The Definitive Guide to Living in the Capital , Cairo , Egypt

أفلام
اللي بيحب ربنا يرفع أيده لفوق

اللى يحب ربنا يرفع أيده لفوق: فيلم وثائقى عن أوكا وأورتيجا!

  • أورتيجاأوكا
  • وثائقي
  • سلمى الطرزيسلمى الطرزي
  • في1 Cinema
تم التقييم بواسطة
Mohamed Hamdy
قيم
قيم الآن
اللى يحب ربنا يرفع أيده لفوق: فيلم وثائقى عن أوكا وأورتيجا!

هل أصبحت موسيقى وأغاني المهرجانات ظاهرة لدرجة أنها تستحق إنتاج أفلام وثائقية عنها؟! كان نفسنا ندفن رأسنا فى الأرض ونقول لأ، ونلقى اللوم على المخرجة سلمى الطرزي لأنها حولت شىء تافه لظاهرة تستحق إنتاج فيلم عنها، لكن الحقيقة هى أن فعلاً موسيقى وأغاني المهرجانات تحولت لظاهرة، بداية من تشغيلها فى الأفراح على النواصي والحارات، ونهاية بتشغيلها فى قاعات الأفراح اللى إيجار الواحدة منها ممكن يحل مشكلة حي كامل!

الفيلم بـ يحكي عن قصة صعود أوكا وأورتيجا، بداية من حياتهم الصعبة فى أحد الأحياء الشعبية، وإزاي قدروا يطوروا لون خاص من الغناء بـ يجمع بين أغنية الراب وبين الأغنية الشعبية ويقدموه للناس، الفيلم كمان بـ يصور حياتهم اليومية وعلاقتهم بالناس من حولهم زي علاقتهم بـ "وزة" الموزع الموسيقي، واللى بـ تبدأ العلاقة بينهم بشكل قوي ومتميز ثم تنتهي بخناقة كبيرة، وغيرها من العلاقات فى الوسط الفني الواقع فى المنتصف بين الغناء الشعبي والغناء الرسمي التقليدي.

عنوان الفيلم مقتبس من الجملة الأكثر شهرة واللى بـ يقولها الثنائى الغنائى فى معظم أغانيهم: "اللى يحب ربنا يرفع أيده لفوق"، الجملة اللى بـ يعتبرها الفريق بـ تؤدي لـ "سخونة" الناس فى الأفراح والحفلات معاهم واندماجهم مع الأغنية وتفاعلهم معاها.

الموسيقى التصويرية للفيلم اعتمدت على موسيقى المهرجانات نفسها، تقريبًا مافيش حد من رواد القاعة قدر يمنع نفسه من تحريك أقدامه مع الألحان السريعة، على الرغم من أن الكلمات كانت بـ تتوه مننا فى أحيان كثيرة، حتى الأحاديث بين الأبطال نفسهم كنا بـ نحتاج أحيانًا للاستعانة بالترجمة الإنجليزية علشان نفهم معنى الكلام!

اعتمد الفيلم على تصوير أحداث حقيقية فى أماكن حقيقية بحوار حقيقي، بـ نشوف مثلاً واحد من المطربين المشهورين وهو بـ يحاول يغري أوكا وأورتيجا بالمال علشان يقنعهم يعطوه شغلهم بدون ما ينزلوا عليه اسمهم! كمان بـ نشوف الاتفاقات على الحفلات وأحيائها والتنظيم لها بشكل واقعي، وده كان أكثر شىء ممتع فى الفيلم.

سلمى الطرزي مخرجة متميزة قدرت أنها تقتحم عالم شائك وتقدم لنا من داخله فيلم وثائقى يستحق الاحترام، عن ظاهرة موسيقية سواء شئنا أو أبينا.. مضطرين نعترف بوجودها فى حياتها وتأثيرها علينا.

عجبك ؟ جرب

بوسطة (2005).

نصيحة 360

حصل الفيلم على منحة إنتاجية من الصندوق العربي للثقافة والفنون (آفاق).

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح