كايرو 360 - فيديوهات ألش ولينكات كوميدية

أي كلام

كايرو 360 على شاشات التليفزيون!
اصدرت في: 26/07/2012

شوفوا مدير تسويق موقع كايرو 360 إسماعيل رشدي بـ يتكلم عن تجربة الموقع على ON TV Live!

...

فيه حظ كده؟
اصدرت في: 29/06/2011

لو كنت شايف نفسك محظوظ عشان كسبت مرة في كيس شيبسي ولا واحد ستيك شيكو زيادة، نحب نقولك أن في ناس حظها بـ يكتبلها عمر جديد. صحيح لكل أجل كتاب..بس مش كده يعني!! إتفرج على ولاد المحظوظة دول...

...

فانلة بالوتيللي
اصدرت في: 20/06/2011

اللاعب ده إتشهر أنه مهاراته في الملعب خارقة، لكن دماغه على قده وعصبي جداً، بس ماحدش تخيل أن هـ يبقى عنده مشكلة مع الفانلة اللي بـ يلبسها! طيب ده يا ترى ده بـ يعمل إيه عشان يربط الكراﭭتة؟

...

إعمل نفسك ميت!!
اصدرت في: 20/06/2011

طبعاً كلنا سمعنا عن التعلب المكار، طيب حد شاف البطة المكارة؟ إحنا فعلاً مش فاهمين هي عملت كدة إزاي! فاكرين علاء ولي الدين في فيلم «الناظر» وهو بـ يتضِّرب و قال لـ أحمد حلمي "إعمل نفسك ميت..إعمل نفسك ميت!!" البطة دي عملت كدة بالحرف الواحد، والكلب شِرِبها..

...

سرحان ونفيسة
اصدرت في: 06/04/2011

البداية كانت فوازير ومسابقات من بتاعة 0900 وما حققتش نجاح كبير، بس واضح أن صناع «سرحان ونفيسة» لقوا نفسهم في حاجة لحاجة تانية وهي "الألش" لمجرد "الألش" وقدموا لنا حلقات كوميدية بشكل ميني فيلم أو (Parody) للأفلام العربية المشهورة. كل ده كوم وصوت شخصية "سرحان" كوم تاني. تقدروا تتابعوا الحلقات على اليوتيوب.

...

رفاهية الشعب المصري
اصدرت في: 06/04/2011

بعد ما هـ نشوف الـﭭيديو ده هـ نعرف أن ماكانش فيه داعي للثورة، وأن الحكومة كانت خسارة فينا. بس تحية لصانع الـﭭيديو على الفكرة المبتكرة والتنفيذ الإحترافي.

...

الكرسي الأكورديون
اصدرت في: 06/04/2011

فاكرين الغويشة السحرية اللي كانت بألوان الطيف وكنا بـ نشتريها من 10 ولا 15 سنة كده؟ اليابانيين عملوا غويشة زيها على شكل كرسي، أو كرسي على شكل غويشة مش فارقة، السؤال المهم: هل البتاع ده يستحمل الأوزان التقيلة في القعاد؟

...

طابور في حب مصر
اصدرت في: 06/04/2011

في منطقة الشيخ زايد في مدينة 6 أكتوبر، أطول طابور حصل في تاريخ البشرية! إحنا مش متأكدين من المعلومة دي! بس اللي يعرف يثبت غير كده أهلاً بيه، مع العلم أن طول الطابور كان حوالي 3 كم. والأجمل من كده أن الٌإقبال ده كان على التصويت على التعديلات الدستوري في مصر. دايماً عمار يا مصر..

...

مواضيع خاصة

5 حاجات تخليك لازم تحب #القاهرة!

الزحمة والدوشة والمشاوير البعيدة، الدائري وطلعة المحور، كوبري اكتوبر أو 15 مايو، الطوابير اللي مش بتخلص، مدام عنايات اللي عندها الدمغة في الدور التالت في أي مصلحة ح