The Definitive Guide to Living in the Capital , Cairo , Egypt

جمهورية إمبابة

جمهورية إمبابة: التلاعب بالبسطاء

  • أحمد وفيقباسم سمرة...
  • دراما
  • أحمد البدريأحمد البدري
  • في1 Cinema
تم التقييم بواسطة
Mohamed Hamdy
قيم
قيم الآن
جمهورية إمبابة: التلاعب بالبسطاء

في واقع الأمر فيلم جمهورية إمبابة اعتمد في جزء كبير للترويج له على اسم المنطقة اللي بـ يحملها اسم الفيلم، المنطقة الشعبية الجميلة اللي هـ يسارع أهلها وشبابها لدخول الفيلم، لكنهم في النهاية هـ يكتشفوا أن الفيلم مش بـ يتكلم عنهم بقدر ما بـ يتاجر من خلالهم وباسمهم بأهل المناطق الشعبية البسطاء وفلوسهم اللي راهن عليها صناع الفيلم لتحقيق النجاح.

من إخراج أحمد البدري وتأليف مصطفى السبكي بـ نشوف قصة صعود اثنين شباب من منطقة إمبابة، باسم سمرة وأحمد وفيق، باسم بـ يعاني من اضطهاد رجل له نفوذ في منطقته (أيمن قنديل)، في أقدم صراع ممكن ينشأ بين رجلين.. صراع على الأنثى (فريال يوسف) الأمر اللى بـ يدفع سمرة للتعاون مع وفيق في تجارة كل ما هو غير شرعي، لتحقيق أهدافهم.

 الفيلم بـ يعتبر تجميع لأفكار وقصص ومشاهد من أفلام ثانية كثير، منها مثلًا، فيلم "سلام يا صاحبي" بطولة عادل إمام وسعيد صالح، واللي تم اقتباس فكرة الوقيعة بين الأصحاب، أو مجموعة أفلام محمد رمضان اللي تم اقتباس فكرة الإيفيهات البلطجية والجمل اللي بـ يقولها البطل قبل الدخول في معركة، الجمل اللي بـ يتم استغلالها في التريلر الدعائي للفيلم وفي حفظ الشباب لها وترديدها في الخناقات ومواقف الهزار على حد سواء!

الحقيقة إحنا مش عارفين باسم سمرة وأحمد وفيق بـ يعملوا كده ليه فى نفسهم؟ خصوصًا أن كل منهم بطل له اسم وتاريخ وما عندناش أى شك في مدى جماهيريتهم وموهبتهم المتميزة، لكن مشاركتهم في أفلام على المستوى ده مش بـ تعمل حاجه غير التقليل من رصيدهم الفني عند الجمهور.

علا غانم في الحقيقة فات أوان التصالح معاها أو نصحها، علا بـ تثبت يوم بعد يوم أن موهبتها في تراجع، مع تقدم لقدرتها على تقمص كل الشخصيات النسائية المكسورة والمهزومة -وأحيانا الخائنة والشريرة- في أفلام اليومين دول، وللأسف علا مُصرة تهدر موهبتها الغالية في نوعية الأدوار اللي مش هـ تقدم معاها ولا هـ تأخر!

 الفيلم فيه أكثر من مشهد استعراضى ورقصات تبارت فيها عدد من الراقصات على العري وإظهار لحمهم للكاميرا، والحقيقة أن كل المشاهد الاستعراضية كانت مقحمة على الأحداث بشكل سىء جدًا وغير منطقى.

جمهورية إمبابة بـ يستغل اسم منطقة شعبية لتحقيق الإيرادات، ونعتقد أن المشاهدين هـ يكونوا أذكى من كده وهـ يقدروا يميزوا بنفسهم بين اللي بـ يشتغل على نفسه علشان يكون أفضل.. وبين اللي بـ يشتغل المشاهد بمشهدين أكشن وراقصة وأغنية… وعنوان جذاب.

عجبك ؟ جرب

الألماني.

نصيحة 360

الفيلم يعتبر رابع تعاون فني بين باسم سمرة وإيناس عز الدين.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح