The Definitive Guide to Living in the Capital , Cairo , Egypt

أفلام
Anna

فيلم Anna: ثلاث أفلام مضروبين في الخلاط

تدريب جاسوس جميلة عملاء عنف قتل مخابرات
  • ساشا لوسكيليان مورفي...
  • حركة ومغامراتغموض وتشويق
  • لوك بيسون
تم التقييم بواسطة
Mohamed Hamdy
قيم
قيم الآن
فيلم Anna:  ثلاث أفلام مضروبين في الخلاط

كام مرة اتفرجت على فيلم، وحسيت أن الشكل العام للقصة مستوحى من فيلم تاني شوفته قبل كده؟ إحنا شوفنا فيلم Anna وحسينا أنه مستوحى من 3 أفلام تانية.

فيلم Anna بيحكي عن عميلة للمخابرات الروسية (KGB). بيتم تكليفها بمهمة صعبة. ومع تعقيد الأحداث وتدخل أطراف تانية، بنشوف قدر كبير من مشاهد الأكشن المبتكرة. واللي حسينا إنها جديدة في تنفيذها.

فكرة عميلة المخابرات الجميلة اللي بتخبي تحت جمالها عنف وقسوة، فكرتنا بفيلم Atomic Blonde بطولة تشارليز ثيرون. اللي لعبت فيه دور عميلة مخابرات في فترة الحرب الباردة بين روسيا وأمريكا. أما إخراج “لوك بيسون” لمشاهد الأكشن، فكرنا بسلسلة أفلام John Wick ، بطولة كيانو ريفز. وطالما اتكلمنا عن صراع المخابرات وألعاب السياسة، لازم نفتكر سلسلة أفلام Jason Bourne ، بطولة مات ديمون.

أداء “ساشا لوس” في دور البطولة كان جيد، وقدرت تقوم بالدور بشكل ممتاز. لكن من ناحية تانية ماقدرناش نطلع من ذهننا فكرة أن الفيلم مقتبس من مجموعة أفلام تانية. وده ضايقنا لأننا حسينا إننا بنشوف إعادة للأفلام دي. وخلانا نحس أن صناع الفيلم مراهنين على الذاكرة القصيرة للمشاهدين.

مستوى الدم والعنف في الفيلم – مع بعض المشاهد اللي لها طابع جنسي- كان أعلى من توقعاتنا. علشان كده المشاهدين لازم يعرفوا إن الفيلم مش مناسب للأطفال.

Anna فيلم أكشن على جاسوسية هيعجب اللي بيحبوا الأنواع دي من الأفلام. بس لازم يكون عندهم قدرة على عدم مقارنة الفيلم بأفلام تانية.

عجبك ؟ جرب

Atomic Blonde

نصيحة 360

مستوى العنف والدم في الفيلم أعلى من المتوسط.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح