The Definitive Guide to Living in the Capital , Cairo , Egypt

أفلام
Berlin, I Love You

فيلم Berlin, I Love You: هل فعلاً الجغرافيا ليها علاقة بالحب؟

Berlin I Love You I Love You Paris je t'aime Rio Eu Te Amo كيرا نايتلي لوك ويلسون هيلين ميرين
  • جينا ديوانديانا أجرون...
  • درامارومانسي
  • ديانا أجرونماسي تادجدين
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Berlin, I Love You: هل فعلاً الجغرافيا ليها علاقة بالحب؟

فيلم Berlin, I Love You يعتبر واحد من سلسلة أفلام قصتها الرئيسية بتدور حوالين الحب والرومانسية في مجموعة من المدن حوالين العالم، السلسلة دي بتتعرض تحت أسم Cities of Love وسبق وشوفنا أفلام في السلسلة دي زي Paris, je t’aime و New York, I Love You و Rio, Eu Te Amo وقدرت بشكل أو بآخر تحقق نجاح جيد.

فيلم النهارده Berlin, I Love You بيحكي عن حوالي 10 قصص حب بيربطها رابط واحد، هو إن كلها بتحصل في العاصمة الألمانية برلين، والجميل في القصص دي إن ليها أشكال مختلفة، وبتناقش كتير من قضايا المجتمع اللي ممكن البعض يعتبرها شائكة أو حتى غير قابلة للمناقشة.

لكن من ناحية ثانية، الكلام عن 10 قصص حب مرة واحدة في سياق فيلم، حسسنا في كتير من الأحيان واحنا بنتفرج بالزحمة وعدم القدرة على التركيز في قصة بعينها، وده الطبيعي من سيناريو بيناقش أكتر من قصة في نفس الوقت.

مش بس كده.. برلين كمدينة ألمانية ما ظهرتش في الفيلم بشكل رومانسي عاطفي على الرغم من كل محاولات الفيلم إنه يقدم مشاهد فيها حميمية ورومانسية، إلا إن شعور إن برلين (جامدة) ولا يمكن تقديمها كمدينة قادرة على احتضان قصص الحب والعواطف فضل واضح موجود في الكادرات.

بالنسبة للأداء التمثيلي اللي قدمه الأبطال “كيرا نايتلي” و”هيلين ميرين” و”لوك ويلسون” وكتير غيرهم من أبطال الفيلم فنقدر نقول عليه أداء جيد، ويمكن الأداء الجيد ده هو اللي خلانا نصبر شويه على القصص اللي حسينا إنها مبتورة ومش متوظفة بسيناريو قوي مترابط وقابل للمشاهدة من البداية للنهاية.

عجبك ؟ جرب

New York, I Love You

نصيحة 360

فيلم Berlin, I Love You كان ممكن يكون فيلم أفضل لو الاهتمام كان بقصة واحدة أو اتنين بدل 10 قصص، ولو كانت الأحداث بتدور في مكان تاني غير برلين اللي ما حسيناش إنها مدينة عاطفية نهائيًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح