The Definitive Guide to Living in the Capital , Cairo , Egypt

أفلام
عمارة رشدي

عمارة رشدي: فيلم ضعيف عن فكرة قوية

  • حسن عيدمدحت تيخا...
  • رعبكوميدي
  • حسن السيد
  • في1 Cinema
تم التقييم بواسطة
Mohamed Hamdy
قيم
قيم الآن
عمارة رشدي: فيلم ضعيف عن فكرة قوية

للأسف بعض الأفلام اللي بيتم تقديمها عن بعض القصص المصرية الخاصة بتكون ضعيفة المستوى ولا ترتقي للمستوى الفني المطلوب. والنتيجة؟ أننا بنحرق قصص جيدة كان ممكن يتم استغلالها بشكل مميز في أعمال ضعيفة. وده اللي حصل مع فيلم عمارة رشدي.

 

 

القصة

فيلم عمارة رشدي بيحكي عن عمارة رشدي الشهيرة بالإسكندرية واللي بتدور إشاعات كتيرة حواليها بتقول إنها عمارة مسكونة بالأشباح والعفاريت. وبيستغل الفيلم القصص اللي انتشرت عن العمارة علشان يقدم لنا خليط من الكوميديا والرعب من خلال قصة الناس اللي بتسكن العمارة.

فريق العمل

عمارة رشدي من بطولة نرمين ماهر، مدحت تيخة، حسن عيد، إنجى خطاب، ومن إخراج حسن السيد وتأليف محمد الأحمدي ووائل يوسف.

 

 

الأداء التمثيلي

الأداء التمثيلي لأبطال الفيلم كان ضعيف جدًا على الرغم من محاولة الإخراج والمؤثرات الخاصة أنها تحسن الأداء التمثيلي، لكن كان من الواضح أن الأبطال المشاركين في الفيلم مش مهتمين بإظهار مشاعرهم للمشاهدين بقدر محاولتهم (خطف) مشاهد أو إيفيهات كوميدية أمام الكاميرا وده كان من الأمور اللي ضايقتنا في الأداء التمثيلي في الفيلم.

السيناريو والحوار والإخراج

سيناريو الفيلم على الرغم من خلوه من الغموض أو المشاهد غير المبررة، لكن في نفس الوقت كان ضعيف وكان اهتمامه الأساسي بالكوميديا السطحية بعيدًا عن الكوميديا المعتمدة على المواقف الحقيقية، لكن للأسف صناع الفيلم اهتموا بكوميديا الإيفيهات الخفيفة والضعيفة على حساب الكوميديا القوية المعتمدة على المواقف.

 

الديكورات والموسيقى والأزياء

ديكورات الفيلم والخدع الخاصة كان مستواها جيد، لكن تعمل إيه الديكورات والخدع لو كان سيناريو الفيلم ضعيف أو قصته غير قوية؟ للأسف لو كانت باقي عناصر الفيلم بنفس قوة الخدع السينمائية والديكورات كان ممكن نقول أن الفيلم أفضل.

الخلاصة

عمارة رشدي كان ممكن يكون فيلم أفضل لو عرف يقدم الإشاعات اللي بتتردد عن عمارة رشدي بشكل أفضل وأداء تمثيلي أقوى، ولو كان مُخلص أكتر للكوميديا أو الرعب اللي قدمهم من خلال أحداثه.

 

علشان تبقى عارف:

حقق الفيلم إيرادات 70 ألف جنيه في أول 6 أيام عرض.

عجبك ؟ جرب

فيلم الدساس

نصيحة 360

تم تنظيم عرض خاص للفيلم في سينمات الإسكندرية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح