The Definitive Guide to Living in the Capital , Cairo , Egypt

أفلام
فوكك مني

فوكك مني: محاولة فيلم استعراضي

  • أحمد عزميأحمد عزمي...
  • كوميدي
  • أحمد عيسويأحمد عيسوي
  • في1 Cinema
تم التقييم بواسطة
Mohamad Adel
قيم
قيم الآن
فوكك مني: محاولة فيلم استعراضي

لو الواحد دخل الفيلم ده وهو عنده فكرة مبدئية أنه هـ
يشوف فيلم سيء، ننصحه يأجل التوقع ده شوية لأنه مش مضبوط بالمرة.

ده مش معناه أن الفيلم عبقري، لكن معناه أن الفيلم بقى سيء
لأنه تاه في تفريعات كثيرة، مع أن كان فيه موضوع –حتى لو قديم شوية– كان يصلح لأنه
يكون محور الفيلم، لكن السيناريست مصطفى السبكي عمل بمبدأ “من كل بستان
زهرة”، بحيث أن أي حد عايز يشوف أي حاجة في الفيلم هـ يلاقيها، بس إيه علاقة
كل ده ببعضه؟ الإجابة: ولا حاجة!

عندنا أحد الوزراء مستني ابنه “وليد” يرجع من
لندن علشان يحقق حلم الوزير في أنه يبقى سفير، لكن “وليد” يفاجئ والده أنه
ما حصلش على دبلومة في السياسة، لكن أخذها في فن المسرح، كمان يفاجئه بأنه واقع في
حب “د. مي” وهي طبيبة بـ تقوم بعمل تحاليل وعينات على الشحنات الواردة
من الخارج وتكتشف أن فيه شحنة مُسرطنة، وده عن طريق “مرسي” مساعد الوزير،
لكن “مرسي” قدر يقنع الوزير أن الشحنة مش مُسرطنة، وفي الوقت ده بـ
نتعرف على “لوما” الشغالة عند الوزير، وعندها موهبة الرقص، ويستعين بها
“وليد” كبطلة استعراضية في مسرحية بـ يحضرها، وهنا يقرر الوزير أنه يكسر
أحلام “وليد” في كل حاجة هو مش موافق عليها، فـ مين فيهم هـ يقدر يمشي
رأيه على التاني؟

لقينا في الفيلم تفريعات داخل تفريعات داخل تفريعات، وفي
النهاية تخرج من الفيلم بقصة مشوهة لناس كثير، لكن فيه سببين يخلونا نقول أن
الفيلم ده يعدي، الأول هو رقص “لوما” المتميز –الراقصة دينا– في عدد من
المشاهد، والسبب الثاني أنهم بـ يتكلموا في موضوع المسرح الاستعراضي، مع أن
المتوقع أن ده مش مقصود من صناع الفيلم لكنهم حاولوا يلمسوا شوية فكرة بُعد الناس
عن النوع ده من الفن.

طبعًا مافيش داعي هنا نتكلم عن التصوير لأنه قائم على
طريقة تصوير “الموالد”، وفيه مشاهد كانت الصورة فيها مش مظبوطة، وده لأن
الـ Focus ماكانش مظبوط! والغريب أن ده من
أبسط القواعد في التصوير!

طبعًا الموسيقى بـ تلعب دور في إظهار الطريقة الشعبية أو
الميلودرامية بشكل مبالغ فيه، مع أن التمثيل في مشاهد تحس فيه أن الممثلين مصدقين
اللي بـ يعملوه في المشهد، لكن الإطار العام للفيلم مش مساعد الواحد أنه يصدق أي
شيء فيه أو جاي من ناحيته. 

عجبك ؟ جرب

«الفيل في المنديل»، «عليا الطرب بالثلاثة».

نصيحة 360

لحد دلوقتي مش مفهوم ليه اسم الفيلم «فوكك مني»، ومفيش أي دلالة في الأحداث على اسمه!

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح