ستيك مطاعم in السادس من أكتوبر Cairo, Egypt

مطاعم

أنديز: مشويات وأطباق إيطالية وأمريكية فى ساحة طعام مول العرب
اصدرت في: 17/06/2013

ساحة الطعام فى مول العرب مغرية كفاية لأى حد مش جعان –وأكيد جعان- أنه يدخل ويستكشف إيه اللى موجود علشان يشبع جوعه أو يستكشف إيه الأماكن الجديدة اللى فتحت فى الكام مكان اللى باقيين فاضيين هناك، وده المكان اللى اكتشفناه فتح جديد فى زيارتنا دي.. "أنديز – Andy's". بشعار It's good mood food ومنيو كبيرة فيها أطباق American Steak وItalian Chicken وكمان باستا وساندويتشات وقسم للإفطار ووجبات الأطفال والساندويتشات والسلاطات والمقبلات والبرجر والسي فوود (نفسكم طويل معانا..) وأخيرًا الحلويات والقائمة -الأطول فيهم- للمشروبات أكيد هـ تتشد أنك تجربه، خاصة أن الصور مغرية كفاية، وأننا نعرف أن الأكل بـ يتحضر فريش أول بأول دي حاجة تشجعنا كمان. قائمة الإفطار ما نفعش نطلب منا البان كيك والكريب للأسف لأنها بـ تجهز وقت الإفطار فقط، بعد حيرة ووقت طويل قررنا نأخذ طبق دجاج ليمون صوص اسمه "بولو الأليمونى" (40 جنيه) وده عبارة عن فراخ معاها صوص الليمون بالكريمة والزبدة معاها أرز بسمتي وخضار سوتيه لكن إحنا بدلنا الأرز بالبطاطس المهروسة، وكمان طلبنا أنديز ستيك (55 جنيه) 200 جرام من اللحم البلدي مع الجبن الشيدر وصوص الكريمة والمشروم مع الخضار السوتيه والبطاطس المحمرة، وCan بيبسي بـ (4 جنيه). من قسم السلاطات أخذنا سلاطة يونانى (22 جنيه)، ومن المشروبات الفريش عصير ليمون بالنعناع (7 جنيه)، ومن الحلويات تشيز كيك (15 جنيه) اللى كان شكلها غير مشجع لأنها كانت لسه طالعة مجمدة من الثلاجة والصوص متحجر من فوق. إيه كل الطلبات دي؟.. فين التفاصيل؟ براحة علينا لأنك لازم تطلب حاجتك كلها مرة واحدة، الولد اللى على الكاشير كان مهذب جدًا وساعدنا فى الاختيارات ووعدنا أن الأكل هـ يأخذ 10 دقائق، لكن للأسف الموضوع أخذ أكثر من كده بكثير. بعد ما جاء لنا الأكل أخيرًا لقينا فى طبق الستيك الخضار السوتيه يكاد يكون جزرة وواحدة بروكلي وكوسة بينما الطبق الثاني كان مضبوط، استغربنا ورجعناه وأضافوا كمية صحيحة، نأكل بقى.. الستيك كان محتاج يستوي أكثر من كده شوية، الصوص برضه بتاع الفراخ مش واضح فيه الليمون بس كان طعمه لطيف، السلاطة كانت حلوة والبطاطس المحمرة، لكن البيوريه كانت محتاجة لبن زيادة علشان تكون كريمي أكثر، الليمون برضه كان طعمه نعناع أكثر ما منه ليمون مع زيادة شوية سكر، التشيز كيك كانت لطيفة بس كانت محتاجة تهدأ من الثلاجة شوية. المكان أكله لطيف لكن محتاج اهتمام بالتفاصيل وأكيد هـ يكون نتيجته اختلاف فى الطعم كمان، وبالتالى برضه تميز عن باقى المطاعم المنافسة المحيطة بـ Andy's.

...

ستيكس & فرايز: ساندويتشات دجاج وستيك خفيفة فى مول العرب
اصدرت في: 11/04/2013

الفوود كورت فى مول العرب مافيش أزحم منها، مافيش خرم أبرة ممكن تلاقى فيه مكان تقعد خاصة فى أيام الويك إند، على الرغم من المساحة الضخمة وعدد الترابيزات والكراسي الهائل ممكن ما تلاقيهاش فاضية.. حصلت معاك قبل كده؟.. لكن فى وسط الزحمة دي وعصافير بطننا بـ "تصوصو" عيوننا وقعت على الهدف.. مكان جديد فتح جنب "كيلو كباب" اسمه "ستيكس& فرايز - Steaks & Fries". عرفنا أن المكان ده له تاريخ فى عالم المطاعم، موجود من سنة 1940، مشهور بتقديم South Philly Cheese Steak وكمان Chicken Cheese Steaks والبطاطس المحمرة والمخبوزة كمان، المنيو حجمها كبير فيها اختيارات لساندويتشات بعضها فراخ والبعض الثاني ستيك وكمان برجر (200 جرام)، وممكن تأخذه كومبو (بطاطس ومشروب وسط بإضافة 5 جنيه) أو (حجم كبير بإضافة 7 جنيه)، وفيه قسم كمان للمقبلات (رقائق وأجنحة دجاج وحلقات بصل وأصابع موتزاريلا)، وقسم الـ Fresh Cut Fries اللى فيها بطاطس سادة (وسط بـ 4 جنيه وحجم كبير بـ 5 جنيه) وممكن تضيف عليه جبنة شيدر (5 للوسط و7 للكبير)، أو جبنة شيدر وبيكون (6 للوسط و8 للكبير)، أو بيكون ورانش (نفس سعر الأخير)، البطاطس المخبوزة أو الـ Baked Potato بـ يتراوح سعرها من 7 إلى 15 جنيه حسب نوع الإضافة اللى بـ تحطها عليها. اختارنا من المنيو جريلد تشيكن ساندويتش كومبو (اتحسب لنا 30 جنيه بدلاً من 35 جنيه!)، ومن قائمة البطاطس المخبوزة اختارنا باربكيو فيلى وركس Philly Works يسعر 15 جنيه وده بـ يكون عليه جبن شيدر وكريمة وبيكون، الغريب أن فى الصور البطاطس اللى بـ تنزل مع الساندويتش كانت ويدجز لكن اللى نزلت لنا كانت صوابع عادية، الساندويتش كان حلو جدًا وطعم تتبيلة الفراخ كانت واضحة معاها خس وطماطم وحجم البيبسي كان ضخم ممكن يشربه اثنين، البطاطس المخبوزة كانت مقسومة نصفين وعليها المكونات من فوق، كانت جيدة لكن ما أبهرتناش لأنها كانت عاوزة "تتهري" شوية، كمان كان فيها مشكلة أن المكونات مش موجودة داخلها (من فوق بس) وبالتالي بـ تخلص قبل ما توصل لنهايتها وبـ تتأكل سادة، بس طعمها وشكلها كان لطيف. المكان مش فيه خدمة وضريبة، وتقددر تتعرف على كل أصناف الساندويتشات من خلال صفحة ستيكس & فرايز على الفيسبوك، المكان لطيف والخدمة سرعتها جيدة بالنسبة ليوم زحمة فى الويك إند، جرب ساندويتشات الستيك اللى هناك أكيد هـ تكون على نفس المستوى.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن