Angel Has Fallen
فيلم Angel Has Fallen: سيبكم من القصة وركزوا في الأكشن
angel has fallen أفلام جيرارد باتلر ريفيو سينمات القاهرة مورجان فريمان-
بيبر بيرابوجيرارد باتلر...
-
حركة ومغامرات
-
ريك رومان وو
-
في1 Cinema
Mohamed Hamdy
بيعجبنا قوي الأفلام اللي أبطالها ومخرجينها عارفين كويس جدًا هما بيقدموا إيه ولمين، وصناع فيلم Angel Has Fallen من الناس دي، برغم إنهم عارفين إن الحبكة والقصة اللي قدموها مكررة ومعروفة من أول مشهد لآخر مشهد، لكن متعة المشاهدة والأكشن والمطاردات هو الهدف الحقيقي اللي سعى وراه صناع Angel Has Fallen.
Angel Has Fallen بيحكي عن قصة عميل الخدمة السرية مايك بانينج (جيرارد باتلر) واللي بيتولى حماية الرئيس الأمريكي آلان ترومبول (مورجان فريمان) وبيتم اتهامة بمحاولة قتل الرئيس، الأمر اللي بيفرض عليه الهروب، ومحاولة تبرئة نفسه ومعرفة الجاني الحقيقي في نفس الوقت.
زي ما شوفنا، القصة اللي كتبها “كرايتونرو ثنبرجر” و “كاترين بنديكيت” مش محتاجة مجهود كبير في المتابعة، كمان إخراج “ريك رومان” مافيهوش أي تكنيكات جديدة، كل حاجة تقليدية، لكن السؤال هنا، هل دي حاجة وحشة؟!
رأينا إن ده كويس جداً، أحيانًا بيكون من مصلحتنا نتفرج على فيلم بدون أي تعقيدات أو حبكات صعبة، لكن طبعًا كان لازم نشوف حاجة مختلفة على صعيد الأكشن والمطاردات، والحقيقة إن الفيلم نجح في ده بشكل كبير، حتى إن في واحدة من مشاهد الفيلم اتعرض “جيرارد باتلر” لإصابة وهو راكب موتسيكل، وتم تأجيل تصوير الفيلم حوالي ٣ شهور بسبب الحادثة دي.
تصميم مشاهد الحركة ومشاهد تبادل إطلاق النار والصراع اليدوي كانت أكتر من رائعة، المطاردات كمان كانت متميزة بدرجة كبيرة، وده اللي خلانا نحس بالمتعة، خاصةً وإننا مش محتاجين كتير من التفكير سواء في الحبكة أو السيناريو.
لو كنت من محبي أفلام أكشن التسعينات وسلسلة Olympus Has Fallen و London Has Fallen الجزء الثالث Angel Has Fallen فهيكون فيلم جميل ومميز بالنسبة لك.