتعنا كمان بالنسمات المنعشة وإحنا مستلقيين على أعلى نقطة فى الأبراج. حمام السباحة يعتبر جزء من "ويللو ستريم سبا -Willow Stream Spa" اللى فيه بـ يتدلل زوار فيرمونت ويدلعوا نفسهم باستخدامهم للجيم، وحمام السباحة، وغرفة المساج، وصالون الشعر، واللاونج والمنتجع الصحى. ادفع 550جنيه واستخدم كل اللى فات ماعدا المساج والصالون. لو فاتتك نصائحنا، برضه المنظر من المكان ده مالوش مثيل، وأجمد حاجة ممكن تعملها هى أنك تبص لتحت وأنت فى الجاكوزى ومشروبك فى أيدك. موقع الفندق المميز بـ يمر به النيل وتقدر تشوف التكتلات البشرية الضخمةالمنتشرة فى القاهرة. عظمة القاهرة بـ تظهر من أكثر من المكان المميز ده، والهدوء السائد فى الروف بـ يساعدك على التأمل والتفكير. حمام السباحة محاط بكراسى كثيرة تحت شمسيات، وبكده يقدر كل واحد يستمتع بالأكل، والدردشة وحمام الشمس زى ما يحب. موظفين حمام السباحة دائمًا جاهزين ببشاكير نظيفة وطرية، وكمان تقدر تطلب أكل أو شرب. رغم أن حمام السباحة مساحته صغيرةتقدر تطرطش مياه زى ما تحب، ده غير حمام سباحة ثانى خاص بالأطفال والرضع. رغم أن عائلات كثيرة كانت مستمتعة بالجو، معظم السباحين كانوا من البالغين، وبكده ممكن عشاق السباحة يعملوا كام قفزة من غير إزعاج لحد. المياه كانت منعشة طوال اليوم، لكن رغم أنه على الروف، بدايةمن الساعة 5مساءً، العمارة المجاورة ظللت حمام السباحة ومنعت الشمس. حمام السباحة مفتوح من 7 صباحًا لغاية الغروب كل يوم، ورغم أننا وصلنا حوالى الساعة 11صباحًا، قدرنا نلاقى مكان نقعد فيه، وعلى فترة الغذاء تقريبًا كانت كل الأماكن مليانة. بشكل عام، عمرك ما هـ تندم على قضاء يوم مريح مجدد للنشاط فى فيرمونت نايل سيتى.

...

سوفيتيل الجزيرة: اقضى يوم مريح على حمام السباحة فى الزمالك
اصدرت في: 21/05/2013

الجو حر والشمس مولعة، وأنت محبوس فى القاهرة، تمام جدًا؛ اسمعنى كويس، الموضوع مش لازم يكون بالسوء ده. نقصد إيه؟ نقول لك، الحقيقة أن القاهرة مليانة طرق منعشة وممتعة تقضى بها يوم على حمام السباحة فى الحالة دى تحديدًا بـ نتكلم عن فندق سوفيتيل الجزيرة فى الزمالك. من وجهة نظرنا، المكان ده مش واخذ حقه كواحد من أجمد الفنادق فى المدينة. مكانه بـ يقع فى أكثر جزء منعزل فى الزمالك، وأول ما تقرب منه هـ تحس على طول بالراحة والهدوء. بعد ما عدينا على مكان الاستقبال الواسع البراق، توجهنا إلى المنتجع الصحى للاستمتاع بيوم من الراحة على حمام السباحة كنا محتاجينه ضرورى. زوار الفندق يقدروا بـ 300 جنيه فى أيام الأسبوع، و400 جنيه فى الويك إند يدخلوا ولمدة يوم كامل المنتجع الصحى وحمام السباحة طوال الوقت اللى يحبوه. الأسعار للأسف مش شاملة أكل أو مشروبات، وده طبعًا يعتبر إسراف، بس الصراحة الموضوع يستحق. حمام السباحة مش كبير للدرجة، بس مكانه وموقعه فى الفندق أكثر من مثالى. تقدر تختار الشيزلونجات المعتادة –رغم أن عليها مخدات ومخادع للرأس- وكمان تقدر تختار الجلوس فى المكان الأكثر خصوصية، المنطقة المشتركة؛ واللى شوفنا أن يناسبها اسم sun-couch أو "كنبة الشمس". مكانها بـ يطل مباشرة على النيل، ومع صفاء المنظر، والمكان المفتوح، بجد حاجة روعة؛ جزء من حمام السباحة بـ يطل مباشرة على النيل، وده أحسن مكان تغطس فيه. وعلى عكس فنادق كثيرة، حمام السباحة فى سوفيتيل فضل منور لوقت متأخر، وده مهم لو كنت ناوى تقضى يوم واحد بس. الخدمة كانت ممتازة والموظفين كانوا بـ ينفذوا طلباتنا فورًا. طلبنا حاجات بسيطة من المنيو، يعنى بدأنا بـ "بنانا بلاست" سموزى (54 جنيه) عبارة عن موز، وتوت، وتوت برى، وعصير برتقال وكان فعلاً اختيار رائع؛ طازج، وبارد وطبعًا صحى ومفيد. بعد ساعات من الراحة والعوم من فترة للثانية، قررنا نتغدى. الاختيارات الموجودة كان منها بيتزا مارجريتا (58 جنيه) ومكرونة كلها من القمح مع صوص بطعم جبنة جورجنزولا (56 جنيه) وكان طعمها برضه لذيذ، بس الغريب بالنسبة لنا إزاى البيتزا سعرها غالى كده! حمام السباحة كان زحمة، بس مش لدرجة تضايق، والناس الموجودة بـ يتنوعوا بين الأزواج، وشوية سياح، وعائلة واحدة مع شوية أطفال. الجو العام كان مريح؛ مافيش أى حد بـ يركز معاك أو يبص لك بشكل مزعج ودى حاجة تساوى الدنيا كلها فى مدينة زى القاهرة. سوفيتيل الجزيرة أكيد هـ يقدم لك يوم ممتع على حمام السباحة، اعمل بس حسابك تدفع زيادة شوية.

...

سو سبا: خدمات سبا فاخرة فى الزمالك
اصدرت في: 13/01/2013

بعد أسبوع متعب كله شغل وظهرنا مائل على الكمبيوتر، قررنا ولو لمرة، نبقى أنانيين تمامًا بكل ما تحمله الكلمة من معنى وندلع نفسنا بيوم سبا فى فندق سوفيتيل الجزيرة فى الزمالك. وعلشان "سو سبا – So Spa" إدارته لسه جديدة، قررنا نحجز ساعة من التدليك العطرى (690 جنيه).الفندق والمدخل الخاص به فيهم نوع من الجمال علشان موجودين فى مكان معزول، بـ يطل مباشرة على النيل. وصلنا مع غروب الشمس، فى ميعاد طقوس الغناء بالشموع، واللى بـ تُقدم فى لوبى الفندق كل يوم بعد الغروب تعبيرًا عن الرابط بين الثقافة الفرنسية والمصرية.بعد ما تفرجنا على عرض الموسيقى الشرقى وعزف الناى بإعجاب شديد، رحنا السلالم الدائرية اللى بـ تودى على السبا. عدينا على ممر معروض فيه مجموعة سو سبا من زيوت التدليك والعطور ومستحضرات التجميل الخاصة بـ Cinq Mond ورحب بنا عند المدخل مدير السبا بنفسه بمنتهى الاحترافية والأدب.قبل ما نجهز للعلاجات بتاعتنا، أخذنا جولة فى السبا والمنشآت التابعة له، من بينها جيم صغير بس على أحدث طراز، وغرف العلاجات، وغرف الراحة، كل ده بـ يكمل مع الشاى وكيك خفيف بالياسمين وبراونيز شوكولاتة طرية خالية من الجلوتين، وكمان حمام السباحة؛ حمام السباحة الخارجى بمساحته الشاسعة مع النيل بـ يخلقوا منظر خرافى.الأنوار فى السبا من الداخل معتمة والممرات محددة بأنوار لها طابع شرقي داخل زجاجات، والمزيكا مع الروائح العطرية بـ تغطى على حواسك كلها. معظم غرف العلاجات فردية ولاحظنا أن فيهم واحد ملحق به جاكوزى خاص. الغرف الزوجية برضه متاحة ويقدر فيها فردين يحصلوا على الخدمة الخاصة بهم فى نفس الوقت. سواء كنت اخترت تدليك فردى أو لفردين، بـ تأخذ مفتاح خاص بكل فرد لغرفة تغيير ملابس واللى بـ تبقى مجهزة بمجموعة كبيرة من هدايا السبا الصغيرة.غيرنا هدومنا ولبسنا روب طرى وشبشب قبل ما نتعرف على المدلكة وأخذنا حمام قدم دافئ علشان نبدأ، بـ يكمله زيت الورد والملح وتدليك قدم مريح. بعدها مددنا على ترابيزة تدليك طرية لها ملمس حريرى وفى نفس الوقت المدلكة استخدمت زيت ليمون وبرتقال دافئ رائحته منعشة وبمنتهى الهدوء دلكت كل جزء.بعد حالة الصفاء العقلى، ببطء نزلنا على حمام السباحة الممتع اللى درجة حرارته 40 درجة وكملنا الاسترخاء مع نفاثات المياه والمنظر الممتع للنيل وحمام السباحة. الباقة شاملة استخدام غرفة البخار، بس خوفًا أننا نفضل قاعدين على طول، قررنا نوفره ليوم ثانى.لما تفرجنا على مجموعة مستحضرات Cinq Mondes الموجودة فى منطقة الاستقبال، اشترينا مرطب للبشرة Onguent de Jeunesse Aux 7 Plantes Chinoises (سعره من 678: 847.53 جنيه على حسب نوع البشرة)، ودى تركيبة عضوية ضد أعراض كبر السن مستوحاة من طرق تجميل صينية. مقشر للبشرة برضه مأخوذ من جزر بالى اسمه 'Exfoliant Graines et Fleurs (470.04 كان برضه على قائمة مشترياتنا. بـ يحسسك بنعومة وانتعاش بشرة مش عادية ورغم أن سعره غالى، بس دى منتجات لها جودة عالية مناسبة للتدليل فى المناسبات المهمة أو كهدية.أكيد هـ نرجع مرة ثانية علشان نستمتع بالترف الزيادة الموجود هناك، خصوصًا لما مسئولة التجميل عندهم ترجع فى خلال الأسبوعين القادمين علشان تتعامل مع احتياجاتنا من إزالة الشعر بالشمع والمانيكير والباديكير.

...

فيلا رقم 36: صالون تجميل ممتاز ومريح فى الدقى
اصدرت في: 16/10/2012

إيه حكاية قص الشعر اللى مجرد التفكير فيه بـ يفكرنا بالمشوار المتعب اللي هـ نعمله فى زحمة القاهرة؟ الموضوع بالنسبة لنا عمره ما كان سهل، واضح أن القلق والتردد بتاعنا بقى عامل زى المرض. الخبر الكويس أن أخيرًا نقدر نقول أننا لاقينا المكان اللى مش بس بـ يخلى الموضوع سهل، ده كمان بـ يخلى التجربة ممتعة ومرضية كل مرة نروح هناك.أمامه فيه صف من الأشجار وحجر مستخبى مكتوب عليه اسم المحل، علشان كده ممكن ما تشوفش "فيلا رقم 36" وأنت ماشى. رغم كده، لو بصيت فوق هـ تلاحظ فيلا دورين كبيرة ولونها وردى ظاهرة من وراء الشجر. ادخل من البوابة، وامشى مع الممر، هـ تلاقى نفسك فى واحة من الهدوء فى لحظات قليلة.الموظفين فى «لا فيلا» ودودين ومحترفين. بعد ما تسجل اسمك، هـ تروح علشان تلبس روب أبيض نظيف ويقدموا لك مجموعة من المشروبات زى الشاى والعصير.تصميم "لا فيلا" يستحق الإشادة؛ مجموعة من الألوان معمولة بأدق التفاصيل، ومطبوعات بأشكال من الستينيات معلقة على الحائط، وأخيرًا وليس آخرًا، غرف العمل هادئة وواسعة. المكان بألوانه المشرقة بـ يكمله كنبة واسعة مدورة لونها وردى فاقع للى هـ يستنوا دورهم. حاجة ثانية، ممكن تقعد فى واحدة من البلكونات المخفية وسط الأشجار. رغم كده، لازم تخلى بالك أن الكراسى المريحة بمخداتها العميقة ممكن تشفطك داخلها.من ناحية الخدمة والأسعار، قائمة "لا فيلا" قريبة من الأماكن الثانية فى المدينة، رغم أن عندهم نقص فى خدمات المساج. مدلكة تايلاندية بـ تيجى مرة أو اثنين فى الأسبوع، على حسب جدول المواعيد. أسعار المساج بـ تبدأ من 250 جنيه وللأسف متاحة للسيدات فقط. رغم كده، أحسن حاجة عند "لا فيلا" هى اهتمامهم. من الأسماء المعروفة لناس كثير الثنائى الفرنسى بول وكريستوف دائمًا بـ يشتغلوا على الشعر بعناية ودقة مالهمش مثيل، بس للأسف كريستوف مشى من المكان. طاقم العمل بـ يستمع لرغبات زبائنهم بس برضه بـ يقولوا إيه أحسن حاجة مناسبة من وجهة نظرهم، مع الانتباه لتركيبة الوجه والجسم.فيه كمان  مصففين للشعر موجودين زى الموهوب إيهاب. مع حس الدعابة عنده وحركات الرقص على أطراف أصابعه، دائمًا التسلية بـ تكون محل ترحيب. قصات الشعر بـ تبدأ من 150 جنيه شاملة غسيل بالشامبو، مع تدليك الرأس اللى بـ يخليك عاوز تنام، وتجفيف الشعر.إزالة الشعر، والمانيكير والباديكير برضه موجودين. بـ 30 و40 جنيه، تقدرى تحصلى على عملية معالجة خبيرة للأظافر، والعناية بالجلد عند آخر الظفر، والجلد الخشن وأى مشكلة مزعجة للأظافر ممكن نقابلها. بـ يستخدموا طلاء للأظافر بجودة عالية من ماركة OPI وبـ يقترحوا كمان طبقة طلاء نهائية علشان تضمن أن اللون يفضل موجود على طول. بعد ما خلصنا كلامنا، ناقص تروح "لا فيلا" وتجرب بنفسك. من الخدمة الممتازة لزبائنهم للجو المرح والأسعار المعقولة مش غريبة أنهم يبقوا مشغولين وساعات كمان محجوزين لمدة أسبوع مقدمًا. ممكن تروحى من غير حجز بس بـ ننصح أنك تكلميهم قبلها.

...

برو سنتر: جيم أنيق ومجهز بأحدث الأجهزة الرياضية فى مدينة نصر
اصدرت في: 01/10/2012

رغم أن كثير من القاهريين عاوزين يروحوا جيم علشان يضبطوا جسمهم، بس الحماسة دى بـ تروح من عند معظمهم بعد كام شهر من الاشتراك. وعلشان كده «برو سنتر» فى مدينة نصر بـ يبذل أقصى جهده علشان أعضاءه ما يستسلموش بدرى.يعتبر برو سنتر من أشهر المراكز الموجودة فى القاهرة، والمتخصصة فى الصحة، واللياقة، وإعادة التأهيل والعلاج الطبيعى. برو سنتر بنى اسمه من خلال فروع فى كذا مكان فى القاهرة وكمان فى أربعة نوادى رياضية.وعلشان سمعنا من ناس كثير كلام عن برو سنتر وقد إيه هو مكان فخم، ومساحته واسعة وكمان فيه مشاهير كثير بـ يتمرنوا هناك من لاعبي الكورة لغاية مطربين وممثلين معروفين، قررنا نتحدى كسلنا ونروح على فرع مدينة نصر رغم أننا عارفين أن الموضوع هـ يبقى مكلف شوية.المركز بـ يقدم أنواع مختلف من العضوية: فردية، ومجموعة، وشركات، وطلبة، وكبار السن، وشباب، اشتراك سنوى واشتراكات صباحية، وكل اللى فات ده مجرد أمثلة. أسعار الاشتراك مش ثابتة ودائمًا بـ تظهر عروض جديدة. الاشتراك السنوى فى فرع مدينة نصر 3000 جنيه.الباقات الموجودة بـ تمكن الأعضاء من أنهم يستخدموا كل إمكانيات المركز زى أجهزة التمارين الرياضية المنشطة للقلب والأوعية الدموية، وحمام سباحة موجود فى الخارج، ومخصص للسيدات وقت محدد يستخدموه فيه لوحدهم، وكمان خدمات منتجع صحى متكاملة زى الساونا، وحمام البخار والجاكوزى. كمان فيه مجموعات للياقة البدنية والرقص بـ تُقدم على شكل حصص أيروبكس، ويوجا، وفنون العلاقة الزوجية، وملاكمة وأيروبكس فى المياه ورقص شرقى.  وغير كده الأعضاء يقدروا يشتركوا بأنهم يدفعوا بالحصة.وعلشان أنت عضو، بـ تأخذ دعوات لأصحابك اللى نفسهم يجربوا الجيم ليوم واحد أو دعوات لسبعة أيام حسب نوع اشتراكك.علشان نبدأ برنامج اللياقة بتاعنا، المدرب بدأ بتسجيل قياساتنا علشان يتابع تطورنا مع مرور الوقت. كمان أخذنا ثلاث جلسات مجانية مع مدرب خاص علشان يساعدنا فى ضبط النظام الغذائى والريجيم المناسب لنا.الجيم مليان أجهزة متنوعة على أعلى مستوى، من أول دمبلز 2 كيلو لغاية أجهزة معقدة. معظم الأجهزة فيها شاشات تقدر تشوف عليها فيلم أو تسمع شوية مزيكا وأنت بـ تتمرن. تقدر تلاقى مدربين موجودين فى أى وقت بـ يساعدوك ويوجهوك لو فيه أى مشكلة أمامك.كمان فيه منطقة كاملة فيها أجهزة للأطفال، مع دور كامل للسيدات مليان أجهزة كثير بس كان كئيب شوية ومحبط. ولما سألنا قالوا أن دور السيدات هـ يتجدد كله قريب.بعد التمرين ما يخلص، الأعضاء أمامهم اختيارات ثانية بدل ما يأخذوا حمامهم ويروحوا. برو سنتر بـ يقدم اختيارات لطيفة زى أنك تريح على حمام السباحة الموجود فى الروف وتشوف حاجة على الشاشة الكبيرة، أو تأكل وجبة خفيفة صحية من الكافيتريا أو  تستمتع بجلسة مساج.

...

شاهد المزيد
مواضيع خاصة

برج القاهرة: ما زال أحسن إطلالة فى العاصمة

وسط شوارع هادئة مليانة مزروعات خضراء منعشة، مطاعم راقية، كافيهات، تعتبر الزمالك من أكثر المناطق جذبًا فى مصر، ومكان لواحد من أشهر معالم القاهرة الأثرية- برج القاهر