The Definitive Guide to Living in the Capital , Cairo , Egypt

  • ريم هلالعاطف عبداللطيف...
  • دراما
  • أندي إسحاق
  • في1 Cinema
تم التقييم بواسطة
Mohamed Hamdy
تقييمك
قيم الآن
رحلة يوسف: أكشن وكوميديا واستعراض في فيلم فاشل

محاولات سينمائية كتير بتحاول تقدم للمشاهد خلطة مابين الكوميديا والاستعراض والأكشن، لكن للأسف كتير برضه من المحاولات دي بيكون نتيجتها في النهاية الفشل نتيجة عوامل كتير. تعالوا نتعرف أكتر على فيلم رحلة يوسف، اللي بعتبره تجربة غير موفقة على الإطلاق.

 

القصة

رحلة يوسف بيحكي عن مخطوطة مصرية نادرة بتتم سرقتها، وكمية من المغامرات اللي بتحصل نتيجة سرقة المخطوطة ومحاولة الحصول عليها، بالأضافة لمجموعة من التعقيدات في العلاقات بين الأشخاص داخل أحداث الفيلم.

فريق العمل

الفيلم من إخراج  أندي إسحاق، ومن تأليف جوزيف فوزي، ومن بطولة محمد نجاتي وعاطف عبد اللطيف وريم هلال وسامي مغاوري وخالد عليش.

 

 

الأداء التمثيلي

للأسف وعلى الرغم من مشاركة بعض الأسماء المعقولة في بطولة الفيلم لكن الأداء التمثيلي جاء ضعيف جدًا ومتراجع من كل الأبطال المشاركين في العمل. وكان من الواضح أن الفيلم تم إخراجه في ظروف غير ملائمة، الأمر اللي أثر على الأداء التمثيلي للأبطال بلا استثناء.

 

 

السيناريو والحوار والإخراج

على الرغم من استناد الفيلم على قصة مغامراتية قوية، إلا أن تنفيذ القصة على الشاشة كان ضعيف جدًا ومستهلك، والسبب في المقام الأول كان الأداء التمثيلي اللي كان التركيز الأساسي فيه على القفشات والضحك، أو حتى محاولة حشر أغاني في السياق الدرامي للأحداث بدون أي سبب مقنع، وكل ده في النهاية أثر على مستوى الفيلم.

الديكورات والموسيقى والأزياء

ديكورات الفيلم والموسيقى الخاصة به كانت ضعيفة جدًا، وكان من الواضح أن المجهود المبذول فيها لا يرقى أنه يكون مجهود محترفين، والحقيقة حسينا أن جانب كبير من الفيلم كان ضعيف ومحتاج مجهود أكثر واهتمام إنتاجي أكبر.

 

 

الخلاصة

فيلم رحلة يوسف حاول يقدم المغامرة والأكشن مع الكوميديا والاستعراضات. لكنه في النهاية فشل في تقديم أي شيء!

علشان تبقى عارف:

محمد نجاتي بطل الفيلم قدم قبل كده مشاركات في أعمال زي مسلسل الدولي والجزء الثاني من مسلسل الأب الروحي وفيلم الفندق وكارت ميموري.

عجبك ؟ جرب

قبضة الهلالي

نصيحة 360

الفيلم يعتبر إنتاج مصري مغربي مشترك

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح