ملابس حريمي تسوق in مدينة نصر Cairo, Egypt

تسوق

توتى: خيارات متنوعة لملابس السهرة فى مدينة نصر
اصدرت في: 25/05/2012

الملابس الرسمية سواء للنهار أو للمساء أكيد بـ تحتاج وقت كثير فى التسوق، خصوصًا لو بـ تدور فى واحد من أزحم شوارع القاهرة، وممكن ما تأخذش بالك من محل «توتى - Totti» فى شارع عباس العقاد إلا لو بـ تدور عليه بالتحديد. المحل عنده فساتين جودتها عالية وملابس للشغل هـ تندم كثير لو ما شفتهاش. واجهة المحل معروض فيها جاكيتات ألوانها مبهجة، جاكيت أخضر مزين بالنقط وأزرار (350 جنيه) معروض مع ألوان مختلفة من نفس الموديل، وده صنع باقة هائلة من جواكيت الصيف. كمان لو بـ تدور على حاجة تعطيك الطابع الرسمى يبقى البدلة الساتان السوداء هـ تبقى مناسبة جدًا، خامة الستان عمومًا بـ تكون ناعمة ولها ملمس حريرى وكمان تقدر تتحمل كثرة الحركة. "توتى" كمان عنده فساتين سهرة سواء ماسكة على الجسمpencil shape أو جيبات واسعة كلهم صناعة تركى وخامتهم ممتازة، ومن أبرز الموديلات الموجودة فستان أحمر قصير بكتف واحد مطرز بفضى لامع (550 جنيه)، كمان فستان لونه سمنى أنيق يصل للركبة عليه طبقة من الستان الأسود مغطاه بأكمله وحزام ستان أسود على الوسط (295 جنيه). أحلى حاجة فى "توتى" أن معظم الفساتين سعرها أقل من 600 جنيه، على الرغم من كده لو بصينا على الملابس الكاجوال هـ نلاقيها مش ناعمة قوى وسعرها مرتفع إلى حد ما، عندهم تشكيلة من التي شيرتات الطويلة، لكن الخامة واضح أنها مش مناسبة أو مريحة لفصل الصيف، التي شيرتات متوفرة بألوان مبهجة زي الوردي الفاقع، والأزرق والبرتقالى. لحسن الحظ الخامات كانت أفضل فى القسم الثانى من المحل، اللى فيه برضه لبس كاجوال بس مركز أكثر على لبس للاستخدام اليومي والجينز، وهـ نلاقي كمان فساتين عصرية زي فستان لطيف لونه سمنى مع أزرق داكن (150 جنيه). أما التي شيرتات القصيرة شوية بـ تفتقد الإبداع فى التصميم كمان تشكيلة البنطلونات الجينز تبدأ من (225 جنيه)، للأسف مافيش تصميمات متنوعة ومدى تعدد المقاسات محدود. فى خضم منافسة محلات التسوق الموجودة فى القاهرة، حاجة حلوة أنك تلاقى محل ترتاح له، "توتى" جايب لك فساتين مستوردة خامتها هائلة وكمان أسعارها ممتازة. وبالرغم أن مجموعة الملابس الكاجوال مستواها أقل من ملابس السهرة لكن غالبًا -بعد زيارة أو اثنين- هـ يبقى من محلاتك المفضلة.

...

سكسيس: تسوق مرة يصيب ومرة يخيب في سيتي سنتر في مدينة نصر
اصدرت في: 29/02/2012

في القاهرة الأسعار بـ تغلى يوم عن يوم وبسرعة البرق، وده بـ يحصل من أول المنتجات الأساسية لحد أفخم المنتجات، كل حاجة بقت أسعارها أغلى مرتين عن قبل كده. «سكسيس- Sxy’s» من المحلات اللي بـ تقدم ملابس بأسعار كويسة ومستوى جودتها متوسط مقارنة بمحلات أخرى. إحنا زرنا فرع «سكسيس» في "سيتي سنتر" في "مدينة نصر" في رحلة تسوق كنا مستنيينها من فترة. المحل مساحته واسعة، الأرفف موزعة في أماكن مختلفة في المحل ودي حاجة مريحة جدًا لنا وإحنا بـ نعمل تسوق في المحل. العاملين هناك متعاونين جدًا وبـ يحاولوا أنهم يساعدوك من غير ما يتدخلوا على قد ما يقدروا. في «سكسيس» هـ تلاقي مجموعة إيشاربات صغيرة من الشيفون والقطن وبأشكال بسيطة وأسعارها بـ تبدأ من 40 جنيه، لكن الإيشاربات كانت موزعة في المكان بشكل عشوائي ومن وجهة نظرنا أن مفروض تكون الإيشاربات مع بعض في نفس المكان بشكل منظم. الفساتين الماكسي موجودة بأشكال عليها ورود وأشكال برية وأسعارها بـ 215 جنيه. وبـ 100 جنيه في مجموعة متنوعة من الفساتين الماكسي، لكن من ناحية الجودة فهي قليلة. هـ تلاقي كمان في المحل جيبات طولها للركبة وجيبات طويلة وأسعارهم بـ تبدأ من 219 جنيه. فيه جيبة سوداء بأزرار لفتت نظرنا لما كنا هناك، لكن كان لونها باهت. ممكن تلاقي بلوزات من الكتان بأشكال مخططة أسعارها بـ تبدأ من 180 جنيه. عجبنا جدًا تشكيلة "سكسيس" للقمصان بأكمام طويلة وقصيرة وأسعارها بـ تبدأ من 150 جنيه. وفيه كمان بليزر مناسب للسهرات وعليه خط فضي بـ 150 جنيه. هـ تلاقي في المحل بنطلونات سكيني وكان عليها تخفيض من 150 إلى 100 جنيه، وكمان البلوفرات العادية المخططة كان عليها تخفيض بـ 80 جنيه. مجموعة الشتاء كان فيها بلوفرات ضيقة وجاكيتات قصيرة بـ 130 جنيه، وبالطو بـ 549 جنيه، الجاكيت الصوف (الجارديكان) بـ 160 جنيه والمحل مليان من النوع ده. جواكيت Puffa أو المنفوخة بألوان مختلفة وعليها تخفيض بدلاً من 180 جنيه بقت 100 جنيه. البالطو البمبي أو الجاكيت الـPuffa البمبي ممكن يناسب الأذواق اللي بـ تحب الألوان المختلفة وغير العادية. فيه شنط من الجلد التقليد وجودتها قليلة وأسعارها غالية جدًا بـ 235 جنيه. الجلد شكله رخيص ومزيف وتصميم الشنطة قديم جدًا. ممكن تلاقي ليجينز من القطن بـ 90 جنيه. وكمان بجانب الكاشير هـ تلاقي مجموعة صغيرة من الإكسسورات زي الأسورات والجزم والمحافظ. التسوق في "سكسيس" مرة يصيب ومرة يخيب، يعني ممكن تروح هناك وترجع بشنط كبيرة قوي وممكن تروح مرة ثانية وما تلاقيش حاجة تشتريها.

...

كيكس: بالطوهات شيك بأسعار معقولة في مدينة نصر
اصدرت في: 07/02/2012

في الوقت اللي الماركات العالمية أصبحت منتشرة في كل المولات والشوارع التجارية في كايرو، كان لازم يبقى فيه سوق ثاني للمنتجات المحلية أو اللي أسعارها هينة. «كيكس - Kiks» في جنينة مول بـ يعمل التوازن ده، وظهر ده بوضوح في تشكيلة الملابس الشتوية السنة دي للبنات والسيدات. وبما أن الجو كل سنة بـ يبقى أسقع من السنة اللي قبلها يبقى مافيش مانع يبقى عندنا بعض الملابس الشتوية الأنيقة؛ ولحسن الحظ أكثر حاجة مميزة وهـ تأخذ بالك منها في «كيكس» هي البالطوهات. أشكال متنوعة، ستايلات وخامات لمختلف الأعمار وهـ تحس أن البالطوهات واخدة المساحة الأكبر من المحل، لكن فيه برضه طرقات تتمشى فيها وتتفرج على المعروضات الموزعة على قسمين. أول قسم فيه المقاسات الكبيرة والموديلات الأكبر سنًا، زي الموديلات الكلاسيك اللي بـ 8 أزرار، واللي بـ تُقفل بطبقتين من على الصدر (Double Breasted) بألوان مختلفة من الأخضر الغامق (245 جنيه) لكن الصوف بتاعه ملمسه خشن شوية، وفيه جاكيت طويل باللون الأبيض (326 جنيه) وده ملمسه ناعم لكن للأسف ما كانش له جيوب حقيقية، وكان فيه جيوب "منظر بس" من الأمام. فيه كمان مجموعة من الجواكيت الصوف الطويلة الواسعة بألوان زي الأخضر والأزرق والبني والبرتقالي بسعر 189 جنيه، وفيه جواكيت قصيرة على الوسط بالضبط باللون الأسود وبثلثين أكمام بسعر 185 جنيه، والألوان الوقورة دي كمان موجودة في البلوزات الخفيفة (135 جنيه) لكن فيه بعض الموديلات بألوان أكثر بهجة زي الوردي والبرتقالي ونقوشات زهور عليها. القسم الثاني الأصغر في المحل مخصص للبنات الصغيرين والأطفال. ستايلاته مش بعيدة عن الجو العام للمحل، بلوفرات بدون أكمام كاروهات باللون الأحمر، وفساتين باللون الأبيض والأخضر وتحتها (جزء منها) شيرت أبيض عادي (132 جنيه)، وقسم الأطفال فيه سويت شيرت بغطاء للرأس بـ 134 جنيه. هـ تلاقي نفسك بـ تبص في "تيكيت" الأسعار مرتين لأن فيه أسعار أقل من المتوقع بكثير، خاصة البالطوهات، لكن طبعًا فرق السعر ده بـ يبقى على حساب الجودة. وبالنسبة للبلوفرات والجواكت وبما أننا غالبًا مش بـ نهتم قوي بالخامة وملمسها لأنها مش بـ تبقى على الجسم مباشرة، لكن شكلها بـ يبقى حلو وبـ تظهر في اللبس أقيم وكأن سعرها أكثر من كده بكثير.

...

دريس فور ليس: محل ملابس وإكسسوارات جديد في طيبة مول
اصدرت في: 04/01/2012

أول ما بـ نشوف كلمة تخفيضات أو Sale على واجهة أي محل بـ نفرح جدًا ونفسنا بـ تتفتح للتسوق. طيب تخيل لو الكلمة دي مكتوبة على المحل طول السنة؟ والأسعار مخفضة طول السنة؟ هو ده بالضبط اللي حاصل في محل «دريس فور ليس – Dress for Less» اللي فتح جديد في طيبة مول في مدينة نصر. وزي اسمه ما بـ يقول هو فعلًا بـ يبيع بأسعار أقل من كل المحلات وطول السنة مش مواسم ومواسم. وميزة ثانية هنا أن التخفيضات دي مش على الملابس العادية فقط، إنما على بعض المعروضات من ماركات عالمية زي "إيتام Etam" و"كاش كاش Cache Cache"، وأسعار مش محتاجة فصال. ولو كنت اشتريت الماركات الأصلية دي من محلات ثانية، هـ تحس بالندم أول ما تدخل وتشوف أسعارها في «دريس فور ليس». والتفسير المنطقي الوحيد للأسعار دي هي أن الموديلات المعروضة بـ ترجع لكذا موسم فاتوا، لكن ده ما يمنعش أن الأسعار لسه خيالية! يعني البووت الرائع اللي كان ثمنه 235 جنيه كان عليه خصم 50% من سعره الأصلي، ولا يمكن تقول عليه موديل قديم. وكذلك الجزمة الـ مورجان Morgan بالكعب العالي واللون الأخضر الزيتوني اللي سعرها نزل من 910 جنيه لـ 275 جنيه بس. التخفيضات موجودة كمان على فساتين ماركة Cache Cache الطويلة، ألوانها جريئة وعليها طباعة بخطوط عريضة، لكن تعتبر غير مناسبة للثلج اللي في ديسمبر ويناير رغم أنها جذابة جدًا وأسعارها من 180 لـ 300 جنيه، يعني لو جبنا 3 ولا 4 من الفساتين اللي من غير أكمام دي للصيف يبقى إحنا الكسبانين. التي شيرتات مكون رئيسي لأي محل ملابس، وهنا هـ تلاقي تشكيلة كبيرة من التي شيرتات على وجه الخصوص اللي بـ تتلبس تحت الجواكيت الثقيلة في الشتاء. تي شيرت قطن عادي بـ 70 جنيه، والتوب البناتي الوردي بـ 90 جنيه وكان لائق قوي على جاكيت بيج سعره 120 جنيه. الجينز متوفر بقصات ومقاسات مختلفة؛ بنطلون (إيتام) أزرق بـ 126 جنيه، وفيه موديلات تليق أكثر للمظهر الرسمي زي البنطلونات والبلوفرات الصوف باللون الأسود (95 جنيه). تشكيلة الإكسسوارات في المحل مش مغرية قوي، لكن فيه بعض الحلي وأدوات تجميل اللي ما شفناش زيها في أي محل ثاني، ومتعلق على الحائط مجموعة من الأعقاد (60 جنيه) والأساور. وفي قسم الماكياج هـ تلاقي موظفين المحل بـ يساعدوك في عملية التجريب والشراء في ماركات زي (آرت ديكو ArtDeco) المتميزة في كريمات الأساس (135 جنيه) وروﭺ الباستيل (95 جنيه). من الملابس اليومية للإكسسوارات والمكياج، التخفيضات المستمرة في «دريس فور ليس» بـ تخليه من المحلات اللي ممكن تقف فيه تشتري كل حاجة مرة واحدة، صحيح هو مش عنده أرخص أسعار في القاهرة، لكن الماركات اللي عنده والتخفيضات اللي أحيانًا بـ تكون غير منطقية بـ تخليه مكان جدير بالزيارة.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن