The Definitive Guide to Living in the Capital , Cairo , Egypt

عسل أبيض

عسل أبيض: عسل السينما المر

  • بيومي فؤادسامح حسين...
  • حركة ومغامراتكوميدي
  • حسام الجوهريحسام الجوهري...
تم التقييم بواسطة
Mohamed Hamdy
قيم
قيم الآن
عسل أبيض: عسل السينما المر

سنة 2010 تم إنتاج فيلم بعنوان عسل أسود من بطولة أحمد حلمي وإدوارد، الفيلم كان بيحكي عن شاب مصري بيرجع لمصر بعد سنوات طويلة قضاها في الولايات المتحدة الأمريكية، لكن اختلاف أنماط الحياة بين مصر وأمريكا بتسبب له ربكة كبيرة بتؤدي لسلسلة من المواقف الكوميدية بدون توقف، اليوم في 2016 بيتم إنتاج فيلم مش بيقدم أي شيء غير التشابه في الأسماء بين الفيلمين!

 

عسل أبيض من إخراج حسام الجوهري وبطولة سامح حسين، ميرهان حسين، وبيومي فؤاد، بنشوف قصة طفل لأحد الأسر الثرية، واللي بيتخطف وبيحول أحداث الفيلم لسياق كوميدي في أثناء الطريق لاستعادته تاني. سامح حسين بيكرر للمرة المليون نفس طبيعة الأدوار اللي طلع فيها في كل أعماله تقريبًا وفيما يبدو أنه راضي عن مستوى أفلامه اللي ممكن نقول عليها أفلام مقاولات ورافض يتمرد عليها.

 

على الرغم من اعترافنا بموهبة ميريهان حسين الكبيرة، إلا أنه من الواضح أنها قررت تشارك في بعض الأفلام عديمة القيمة الفنية لمجرد المشاركة وتواجد اسمها على أفيشات الأفلام. بعد مشاركتها في مسلسلات زي آدم وجميلة واسم مؤقت ودوران شبرا وخرم إبره، مريهان بتقدم دور باهت وغير مهم في الفيلم لمجرد وجود بطولة نسائية ضمن الأحداث.

 

إحنا مش ضد أن يكون عندنا فيلم موجه بالأساس للأطفال والجمهور العائلي، لكن ده مش معناه إطلاقًا إننا نقبل بتقديم أفلام أقل ما توصف به أنها أفلام مقاولات وبتستهتر بعقلية الجميع. طبعًا مش هينفع نتكلم عن الموسيقى التصويرية أو الديكورات لإن العناصر دي سيئة جدًا وشبه مش موجودة إطلاقًا.

 

عسل أبيض فيلم موسمي ضعيف في كل مكوناته.. مش هيعجب غير الأطفال الصغيرة.

عجبك ؟ جرب

الدادة دودي.

نصيحة 360

سامح حسين من مواليد 1975 خريج كلية الأداب قسم المسرح ويعتبر دوره في مسلسل راجل وست ستات بداية انطلاقته ومعرفة الجمهور له مع الفنان أشرف عبد الباقي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح