The Definitive Guide to Living in the Capital , Cairo , Egypt

  • جين سمارتسكايلر كاليب...
  • رعب
  • جي إس ويلسون
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Awaken the Shadowman: قصة مكررة وتمثيل ضعيف

أفلام الرعب من أكتر أنواع الأفلام اللي ليها معجبين ومحبين على مستوى العالم. ومن ناحية تانية إنتاج فيلم رعب أحيانًا مش بيتكلف فلوس كتير. بالتالي كتير من المنتجين بتقبل على إنتاج أفلام الرعب. لكن في حالة Awaken the Shadowman كان مستوى (الاستختسار) في الإنتاج أعلى بكتير!

فيلم Awaken the Shadowman بيحكي عن شقيقين بيتقابلوا بعد الأختفاء الغامض لوالدتهم. لكن التراجيديا في العائلة مش بتتوقف عند اختفاء الأم فقط. لكنها بتكون البداية لسلسلة من الأحداث المرعبة اللي مش بنعرف تفسيرها المنطقي.

قصة الفيلم اللي كتبها سكايلر كالب ووودرو ويلسون هانكوك الثالث مكررة ومتشابهة مع كتير من أفلام الرعب التانية. لكن أخطاء الحبكة وتكرار القصة كانت ممكن تمر لو كان إخراج الفيلم أفضل من كده.

مخرج الفيلم جيه. إس. ويلسون بيقدم تقريبًا أول تجاربه الإخراجية، ورغم إننا المفروض نتساهل معاه كونه بيقدم عمله الأول للسينما، إلا إننا مهما اتساهلنا مش هنقدر نغفر كم الاستسهال الإخراجي والبخل الإنتاجي اللي خلوا الفيلم يخرج في النهاية بصورته النهائية الغير جيدة على الإطلاق.

للأسف الأداء التمثيلي لا يختلف كثيرًا عن التأليف والإخراج. بنشوف جيمس زيمباردي وسكايلر كالب وجين سمارت في أسوأ حالاتهم التمثيلية. ومن الواضح أن الفيلم بالكامل لا يعدو كونه (سبوبة) لمحاولة عمل بعض الإيرادات.

 

السؤال الصعب في نهاية مشاهدتنا لفيلم Awaken the Shadowman هو لمين نرشحه؟ الحقيقة إننا نرشح الفيلم للشباب المهووس بمشاهدة أفلام الرعب مهما كان مستواها. أو المشاهدين اللي عاوزين يقضوا حوالي ساعتين من وقتهم بدون إرهاق ذهنهم بأي تفكير زايد.

علشان تبقى عارف: التصنيف الرقابي في مصر للفيلم لفوق 12 سنة.

عجبك ؟ جرب

The Nun

نصيحة 360

تقييم الفيلم على موقع IMDb هو 4.4 من 10.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح