أكل جورميه تسوق in الزمالك Cairo, Egypt

تسوق

محوج: خلطات غير عادية من العسل وحبوب القهوة الغنية فى الزمالك
اصدرت في: 22/01/2013

قبل بداية جلسة التدليل الصباحية المبكرة عند محمد الصغير حسينا باحتياج شديد لجرعة كافيين وفورًا دخلنا على المحل المجاور "محوج" الشهير بقهوته النقية الراقية ونكهات العسل غير التقليدية.المكان من الداخل صغير وضيق شوية، مع عدد كبير من الرفوف الخشبية بـ تعكس طبيعة منتجاتهم. روحنا فورًا على "مصنع القهوة" الموجود فى آخر المحل والمعروض فيه تشكيلة مختلفة من البن زى البن البرازيلى، والأسيوى والكولومبى.طلبنا لاتيه كبير (18 جنيه) بفرض أننا بـ نختار نوع البن اللى عاوزينه. الموظف على الرغم من كده بدأ من نفسه يطحن بن برازيلى خفيف اللى تقريبًا دائمًا بـ يستخدموه لأى فنجان قهوة حجمه أكبر من السبريسو. عندهم كمان تشكيلة كبيرة من النكهات زى البندق، والكراميل، والشوكولاتة والفانيليا.أكبر حجم موجود كان للأسف صغير وكمان يوم ما رحنا، ما كانش فيه أى اختيار متاح من اللبن؛ وبكده رفضوا بشكل مهذب طلبنا من اللبن خالى الدسم أو الصويا. على العموم، المنتج النهائى كان لذيذ، غنى بالنكهة وله رائحة جميلة، وبـ يثبت أن الحاجات الحلوة فعلاً بـ تيجى فى حجم صغير."محوج" رغم كده يعتبر محل أكثر منه كافيه. برطمانات زجاج مليانة عسل بـ تزين باقى الحوائط، كثير منها نصفه مليان بمكونات تشد الانتباه بـ تضيف للعسل نكهة مميزة. شوية ثانيين مخلوطين مع المكسرات زى المكاديميا، والفستق واللوز، فى حين أن إضافات الفواكة بـ تشمل الرمان، والتوت البرى والعنب البرى.سعر العسل بـ يتراوح بين 25 إلى 50 جنيه على حسب حجم الوعاء. رغم أن سعرهم يبدو غالى شوية، بس عسل محوج مش زى أى عسل ثانى؛ وبجانب مزيجهم من الفواكة والمكسرات بـ يبيعوا كمان منتجات عشبية خاصة لتعزيز المناعة، وعملية الهضم والطاقة سعر الواحدة منهم مرتفع شوية حوالى 400 جنيه.قبل ما تأخذ قرار الشراء، تقدر تجرب عينة من أنواع العسل المختلفة، كلهم إنتاج مصري ماعدا عسل الجبل المستورد من اليمن. عسل التوت البرى بلونه الوردى، والعسل بالعنب البرى كانوا مختلفين خالص وطعمهم تحفة مع النكهة المميزة لكل فاكهة واللى بـ يزيدوا من طعم العسل المسكر. عسل الجبل كان غنى، وسميك وثقيل بس سكره زيادة شوية.فريق محوج دائمًا بـ يخترع نكهات عسل جديدة غير عادية. على سبيل المثال لما دخلنا عليهم كانوا فى مرحلة تحضير خليط من حلوى السكيتلز مع حبوب لاكى تشارمز lucky charms بس لسه ما نزلش رسميًا.المحل الصغير بـ يقدم كمان مجموعة من الحلويات زى علب حلويات تركى (25 جنيه) ومجموعة من 6 قطع من الكيك (40 جنيه). بـ يبيعوا كمان إكسسوارات ساحرة منها غطاسات خشبية للعسل بـ 8 جنيه بس وملاعق خشبية لطيفة بـ 5 جنيه. سلات من الخوص فيها عسل برضه موجودة بأسعار تتراوح بين 140 إلى 300 جنيه، ويعتبروا فكرة هدية ممتازة.تقدر كمان تلاقى ماكينات القهوة المشهورة فرانسيه (2000 جنيه) مع شنط كبيرة من قهوة إيلى (95 جنيه) وعلب شاى صفيح.من الخارج، وكمان من الداخل، محوج مكان أصلى وأنيق، بـ يقدم قهوة نقية فخمة وعسل لذيذ طعمه مختلف، مع محوج الإفطار من دلوقتي بقى حاجة ثانية خالص.

...

ﭬوالا: محل منتجات وحلويات ومشروبات فاخرة في الزمالك
اصدرت في: 23/11/2011

شراء احتياجات البيت أكثر من سهولتها مافيش علشان مافيش مكان إلا وهـ تلاقي فيه خدمات من محلات وسوبرماركت بـ تقدم لك كل الأصناف والماركات لمنتجات ست البيت اللي بـ تحتاجها في الطبخ وتحضير الأكل، لكن لما تلاقي مكان بـ يقدم لك ده وبأعلى جودة ومن مطابخ عالمية مختلفة يبقى الكلام هنا مختلف. في شارع محمد مظهر في الزمالك هـ تلاقي على اليمين وأنت ماشي «ﭬوالا للأغذية الفاخرة - Voila Luxury Food»، الشركة اللي عاملة المحل ده سافرت بلاد كثيرة حول العالم وأصبح لها خبرة كبيرة في مجال المطابخ العالمية ومنتجاتها وقررت تنقلها للآخرين حول العالم، وده أول خط إنتاج لها في مصر. "ﭬوالا" جمعت أفضل تشكيلة من ماركات الطعام والمشروبات للذواقة اللي بـ يُقدروا زيهم المنتجات عالية الجودة، أكثر من 300 منتج فاخر غالي التكلفة بـ يستوردوه يوميًا من فرنسا، وإيطاليا، وأسبانيا، وأمريكا، وإنجلترا، والنمارك، وسكوتلاندا، ونورواي، وألمانيا، وإيران، وروسيا، والمجر، وأخيرًا أندونيسيا. من المنتجات اللي ممكن تلاقيها في "ﭬوالا": آيس كريم Häagen-DazsوBen & Jerry’s (59 جنيه للعلبة الحجم الكبير)، وكمان الجبنة الفرنسية A.O.C، شاي Forté، عصائر Tropicana، باستا Fiber، كافيه Corisini، وماركات مشهورة للكافيار والسلمون وغيرها كثير كلها معبأة بطريقة فاخرة جدًا حتى أن شكل المحل من الداخل أي نعم صغير لكن منظم جدًا ومصنف كل حاجة وطريقة عرضه ممتازة. غير امتياز أنك تشتري منتجات فاخرة من كل أنحاء العالم "ﭬوالا" عندهم خدمة توصيل طلبات للمنازل توصل لك في نفس يوم ما طلبت، ومافيش حد أدنى للطلبات. في رأينا أن المحل ده هـ يكون ممتاز للمطاعم الراقية خاصة الموجودة في الفنادق عن البيوت العادية، لأننا في مصر مش عندنا حس التذوق عالي قوي، وبـ نأكل أى حاجة أمامنا مش شرط تكون أحسن منتج، لكن للذواقة ومحبي الأكل الفاخر والمتنقي على الفرازة.. المحل ده لكم.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن