The Definitive Guide to Living in the Capital , Cairo , Egypt

الجاسوس المجاور – The Spy Next Door

الجاسوس المجاور – The Spy Next Door: كوميديا غير أصلية من ﭼاكي شان

  • أبر فاليتابيلي راي سيروس...
  • حركة ومغامراتعائلي...
  • بريان ليفانتبريان ليفانت
  • في1 Cinema
تم التقييم بواسطة
Mohamad Adel
قيم
قيم الآن
الجاسوس المجاور – The Spy Next Door: كوميديا غير أصلية من ﭼاكي شان

“بوب هو” جاسوس صيني بـ
يعمل لحساب وكالة المخابرات الأمريكية
CIA
عايز يسيب الشغل عشان يتفرغ لحياة عادية، مافيهاش أي نزاعات، وده بعد ما وقع في
غرام “جيليان”، لكن مشكلته أن أولاد “جيليان” مش بـ يحبوه، فـ
“فارين” متعلقة بوالدها الحقيقي ونفسها يرجع يعيش معاهم بعد ما ساب أمها “جيليان”، وطبعاً
ماينفعش “بوب” يحل مكان والدها، و”إيان” حاسس أن
“بوب” ممل جداً، أما أصغرهم “نورا” فـ عندها تخيل أن
“بوب” رجل آلي، وماينفعش رجل آلي يتجوز مامتهم!

في الوقت
ده يهرب “بودارك” الروسي من السجن بعد ما سجنه “بوب”، وطبعاً المخابرات
– مِن خلال العميل “كولتون” – عاوزين “بوب” يرجع الشغل بشكل غير مباشر في الوقت اللي “بوب”
عاوز يقرب من أولاد “جيليان” عشان يقبلوا أن مامتهم تتجوزه.

 في الوقت اللي يتم تجنيد جاسوس يعمل لصالح
“بودارك” من المخابرات الأمريكية نفسها، وتبدأ الصراعات عشان تنتهي – زي
ما إحنا متوقعين – لصالح “بوب” و”جيليان” وأفراد أسرتها ومن
ضمنهم القطة والسلحفاة!

المشاهد
هـ يخرج بمعلومة أكيدة هي أن جاكي شان لسّه بكامل لياقته ومازال يصلح لتقديم أدوار
أكشن، وده وضح في مشاهد كثير زي مشهد محاولة “بودارك” وعصابته أنهم
يقتحموا منزل عائلة “جيليان”، فـ إتقدم الأكشن بشكل جيد أو بالأصح مقبول
.

لكن مشكلة
الفيلم أنه كوميدي، والتوليفة الكوميدية هنا مش متحققة لا على مستوى الحوار أو
مستوى الصورة اللي تساعد المشاهد على أنه يضحك من قلبه، يمكن في مشاهد قليلة، بس
الجو العام أن الفيلم ممل والواحد يحس أن الفيلم متقدم للبنات عشان يقولولهم:
“إياكم تتجوزوا جاسوس”!

الأداء
بشكل عام باهت، والمشاهد هـ يحس أن مافيش مصداقية في تقديم القصة حتى لو كانت
هزلية، وتستغرب أن فيه 3 كُتاب سيناريو للفيلم ده، والإخراج وزوايا الكاميرا تقليدية
جداً، وإكليشيهات معروفة في كل شئ، حتى عنصر الموسيقى اللي عادةً الأفلام
الكوميدية بـ تستخدمه عشان تبين الحالة الكوميدية مش باين خالص.

عجبك ؟ جرب

«The Pacifier»، «Junior»

نصيحة 360

ظهور بيلي راي سايرس في دور العميل "كولتون" كان مخلينا مستنيين على الأقل ظهور إبنته المطربة المحبوبة "مايلي سايرس"، لكن حتى ده ما حصلش.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح