-
آمبر هاردجايسون مومووا...
-
حركة ومغامراتفانتازيا
-
جيمس وان
-
في1 Cinema
Mohamed Hamdy
فيلم جديد من عالم DC بنشوفه دلوقتي في سينمات القاهرة. بطولة شخصية Aquaman، اللي شوفناها قبل كده في فيلم (Justice League 2017). ومع انتظار عدد كبير من محبي أفلام السوبر هيروز للفيلم، كان لازم نجاوب على السؤال: هل فيلم Aquaman هو أقوى أفلام DC؟
الأحداث بتقع زمنيًا بعد أحداث فيلم Justice League. وبنشوف قصة آرثر كاري “جايسون موموا”، اللي بيعرف إنه وريث عرش مملكة أتلانتس المتقدمة علميًا. الأمر اللي بيحطه في مواجهة دائمة ضد الشر، علشان ينقذ العالم من الهلاك.
قصة الفيلم بسيطة ومباشرة، ودي من عوامل قوة الفيلم. كمان المؤثرات والخدع البصرية، اللي اتقدمت بشكل مبهر جدًا. صحيح فيه بعض المشاهد كانت زايدة عن الحد، لكن محبي النوع ده مش هيحسوا بملل.
من ناحية تانية حاول المخرج “جيمس وان” إنه يسيب بصمة فلسفية على أحداث الفيلم، من خلال بعض المشاهد الدرامية، لكنه فشل في ده. وكان من الأفضل يسيب الفيلم لتصنيفه الأساسي، تحت بند أفلام المغامرات والأكشن اللي فيها بعض الكوميديا.
وبالرجوع للسؤال اللي بدأنا به موضوعنا. هل Aquaman أقوى أفلام عالم DC؟ الإجابة هي لأ. لكن ده لا ينفي إن الفيلم قوي ومميز كواحد من أفلام السوبر هيروز.