The Definitive Guide to Living in the Capital , Cairo , Egypt

عمر وسلمى 3

عمر وسلمى 3: ثلاثية “تامر حسني”

  • تامر حسنيعزت أبو عوف...
  • دراماعائلي...
  • محمد ساميمحمد سامي...
  • في1 Cinema
تم التقييم بواسطة
Mohamad Adel
قيم
قيم الآن
عمر وسلمى 3: ثلاثية “تامر حسني”

كنا قبل كده بـ نتكلم
عن ثلاثية “نجيب محفوظ” اللي تحولت لثلاثية أفلام سينمائية مشهورة «بين
القصرين»، «قصر الشوق» و«السكرية»، لكن الزمن تغير وبقينا نتكلم عن ثلاثية
“تامر حسني” السينمائية، والمعنى طبعًا واضح!

بدون ما نتكلم كثير
عن الجزء الثالث من «عمر وسلمى» لازم في البداية نركز على شيء مش مفهوم وغير واضح
وهي المتمثلة في قدرة “تامر حسني” على الاستمرار، أولها قدرته على إقناع
المنتجين بإنتاج أعمال له –حتى بعد اللي حصل له في ميدان التحرير– فكان أولها إقناع
المنتجين بإدخاله في مسلسل “آدم” كبطل وهو أول مسلسل درامي له، غير أن
وقت عرضه في رمضان الماضي وهو الموسم اللي بـ يتسابق عليه نجوم الدراما الكبار.

كمان قدرته على ظهور
“عمر وسلمى 3” في موسم منتصف العام بعد سلسلة من التأجيلات قام بها
المنتج “محمد السبكي”، يمكن السبب الأساسي فيها هو رغبة
“السبكي” نفسه في التخلص من الفيلم بسرعة في دور العرض في موسم شبه خالي
من الأفلام وطبعًا المنافسة، يمكن لأن “تامر حسني” –زي العادة– عنده
قدرة على إقناع المنتجين بحاجات إعجازية، وده برضه بـ يؤكد قدرات “تامر
حسني” الخارقة.

في مشهد من الفيلم
نلاقي “تامر حسني” بـ يكسر الزجاج وهو لابس زي Spider-man لبيت “سلمى” و”رشدي” –خطيب “سلمى”
الجديد– بعد ما خلعت “سلمى” حبيب القلب “عمر”، وفي مشهد ثاني
نلاقيه بـ يعمل عصابة يخطف فيها بناته، علشان يقنع “سلمى” أنها ترجع له،
ويسمي نفسه “اللهو الخفي”.

وبحسبة بسيطة نقدر
نقول أن “تامر حسني” –زي العادة برضه– ما زال بـ يتتبع خطوات الثوار، فبعد
اللي حصله في التحرير نزل صور له وهو في الميدان بطريقة الـ Photoshop يمكن كمان دلوقتي بـ “يتمسح” في Spider-man المصري اللي نزل العلم الإسرائيلي في واقعة اقتحام السفارة
الإسرائيلية الشهيرة، أو بـ ينكر عن نفسه تهمة أنه يكون “لهو خفي” أو
“طرف ثالث” أو “فلول” أو أيًا كان!

طبعًا كلها تأويلات بـ
تحمل الفيلم فوق طاقته، وده شيء إحنا معاكم فيه، لكن إحنا كمان بـ نسأل: لسه جمهور
“تامر حسني” موجود؟ ولو موجود لسه روح الثورة ما وصلتش لهم بضرورة تغيير
طريق فنانهم المحبوب لطريق أفضل بكثير من الإيحاءات الجنسية والكلام الفاضي وغيره؟

إحنا لسه فيه أمل
عندنا أن الفن ممكن يتغير، لكن المهم أن صناع الفيلم أنفسهم يتغيروا الأول.

عجبك ؟ جرب

"عمر وسلمى" و"عمر وسلمى 2".

نصيحة 360

ظهور "ممدوح فرج" مش مفاجأة في فيلم «عمر وسلمى 3» لأن له تجربة سينمائية قبل كده وهي فيلمه الأخير «علقة موت» واللي أعاد بسببه النجم الرياضي الشحات مبروك، كمان مع مجموعة من أشهر المصارعين العالميين، لكن رغم كده الفيلم لم يحقق أي إيرادات، وتم اعتباره من أسوأ الأفلام اللي ظهرت في عام 2009.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح