The Definitive Guide to Living in the Capital , Cairo , Egypt

  • أنا كيندريكبلايك لايفلي...
  • غموض وتشويق
  • بول فيج
  • في1 Cinema
تم التقييم بواسطة
Mohamed Hamdy
قيم
قيم الآن
فيلم A Simple Favor: إيه اللي حصل لإيميلي؟

كتير من المشاهدين بيخلطوا ما بين الإثارة والتشويق وما بين حالة الرعب اللي ممكن تكون متوفرة في بعض الأفلام. لكن ما نقدرش نلوم المشاهدين دول، لسبب بسيط وهو إن بعض صناع الأفلام نفسهم بيختلط عليهم الأمر! يعني أحيانًا بنروح فيلم صناعه بيقولوا عليه رعب وبنلاقيه إثارة، والعكس صحيح.. لكن فيلمنا النهارده صناعه كانوا عارفين كويس قوي الفرق بين الإثارة والتشويق والرعب.

 

 

من أهم الأمور اللي لفتت انتباهنا في فيلم A Simple Favor هو القدرة على التفرقة بين الإثارة والرعب، والفصل على صعيد السيناريو بين كل شعور من الشعورين وتقديم كل منهم للمشاهد بشكل كافي ووافي. وده كان السبب الرئيسي في ارتفاع تقييمنا للفيلم.

فيلم A Simple Favor بيحكي عن (ستيفاني) واللي بتقوم بدورها آنا كيندريك، واللي بتحاول توصل لأي معلومة شافية عن اختفاء صديقتها المقربة إيميلي واللي بتقوم بدورها بليك ليفلي.

على الرغم من أن القصة تبدو مكررة، لكن الحبكة أو طريقة تنفيذ الفيلم على الشاشة كانت ممتازة جدًا، خاصة مع وجود التواء أو Twist في الأحداث بيخلي متعة المشاهدة تزيد وبيوتر المشاهدين مع استمرار الأحداث طوال وقت عرض الفيلم اللي بيقترب من ساعتين.

لكن لازم نعترف أن واحد من أسباب قوة الفيلم هو اعتماد كاتبته جيسيكا شارزر – وهي مؤلفة متخصصة في أعمال الرعب- على رواية دارسي بيل، وطبعًا توج كل المجهود ده بالإخراج المتميز لبول فيج واللي قدر يوظف كل المجهودات دي لصالح النسخة النهائية من الفيلم.

الرعب في الفيلم قائم على فكرة الرعب النفسي أكتر من الرعب القائم على المشاهد المفاجئة وده من مميزات الفيلم، كمان التلاعب بالألوان وأماكن التصوير واختيار زوايا التصوير كان أكتر من رائع.

A Simple Favor فيلم تشويق ورعب بيلعب على مشاعر المشاهدين بجدية واهتمام وبشكل مختلف عن معظم أفلام الرعب اللي شوفناها مؤخرًا ونرشح الفيلم للمشاهدة لمحبي أفلام التشويق والإثارة.

علشان تبقى عارف: تقييم الفيلم على موقع IMDB هو ٧.٣ من ١٠.

عجبك ؟ جرب

 Gone Girl

نصيحة 360

الفيلم بيعرض تحت أسم أخر هو What Happened To Emily

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح