خضروات وفاكهة تسوق in الزمالك Cairo, Egypt

تسوق

ليتشى: محل عصير جديد بـ يرجع العصر الذهبى للفواكة فى الزمالك
اصدرت في: 31/01/2013

مكان لطيف فى شارع البرازيل المزدحم الموجود فى الزمالك، تقدر تشرب فيه سموزى مليان فيتامينات أو عصير فواكة فريش. من بين كل محلات الأكلات السريعة، والكب كيكس والأيس كريم اللى احتلت قلوب وعقول أهل القاهرة على مدار سنين، دلوقت "ليتشى" بـ يقدم فكرة جديدة عالمية بـ تثبت أن العصير ممكن يبقى ممتع بنفس الدرجة.فى خارج المكان وكمان فى الداخل، ليتشى بـ يستخدم مجموعة مشرقة من الألوان، موزعة بطريقة فنية ومطبوعة على فرش من خشب طبيعى. المحل شكله قريب من ثمرة الليتشى الحقيقية بصدفتها الثابتة على الباب الخارجى اللى بـ تغلف فاكهة لذيذة من الداخل. مساحة المحل صغيرة شوية، وفيه ترابيزة واحدة بـ تشجع على الحركة السريعة، يعنى اطلب وامشى. القائمة الطويلة من كوكتيلات الفواكة والسموزى معروضة بشكل أنيق على لوح كتابة على جانبي ماكينة العصير المليانة بعصائر فاكهة تقدر تجرب طعمها. طريقة ثانية تفاعلية لعرض المنيو، عبارة عن جهازين أى باد معلقين على الحائط تقدر تتفرج فيهم على المنيو، وتعمل السموزى الخاص بك وكمان تطلب عن طريق برنامج ليتشى الخاص قبل ما تدفع على الكاونتر. عندهم كمان مع خلطات الفواكة مجموعة من المشروبات الساخنة زى الشاى والقهوة (6 جنيه- 13 جنيه).على الحائط المقابل، شوية أقفاص مليانة فاكهة طازجة بـ توصل يوم بيوم. كان بـ يُباع يوم زيارتنا للمكان أناناس لذيذ سعر القطعة 22 جنيه، وسعر كيلو الموز 15 جنيه، وWhile Apples عبارة عن خليط من التوت الأحمر، والتوت البرى، والعنب البرى، والفراولة، والموز والزبادى. جربنا كمان عصير مانجو سيتى (16 جنيه) واللى بـ يجمع بين المانجو، والفراولة، والموز واللبن. تقدر كمان تختار عصيرك من غير سكر، وكمان تقدر تعمل ميكس خاص بك (16 جنيه) من أربعة مكونات من اختيارك.تحضير السموزى كان سريع وتم تقديمه فى حامل كرتون علشان يمنع أصابعنا من التجمد. البيرى لأن كان طعمه مسكر ولذيذ وكمان الزبادى أضاف له قوام سميك دسم. وزى ما توقعنا، المانجو سيتى برضه كان طعمه تحفة مع الطعم القوى المسكر للمانجو اللى بـ يطغى على طعم باقى الفواكة.انسى الإفطار الثقيل والقهوة، وغير وجبتك الصباحية بعصير فاكهة مفيد وكمان بـ يشبع. إحنا بـ نحب فواكة ليتشى بطعمها الطازج الطبيعى، وطبعًا ما تنساش السموزى اللذيذ.

...

نجمة حشمت: جنة المنتجات الطازجة فى الزمالك
اصدرت في: 07/11/2012

من المؤكد أن منطقة الزمالك مافيهاش نقص فى عدد محلات البقالة؛ فيها فروع من كل سلاسل السوبر ماركت الكبيرة الموجودة فى القاهرة، ومحلين أو ثلاثة بـ يبيعوا فواكة، وعدد كبير من محلات البقالة الصغيرة والأكشاك، وحتى مقدمى الأطعمة الفاخرة زى «جورميه – Gourmet» و«فوالا – Voila». رغم كده عدد البقالين اللى بـ يعرضوا منتجاتهم محدود قوى بالنسبة لمكان يقدر يستوعب أنواع كثيرة من الأكلات. الأغرب من كده أن المحلات الموجودة أصلاً عندها تشكيلة قليلة وجودتها مشكوك فيها. بس «نجمة حشمت» زى اسمه ما بـ يقول يعتبر فعلاً نجم وسط محلات الزمالك."نجمة حشمت" موجود فى شارع أحمد حشمت قريب من شارع إسماعيل محمد، وعنده كميات هائلة من المنتجات الطازجة. المحل الصغير مافيهوش بهرجة ويتميز بالبساطة، وبـ يفرش منتجاته من الخضروات الصالحة للأكل فى الخارج. أقفاص الخس والتوابل بـ تغرى الناس اللى بـ تعدى على المحل علشان أحسن طريقة تعبر عن المكان هى منتجاته نفسها.واجهة المحل المظللة بـ تعرض خس الآيس بيرج (4 جنيه) خس أخضر أو أحمر (3 جنيه)، وأوراق وأعشاب. محبي صوص البيستو هـ يحبوا الريحان الطازج الكثير بطعمه المسكر واللى سعره أكثر من معقول (5 جنيه). كل المنتجات الخضراء فى المحل والمعرضة للذبول بـ يعتنوا بها وبـ تتسقى كل فترة بالمياه علشان تحميها وكمان يوفر من وقت تحضير الأكل.المكان من الداخل مقسم بالتساوى بين الخضروات والفواكة. كل الخضروات التقليدية موجودة زى البصل، والبطاطس، والخيار، والكوسة، والفلفل والقرنبيط. الحاجات اللى صعب تلاقيها بره زى الهليون asparagus، والكُرّات، والبروكلى (8 جنيه للكيلو) عادة موجودة عند "نجمة حشمت". كمان هـ تلاقى فواكة الموسم موجودة، فى الوقت الحالى عندهم جريب فروت لذيذ، ورمان وتفاح (سعر الكيلو 12 جنيه). "نجمة حشمت" كمان بـ يقدم منتجات مستوردة من أماكن ثانية فى المنطقة منها البرقوق والأفوكادو (سعر القطعة حوالى 10 جنيه).نادرًا ما تلاقى عنده فواكة أو خضروات ذابلة أو بايظة، وعلشان كده الموظفين فخورين أنهم بـ يقدموا أجود المنتجات. الاستثناء الوحيد هو أنهم بـ يبيعوا منتجات معبأة فى أطباق من الفوم بـ تبقى محبطة أحيانًا.علشان تتأكد من الاستفادة من الفلوس المدفوعة اطلب منهم كيس واختار حاجتك بنفسك، على عكس أماكن ثانية الموظفين بـ يوافقوا على طلبك بكل سعادة. رغم أنك هـ تدفع كثير فى منتجاتهم بس برضه الأسعار أرخص من أسعار فروع السوبر ماركت الكبيرة، وطبعًا الجودة أحسن.

...

الموفق: مكسرات وتسالي 5 نجوم
اصدرت في: 21/08/2011

أي مصري غاوي مكسرات وتسالي يعرف أن أحسن الأصناف هي اللي جايه فريش من مزارعها ولسه محمصة حالاً في المِقلة، وأحسن لب ممكن تجيبه من محل «البحر الأبيض المتوسط» في مطروح، وأحسن مكسرات وياميش عمومًا من أسوان علشان مناخها الصحراوي الحار. وفي القاهرة سهل في كل شارع أنك تلاقي مِقلة بتصميمها المميز بجبال اللب والسوداني والحمص وراء الزجاج في العرض وكلها بـ تحمل اسم «تسالي كذا...» ومنورة بإضاءة قوية. «الموفق» مختلف شوية وله كذا فرع في القاهرة، قدر يعرض ويقدم الـ "تسالي" التقليدية بشكل جديد بعيد عن طريقة عرض المِقلات اللي غير نظيفة أحيانًا. المحل محندق ومرتب وبكاونتر شيك والألوان خشبية جميلة وخدمة الزبائن سلسة وسريعة. وبَدَل ما هـ تأخذ المكسرات ولا اللب في كيس أبيض أسطواني طويل هـ تأخذ الحاجة مغلفة بإحكام وداخل شنطة قماش أنيقة عليها لوجو المحل. أكيد عديت مرة من أمام «الموفق» خصوصًا أنه له أكشاك في بعض فروع «مترو ماركت» و«كارفور» ومولات ثانية ونوادي رياضية في محافظات مصر المختلفة. وشهرته الكبيرة اكتسبها من ياميش رمضان والخوخ المجفف والمشمشية والقراصية وتشكيلة المكسرات اللي بـ يعرضها في الشهر الكريم. كل حاجة موجودة، لب وفول سوداني وجوز ولوز وكاﭼو وفستق وكل حاجة فيه منها مملح وسادة، ولو عاوز تجرب حاجة متطورة شوية من المكسرات جرب السوداني بالفلفل الحلو (100 جرام بـ 5 جنيه) أو مكسرات بالليمون المشطشط. المحل بـ يبيع مكسرات صينية مشكلة مملحة وبنكهات مختلفة، ولوز صيني وبندق بالوسابي وأي نوع من المكسرات العجيبة اللي بـ تلاقيها بـ تُباع مغلفة في السوبر ماركت. لو مدمن حلويات هـ تلاقي على الكاونتر شوكولاتة باللبن وشوكولاتة بيضاء وشوكولاتة عادية بالكراميل وجوزهند واللوز ومن غير، الـ100 جرام بـ12 جنيه. لو بـ تحب النكهات القوية وعايز حاجة مميزة جرب المكسرات بالقهوة التركي بالشوكولاتة (100 جرام بـ 12 جنيه) والحمص المِشكل الملون. الفول السوداني بالكراميل لذيذ ومقرمش ( 4 جنيه ونص للـ 100 جرام) بس للأسف هي مش زي الفولية المغطاة بالعسل والسمسم اللي بـ تلاقيها في محلات التسالي العادية. الكاﭼو بالكراميل من أحلى الحاجات هناك (100 جرام بـ 12 جنيه) علشان طعمه حلو على حادق على مقرمش، من أحسن الحاجات اللي تجيبها لو عندك حفلة تسالي في بيتك. لو بـ تحاول تنزل وزنك انسى الموضوع ده مع «موفق»، المحل كمان بـ يبيع فاكهة مجففة زي البابايا والموز والمشمش أسعارها 10 جنيه للـ 100 جرام. الأسعار طبعًا غالية بالمقارنة بمحلات المكسرات الثانية، يعني حبة تسالي صغيرين كده وتلاقي نفسك دافع 100 جنيه، فـ خلي بالك وأنت بـ تشتري وإلا هـ تلاقي الفاتورة عالية بجد. بس غير كده المعروضات كلها فريش وممتازة ومعروضة بشكل جميل. «الموفق» أحسن مكان تجيب منه حاجات "السبوع" للأطفال وبرضه لو هـ تعمل قعدة تسالي محترمة في البيت.

...

مواضيع خاصة

النهارده في القاهرة: مزيكا من كل شكل ولون

بعد بداية ساخنة جدًا لفعاليات الأسبوع ده رجعت القاهرة تاني تلاعبنا على الهادي، لكن لازالت وفية للتنوع والاختلاف والتميز. نبتدي جولتنا في فعاليات النهارده من المسرح