The Definitive Guide to Living in the Capital , Cairo , Egypt

أفلام
Final Destination 5 – المصير القاتل 5

المصير القاتل- Final Destination 5: لعبة الموت الأبدية

  • أرلين إسكاربيتاإلين رو...
  • إثارةرعب
  • ستيفن كوالستيفن كوال
  • في1 Cinema
تم التقييم بواسطة
Mohamad Adel
قيم
قيم الآن
المصير القاتل- Final Destination 5: لعبة الموت الأبدية

الجزء الجديد ده مش
مختلف عن الأجزاء اللي فاتت في نفس طرق الموت المبتكرة، لكن كان ممكن يبقى منه
فيلم أجمد، لكن واضح أن صُناعه ما حبوش ده!

مجموعة شباب بـ
يشتغلوا في شركة وبينهم علاقات عاطفية، عندنا “سام” و”مولي”
فجأة ينفصلوا، على العكس من “بيتر” و”كانديث”، في الوقت اللي
يحب “إيزاك” فيه ينتقل من زهرة لزهرة، يمكن شخصيته مقاربة لـ
“أوليفيا” شوية في الجزئية دي، أما “ناثان” كل همه أنه يسيطر
على العمال اللي تحت إيده خاصة أن لونه أسود!، فجأة تيجي لـ “سام” رؤية أنهم
كلهم هـ يموتوا ماعدا “مولي” اللي ينقذها في حادث انهيار كوبري، وفعلاً
يقدر بسبب الرؤية دي ينقذ أصدقائه كلهم، لكن “الموت” مش يحب اللي يفوت
ميعاده، فـ يبدأ يأخذهم واحد وراء الثاني بـ طرق موت مبتكرة، ويعرفوا بعدها أن
الحل هو أنهم يموتوا حد مكانهم علشان “الموت” يستريح، يحاول
“سام” –صاحب الرؤية- بكل الطرق أنه ينقذ رقبته ورقبة حبيبته وأصحابه، فيا
ترى هـ يقدر ينجح؟

ميزة الفيلم ده
الحقيقة في أجزاء معينة منه مش كلها، يعني الرؤية مثلاً اللي جاءت لـ
“سام” تعتبر من أكثر المشاهد تحكمًا من المخرج في مشهد بضخامة انهيار
كوبري بما فيه من مجاميع وغيرها من التفاصيل، وإن كان استعانته بطرق الموت
المبتكرة والغريبة شوية ما كانش لها لازمة، كمان مشهد موت “كانديث” في
قاعة الألعاب الرياضية من أكثر المشاهد المثيرة في الفيلم كله، خصوصًا أن المونتاج
كان احترافي وقدر يقدم دقائق من الإثارة، لكن الحقيقة بالرغم من ده تيجي لحظات
ثانية في الفيلم نحس كأن فريق العمل هو اللي عاوز يفشل فيلمه بنفسه، يعني مثلاً
طرق الموت غير التقليدية واللي بـ توصل الواحد لدرجة ما من القرف لأن فيه عملية
تفنن غير طبيعية من جانب طاقم الفيلم في صناعة النوع ده من طرق الموت، وهي سمة
غالبة على أجزاء الفيلم اللي فاتت للأسف واللي ما تغيرتش في الجزء ده.

كمان الميزة في
الفيلم في شخصية رئيس الطب الشرعي واللي كنا فاكرينه بـ يلعب دور ملاك الموت،
وكانت الشخصية محورية وفيها جزء ساخر، خاصة وهو بـ يصفر لما يعرف بحالات الوفاة، علشان
برضه ييجي صناع الفيلم ويخلوا شخصيته “رئيس الطب الشرعي”، مع أنه أقرب
لشخصية خيالية في طريقته ولبسه وكل شئ، وده برضه شئ مش مفهوم!

كعادة الجزء ده –زي
الأجزاء اللي فاتت– الفيلم بـ يلعب على فكرة الموت اللي ممكن ييجي للإنسان في أقل
لحظة وبأكثر الطرق سخرية وغير تقليدية، والحقيقة أن محبي أجزاء الفيلم ده مش هـ يلاقوه
مختلف كثير عن الأجزاء اللي فاتت، يمكن فقط تفريعاته أكثر شوية في أجزاء العلاقات
العاطفية اللي مهد لها من بداية الفيلم، لكن غير كده مافيش شئ ثاني يقدر يشد
المشاهد.

عجبك ؟ جرب

الأجزاء اللي فاتت من فيلم Final Destination.

نصيحة 360

يعتبر الجزء ده أعلى الأجزاء في ميزانيته لأنه تكلف 40 مليون دولار، ودي تقريبًا نفس تكلفة الجزء الرابع عام 2009 وهي 43 مليون دولار، في حين أن الجزء الأول كانت تكلفته 23 مليون دولار، والجزء الثاني 26 مليون دولار، أما الجزء الثالث فكانت تكلفته 34 مليون دولار.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح