إكسسوارات تسوق in جيزة Cairo, Egypt

تسوق

الحرية: الثقافة المصرية الأصيلة تندمج مع الموضة الحديثة فى فيرست مول
اصدرت في: 26/02/2013

علشان هو مشهور بأنه بـ يجمع كثير من البوتيكات الشيك أخذنا جولة فى فيرست مول الموجود فى الجيزة يمكن نلاقى حاجة فريدة من نوعها. شد انتباهنا محل صغير فى الدور الأول واجهته زجاجية بدون اسم واضح. بعد فترة عرفنا أن اسمه "الحرية"، وهو غير أى بوتيك ثانى تقليدى ممكن تقابله. الألوان والأذواق المستخدمة فى تشكيلة الحرية من الملابس، والمجوهرات، وشنط اليد وكمان الإكسسوارات المنزلية كلها بـ تعكس الذوق المصرى؛ كل قطعة عندهم مصنعة محليًا ونسبة من الأرباح بـ تروح مباشرة للأعمال الخيرية.جاكيت جلد مش تقليدى شكله تحفة بتطريز لامع متعدد الألوان على الظهر مع رسمة فهد من الخرز. مافيش شك أنه مصنوع من جلد ثقيل وجودته عالية وده انعكس على السعر (2400 جنيه). لو دققت أكثر هـ تلاحظ أنه من غير حاجة تقفله بها من الأمام، ومعنى كده أنه كان مفتوح ومُعلق بطريقة غير عملية. جاكيت جينز (990 جنيه) عليه علامات تشبه حروف لغة الأزتيك على جيب الصدر شكله جديد تمامًا فى حين أن سديرى جلد بشراشيب كان سعره 450 جنيه.شوفنا بجانب الجاكيتات عدد من التي شيرتات المبتكرة، وعبايات، وشيلان وفساتين. تي شيرت بنفسجى غامق عليها قطعة من الماس على مقدمتها سعرها 490 جنيه. فستان ماكسى لونه أخضر زمردى مع حلقة معدنية للزينة حول الرقبة سعره كان 1200 جنيه، فى حين أن بذلة جميلة قطعة واحدة مكشوفة شوية عليها تطريز فضى مبهج على الجزء اللى فوق الركبة هـ يكلفك 1800 جنيه.الكميات المعروضة من كل منتج محدودة جدًا ومافيش ضمان أن مقاسك يكون متوفر عندهم. يمكن الموضوع ده محبط شوية، لكن أحيانًا ده بـ يضيف للملابس نوع من الحصرية. الحرية بـ يقدم مجموعة متواضعة من قطع مجوهرات بـ تمثل رموز، يعنى مثلاً حلقان على شكل فوانيس رمضان (120 جنيه)، وأساور روشة لليد (460 جنيه)، وعقد فضى راقى (460 جنيه)، وخواتم كلاسيكية ضخمة واحد منهم على شكل رأس ذئب (280 جنيه) وواحد ثانى على شكل طائر (740 جنيه).تشكيلتهم من شنط اليد قليلة شوية، لكن عندهم شنط كبيرة من البلاستيك بأشكال ورود، وعدد من الشنط الحريمى بدون يد منها الأسود أو الذهبى اللامع بالترتر (450 جنيه)، وشنط كتف مصنوعة من الجلد (1200 جنيه) مزينة برسوم متعرجة على طراز الخيامية وده طراز مشهور فى تصميم خيام رمضان.إكسسوارات ثانية بـ تشمل بطاطين، وشنط لاب توب، وشنط ماكياج وقواعد أكواب خشبية، بالإضافة لمخدات بأحجام كبيرة، ومتوسطة، وصغيرة (150: 280 جنيه). الحرية بـ يبيع تقريبًا كل حاجة، ونظرًا لفكرهم القائم على الجمع بين الأصول الثقافية مع الموضة لازم هـ تلاقى حاجة مختلفة.

...

هيبز بوتيك: مجوهرات وإكسسوارات أشكال وألوان فى الجيزة
اصدرت في: 03/12/2012

هيبز بوتيك الموجود فى الدور الثانى فى فيرست مول الأنيق، داخل فندق الفور سيزونز فى الجيزة أكيد هـ يشد انتباهك بعرضه الزجاجى لمجموعة من المنتجات الجذابة. افتتحت المصممة هبة العوضى "هيبز بوتيك – Hebz Boutique" أول السنة بعد ما بدأ عدد كبير من المشاهير يلبسوا من تصميماتها. ورغم أنه محل صغير لكنه مليان بمجموعة من أجمل خطوط الموضة من الماركات المتنوعة؛ المنتجات الموجودة منها المجوهرات، وشنط اليد، والأحذية، والإكسسوارات ومجموعة صغيرة من ملابس السيدات والأطفال.فى وسط المحل هـ تلاقى ترابيزتين كبار بعرض زجاجى فيهم أساور لامعة روشة شكلها شيك. كثير منهم مصنوعين من مواد زى الخرز أو الجلد، ومزين بحليات نيون على شكل جماجم، وإشارات سلام، وقلوب ويد هيبز الشهيرة. عندهم كمان حلقان ملونة بـ يزينها أحجار كريمة كبيرة، ودول مختلفين عن أى حاجة شوفتيها قبل كده. زوج من الحلقان دول فى رأينا، على الرغم من سعرهم المرتفع –حوالى 450 جنيه-، مكن يتلبسوا فى مناسبة رسمية أو عادية وأكيد هـ يخلوكى مميزة عن باقى الناس.هيبز كمان عندها مجوهرات للمناسبات الرسمية لما يبقى ضرورى أنك تتألقى على الآخر. شد انتباهنا زوج من الحلقان كبير شكله تحفة ومغرى من الماس التقليد سعره حوالى 1100 جنيه. زوج ثانى مش فخم زى اللى فات سعره يعتبر معقول أكثر (440 جنيه). كمان فيه مجموعة من العقود والخواتم، شوية منهم لامعين ومبهرين وشوية رقيقين وحساسين، تقدرى تكملى بهم أى مجموعة أزياء. زوج ثانى على شكل أزرار صغيرة بس رائع ينفع للنزول كل يوم وسعره ممتاز (180 جنيه).تحت الترابيزات تلاقى مزيج من أحذية باليرينا ماركة سفير مصنوعة من الجلد بألوان كثيرة، وأحذية صيفى ثانية مفتوحة من المطاط، وبرضه مزينة بالأحجار الكريمة (350 جنيه: 550 جنيه). باليرينا سفير هـ تكلفك 440 جنيه؛ وواضح من شكلها أن جودتها كويسة وبـ نخمن أنها كمان مريحة جدًا.واضح أن هبة عندها نظرة كويسة بالنسبة للشنط كمان، علشان كده عندها شنط totes حجمها كبيرة، ومنتجات حصرية من Moni&j، وشنط من جلد الثعبان وشنط ثانية أصغر بمقبض. شنطة بمقبض من الجلد فيها تطريز سلسلة سعرها حوالى 1900 جنيه، فى حين أن واحدة بأطراف نيون سعرها 500 جنيه.لو كل ده ما يكفيش أنك تبقى لابسة زى المشاهير، عندهم كمان شوية نظارات شمس للبيع، أسعارها تتراوح بين 1400 جنيه لغاية مبلغ ضخم هو 5100 جنيه.شوفنا كمان حاجات ثانية زى تي شيرتات برسومات مضحكة، وملابس أطفال، وكفرات أى فون، وشموع وفواحات. الموظفة الوحيدة فى المكان كانت لطيفة ومش بـ تتدخل إلا لو احتاجنا مساعدة."هيبز بوتيك" لا هو غالى قوى ولا رخيص قوى، وتصميماته كلها غريبة ومش تقليدية وعلى أحدث صيحة، وكمان تقدرى تلاقى كميات كبيرة من المنتجات اللامعة والمجوهرات مناسبين لكل المناسبات. روحى على فيرست مول ودلعى نفسك بتجربة تسوق فريدة وهادى نفسك -أو حد ثانى- بحاجة روشة من إكسسوارات هيبز.

...

مواضيع خاصة

النهارده في القاهرة: مزيكا من كل شكل ولون

بعد بداية ساخنة جدًا لفعاليات الأسبوع ده رجعت القاهرة تاني تلاعبنا على الهادي، لكن لازالت وفية للتنوع والاختلاف والتميز. نبتدي جولتنا في فعاليات النهارده من المسرح