The Definitive Guide to Living in the Capital , Cairo , Egypt

أفلام
خطة جيمي

خطة جيمي: فيلم خفيف وظريف

  • حسام داغرسامي مغاوري...
  • كوميدي
  • تامر بسيونيتامر بسيوني...
  • في1 Cinema
تم التقييم بواسطة
Mohamed Hamdy
قيم
قيم الآن
خطة جيمي: فيلم خفيف وظريف

إحنا فى كايرو 360 فاهمين أن الفيلم الجيد مش لازم يكون جاد بنسبة 100% علشان يحوز إعجابنا، إحنا كمان عارفين أن حتي هوليوود بـ تقدم أفلام خفيفة بـ تكون موجهة فى الغالب للأطفال والمراهقين، ودي النوعية اللى بـ ينتمى لها “خطة جيمي”.

من تأليف إيهاب ناصر وإخراج تامر بسيوني، بـ نشوف قصة ساندي البنت اللى بـ تعانى من السمنة المفرطة، ومع انتقال قريبتها وصديقتها الطفلة (جنا) وقدرة والدها الدكتور (أينشتاين) اكتشاف حجر له قدرة سحرية بـ تتحول ساندي لبنت رفيعة وجميلة فى الصباح، ومع حلول المساء بـ ترجع ثانى لحجمها الأصلي، ساندي بـ تستغل القدرة السحرية علشان تحوز إعجاب زميلها فى الجامعة كريم (إسلام جمال).

مشكلة الفيلم أنه بـ يقلد الأفلام الهوليوودية بشكل كبير، بداية من المشاهد الافتتاحية للفيلم وطريقة الراوى للأحداث، وتصوير الجامعات بنفس طريقة تصوير الجامعة فى أفلام هوليوود وأسلوب فتى الجامعة الأول وحتى حفلات التخرج ودخول الحفلة كثنائيات بين الأولاد والبنات وباقى التقاليد الأمريكية الهوليودية شوفناها إحنا بطريقة تقليد قوية جدًا، وده اللى ضايقنا من الفيلم أنه بـ يتبع الحبكة الأمريكية للنهاية.

على اعتبار أنها تجربتها السينمائية الأولى، لازم نقول أن ساندي كانت وجه جميل وخفيف على الكاميرا وقلب المشاهد، وساعدها خلفيتها الغنائية على أنها تقدم عدد من الأغنيات الجميلة والخفيفة اللى ساعدتنا على الاندماج فى الفيلم، أما الطفلة (جنا) فمش عارفين مين أعطى الإيحاء للمخرجين أن الطفل فى الأفلام العربية لازم يتكلم ويتصرف زى الكبار وأن ده شىء مثير للضحك، الحقيقه أنه كان مثير للضيق وما لاحظناش أى اندماج أو ضحك على إيفيهات الكبار اللى كانت بـ تستعملها (جنا) طوال الفيلم.

“خطة جيمى” فيلم خفيف مناسب للصغار والمراهقين أكثر من أنه يكون فيلم مناسب للمشاهدين الكبار، ممكن “تفصل” به دماغك فى أجازة نهاية الأسبوع مع باكيت فيشار أو مشروب مثلج، لكن ما تتوقعش منه أكثر من كده.

عجبك ؟ جرب

إكس لارج.

نصيحة 360

الفيلم أول تجربة سينمائية لبطلته المطربة ساندي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح