-
ديلان أوبرينسانا لازان...
-
حركة ومغامرات
-
مايكل كوستا
-
في1 Cinema
Mohamed Hamdy
على الرغم من أن تيمة الانتقام تم تقديمها في عدد لا نهائي من الأفلام، إلا أن التيمة لا تزال مؤثرة وقوية وممكن يخرج منها كتير من الأفلام والأعمال القوية. American Assassin يعتبر واحد من الأفلام دي.
القصة
الفيلم بيحكي عن ميتش راب، الشاب الجامعي المتعلم والذكي والرياضي، لكنه بيتعرض لهجوم إرهابي بيجعله ينضم لوحدة متخصصة تابعة للولايات المتحدة وهدفها اصطياد المتشددين والمتطرفين في كل مكان، وبينضم ميتشل للمجموعة دي علشان يحقق انتقامه.
فريق العمل
الفيلم من إخراج مايكل كويستا ومن تأليف فينس فلين ومن بطولة ديلن أوبراين ومايكل كيتون وتايلور كيتش وسكوت أدكنز.
الأداء التمثيلي
الأداء التمثيلي لكل الأبطال كان جيد جدًا، وبنخص هنا ديلن أوبراين واللي قدر يتحمل العبء الأكبر من الأداء التمثيلي في الفيلم، والحقيقة أن ديلن في دور ميتش قدر يقوم بالعبء المطلوب منه وكان من الواضح المجهود والوقت اللي قضاه علشان يخرج الفيلم بشكله النهائي المشرف.
السيناريو والحوار والإخراج
حوار الفيلم كان أهم عنصر، لأن الحوار في الفيلم تولى شرح الأحداث وتعريفنا بكل حاجه بتحصل حوالينا، لأن سيناريو الفيلم محتاج بعض التركيز علشان نقدر نفهمه، بالتالي وقع عبء شرح أحداث الفيلم على الحوار، والحقيقة قدر الحوار يقوم بالمهمة على خير وجه. أما إخراج الفيلم فنجح في أننا لا نشعر بالملل على الأطلاق من المشهد الأول للنهاية، وده شيء يحسب للفيلم وإخراجه.
الديكورات والموسيقى والأزياء
معظم المشاهد في الفيلم كانت مشاهد تصوير خارجية، لكن مشاهد التصوير الداخلي تميزت فيها الديكورات والموسيقى بشكل كبير، وقدموا مع بعض سيمفونية متجانسة ساعدت على انسجامنا مع الخيط الدرامي للأحداث بسرعة وسهولة، وبشكل عام تعتبر الديكورات والموسيقى والأزياء من الأمور المحسوبة للفيلم وصناعه.
الخلاصة
فيلم American Assassin فيلم أكشن أمريكي مميز بننصحكم بمشاهدته بدون توقعات مسبقة أو محاولة توقع ما هو أكتر من مشاهد الحركة والالتحام والقتال والمطاردات.
علشان تبقى عارف:
في البداية كان النجم (بروس ويليز) مُرشحًا لأداء دور مُدرب (ميتش راب) لكن تم تغيير الدور في النهاية.