The Definitive Guide to Living in the Capital , Cairo , Egypt

رغم قلة عدد أبطال فيلم Arctic، إلا إنه قدر يعلي رغبة الخروج من دائرة الأمان، والبحث عن طرق جديدة ومختلفة لتحقيق النجاح.

الفيلم بيحكي عن رجل بيحاول يفضل على قيد الحياة، بعد تحطم طائرته في منطقة جليدية. وفي نفس الوقت لازم ينقذ امرأة شابة موجودة معاه. كل ده بعد ما يفقد الأمل في أي مساعدة خارجية، تقدر توصل لمكانه.

النوع ده من الأفلام دايمًا بيقدر يلفت الانتباه. يمكن لأن المشاهد بيضع نفسه تلقائيًا مكان الأبطال. ويبدأ يسأل نفسه هيعمل أيه لو كان مكانه. لكن في حالة Arctic بنشوف رسالة تانية جنب السؤال ده، هي ضرورة الخروج من حيز الأمان اللي بنعيش فيه. ونجرب حاجات جديدة ومختلفة.

الأداء التمثيلي لأبطال الفيلم كان أكتر من رائع. وقدر المخرج والمؤلف “جو بينا”، يوظف مجهوداتهم بشكل متميز جدًا. ويحطها في مكانها المناسب.

لو بتدور على فيلم عن الإصرار والرغبة القوية في الحياة.. لازم تشوف Arctic.