زهور تسوق in Cairo, Egypt

تسوق

فلاور باور: ورد مبهج، ومحل محبط فى مول داون تاون القطامية
اصدرت في: 30/04/2014

التسوق بهدف شراء ورد يعتبر مشكلة، خصوصًا لو بصيت على الكم المهول من محلات الورد المتواضعة فى العاصمة. بتعامله مع عدد من أجمد فنادق القاهرة، زى دوسيت ثانى والفور سيزونز، "فلاور باور - Flower Power" متخصص فى تقديم الورد المبهر للبيوت، والمناسبات، والمكاتب وأى حاجة ممكن تحتاج ورد. مع وجود فرعهم الرئيسى فى المهندسين، إحنا زورنا واحد من فروعهم القليلة فى مول داون تاون القطامية فى القاهرة الجديدة، المشكلة أن المحل الضيق مش مناسب للاسم؛ العرض الضئيل من الورد الفريش اللى يكفى بالعافية بوكيه ورد كان محبط، بسعر الفرع الواحد حوالى 10 جنيه، وكان صعب نكوّن تشكيلة منهم. رغم كده، المحل بـ يقدم لمحة من مجموعته الكاملة، منها فروع ضخمة من البامبو المموج، زنابق منها وردى مثير ومنها لوف أو أذن الفيل باللون الأبيض، ودول يعتبروا من بين أبرز الاختيارات الموجودة. الورد كان معروض فى فازات زجاجية جذابة بأحجام كبيرة، بس المحبط أنهم مش للبيع، وعرضهم كان علشان يظهروا مثال للفازات المتوفرة. فى وجود ورشة فى آخر المكان، عدد من تشكيلات الورد كانت جاهزة ومستنية التسليم، زينة للترابيزات كبيرة لفتت انتباهنا مكونة من ورد أصفر وبرتقالى مبهج سعرها حوالى 500 جنيه، والباقات دي ممكن تتفصل على حسب ذوق العميل والمناسبة المطلوبة. للأسف، مافيش كتالوج نشوف فيه منتجاتهم، ولازم نسألهم عن كل حاجة علشان الأسعار حتى مش واضحة. المفروض أن شاشة التليفزيون الموجودة فى المحل بـ تعرض صور للاختيارات المتوفرة، بس وقت زيارتنا، حتى التليفزيون كان مقفول، ووقعنا فى حيرة وسط الاختيارات القليلة الموجودة. اقترحوا علينا ندخل على موقعهم الرسمى مع وعد بوجود الأسعار ومعلومات أكثر، بس الحقيقة كل الموجود كان شوية صور. الحاجات الجاهزة مناسبة أكثر للمناسبات، واللى بـ نشوفها فى الفنادق والأفراح تصميماتها وجودتها مالهاش مثيل، وكمان بـ تبقى فريش. التوصيل بـ يتم حسب جدول زمنى لضمان أن بوكيهات الورد تكون فريش. علشان إحنا شوفنا بنفسنا شغل فلاور باور معروض فى فنادق ومناسبات، جودة الورد مافيهاش شك. عمومًا، من غير الخلفية اللى عارفينها، كان زماننا مشينا من المحل محبطين.

...

أوتسايد إن: جاليرى للورد فى هليوبوليس
اصدرت في: 11/02/2013

ينقسم "أوتسايد إن – Outside In" الموجود فى شارع متفرع من شارع النزهة الهادئ بمنطقة هليوبوليس لدورين. المحل الصغير ده بـ ينفذ حرفيًا معنى اسمه، بـ يجذب الناس من الخارج للداخل. مجموعة جميلة متعددة الألوان من الورود الصناعية شديدة الشبه من الطبيعية بـ تزين حوائط المكان ومرتبة فى فازات شيك جودتها عالية.الورد بـ يمثل عنصر مهم فى كل بيت، بس طرق عرضه المبهرة عادة بـ تبقى مكلفة ومؤقتة. أوتسايد إن بـ يقدم لعشاق تزيين البيوت بالورد بديل عن الورود الطبيعية اللي بـ تذبل بسرعة. شكل الورود البلاستيكية، والحريرية واللى شكلها مرشوشة بالمياه قريب جدًا من الحقيقيين وموجودين بمجموعة مختلفة من الأنواع، والأحجام والألوان. ورغم أن الورد عديم الرائحة، بس المحل نفسه له رائحة عطرية مشجعة وكمان مجموعة موظفين مريحين.الورد ممكن يُباع بالواحدة أو مجموعة، وبفازة أو من غير. اتشدينا فورًا لمجموعة من زهور التيوليب لونهم وردى (25 جنيه للباقة)، وورود لونها أحمر غامق (25 جنيه للباقة) وكمان زهور ليلى صفراء كبيرة عجبتنا سعرها 85 جنيه للباقة. اشترينا وردة ضخمة لونها بنفسجى غامق لها شوك بـ 40 جنيه. عندهم كمان ورود أكبر لأماكن العرض العملاقة زى زهور هيدرينجيس الدائرية وأشكال ثانية كبيرة ومش تقليدية تشبه المخروط. "أوتسايد إن" عنده مجموعة متنوعة من الفازات بكل الأشكال والأحجام، يعني فى الغالب هـ تلاقى واحدة ترضى كل الأذواق. فازة صغيرة أفقية على شكل مركب لونها ذهبى سعرها من غير الورد 750 جنيه، فى حين أن فازة ثقيلة مدورة من الزجاج لونها أزرق فاتح بـ 280 جنيه. فازة طويلة شكلها معتاد هـ تكلفك 70 جنيه وفازة من السلك المعدنى من نفس الحجم سعرها 360 جنيه. أحواض زرع داخلية فضية مبهجة تبدأ من 300 جنيه، وأصيص طويل لتزيين المكان من الخارج شكله مودرن وسعره حوالى 600 جنيه. شدتنا فازة مبتكرة لونها وردى فاتح على شكل الصبار ثمنها 250 جنيه. عندهم كمان تشكيلة قصيص زرع بأحجام صغيرة تبدأ من 50 جنيه.الأحجار المستخدمة فى تعبئة الفازات كبديل للنباتات وكمان كشكل ديكورى موجودة باللون الأبيض، والشفاف والأسود (10جنيه للكيلو). وعندهم كمان نباتات موسمية فى أوقات طرحها، زى أشجار الصنوبر وقت الكريسماس. مجلات البيت والورود برضه موجودة فى المحل علشان تستمد منهم الإلهام وكمان الموظفة تقدر تساعدك فى عمل بوكيه ممتاز يعيش العمر كله.أوتسايد إن يقدر يشتغل مع منظمى الحفلات، والأفراح ومصممى الديكور علشان يمدهم بأجمل ورد صناعى دائم الإشراق علشان يجمل أى مكان ولأى مناسبة.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن