على الرغم من أن قلة الميزانية بتكون واحدة من أكتر المشاكل اللي بتقابل صناع الأفلام، إلا أننا شوفنا حالات كتير قدر فيها صناع السينما بذكاء تجاوز عقبة الميزانية القليلة. أفلام زي paranormal activity و Desperado و buried (اللي تم تصويره بممثل واحد وفي لوكيشن واحد تقريبًا!) كل دي أفلام قدرت تقدم خلطة سينمائية قوية جدًا ومحترمة وغير مملة وفي نفس الوقت بميزانيات قليلة للغاية. لكن هل قدر فيلم Aux اللي ميزانيته قليلة يقدم فيلم قوي؟
الإجابة المباشرة المختصرة على السؤال هي: لأ.. الفيلم وقع في التكرار وضعف السيناريو وعدم جودة الحوار، وكل دي أثار جانبية للميزانية المنخفضة اللي جعلت المخرج والمؤلف جون أدامز يستعين بممثلين بأجور منخفضة. زي جون ريس ديفيس و روزي فلينر وغيرهم.. واللي بسببهم خرج الفيلم في النهاية ضعيف وغير مترابط.
لكن هل كل الأمور كانت سيئة جدًا في الفيلم؟ طبعًا لأ.. فكرة شبح الجندي النازي اللي بيخرج من قبره علشان يطارد الأشخاص الموجودين في أحدى المدن لشعوره بأن الحرب العالمية الثانية لم تنتهي بعد في حد ذاتها فكرة جيدة، وكان ممكن يتم معالحتها بشكل أقوى من اللي شوفناه على الشاشة.
من المشاهد القوية اللي لفتت نظرنا برضه مشهد حادثة السيارة في بداية الفيلم، كان من المشاهد اللي تم أدائها بقوة واحترافية عالية وبشكل يسبب صدمة حقيقية للمشاهدين. لكن في النهاية لا يمكن تقييمنا لفيلم يرتفع لمجرد تقديم مشهد أو اثنين بشكل قوي أو مميز!
فيلم Aux كان ممكن يكون أفضل لو تم صناعته بمخرج وفريق عمل قادر على التأثير في المشاهدين بعمل قوي.
علشان تبقى عارف:
الفيلم إنتاج بريطاني وحقق حتى الأن إيرادات حوالي 60 ألف دولار.