The Definitive Guide to Living in the Capital , Cairo , Egypt

أفلام
Billionaire Boys Club

فيلم Billionaire Boys Club: أهلًا بيك في نادي النصابين

أفلام تارون إيجرتون ريفيو سينما سينمات القاهرة كايرو 360 كيفن سبيسي نقد أفلام
  • أنسيل إلجورتتارون إيجرتون...
  • دراما
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Billionaire Boys Club: أهلًا بيك في نادي النصابين

الأفلام اللي بتتكلم عن عالم النصب أو الجرائم المالية في المجتمع، واللي بتكون مقتبسة عن قصة حقيقية غالبًا بتكون ممتعة. يمكن علشان المشاهدين بيسألوا نفسهم: لو معايا نفس المقدار من الثروة كنت هاعمل بيها أيه واستغلها ازاي؟ وهو ده اللي بيتكلم عنه فيلم Billionaire Boys Club.

 

الفيلم المقبس عن قصة حقيقية بيحكي عن مجموعة من الشباب اللي بيقرروا يحققوا الثروة بطرق سريعة وغير قانونية طبعًا، لكن الأمور بتتجه بيهم لطرق مختلفة ومليئة بالمشاكل والمخاطرة في سبيل تحقيق أهدافهم. وبيقدروا مع الوقت يعملوا نادي يسموه Billionaire Boys Club أو اختصارًا BBC

تارون إيجرتون قدر يأدي دور (دين) بشكل مميز جدًا ومختلف. مش عاوزين نقلل من قيمة باقي الأبطال زي أنسيل يلجورت أو كيفن سبيسي (الخارج مؤخرًا من فضيحة فنية كبيرة بسبب اتهامات بالتحرش) لكن زي ما قولنا إيجرتون قدم أداء قوي ومميز.

من ناحية تانية حسينا أن المؤلف والمخرج جيمس كوكس اختصر الفيلم في حكاية الحدوتة من البداية للنهاية، بدون التدخل لإضافة أي جو من الكوميديا مثلًا زي ما بيحصل مع أفلام تانية بتنتمي لنفس الفئة زي Catch me if you can أو War dogs وغيرها من الأعمال اللي بتحاول تخلط أكثر من نمط بالقصة. لكن ده لم يحدث في فيلمنا.

 

من أجمل الأمور اللي لاحظناها في الفيلم تصميم الديكور واللي نقلنا زمنيًا لفترة الأحداث، كمان استخدام الكاميرا وحركتها المميزة وبعض مشاهد الفيلم اللي تم استخدام تكتيكات ذكية جدًا في حركة الكاميرا وحركة الممثلين نفسهم علشان نشعر بالإبهار، كل دي كانت أمور جديدة علينا في نوعية أفلام بتلتزم بالمقام الأول بالحكاية التاريخية وسردها على المشاهدين.

فيلم Billionaire Boys Club مش أحسن فيلم عن النصب والاحتيال المالي لكنه فيلم قوي ومميز ويستحق المشاهدة في الويك إند بعد نهاية أسبوع طويل من الشغل.

علشان تبقى عارف:

تقييم الفيلم على موقع IMDB وصل لـ 5.6 من 10.

عجبك ؟ جرب

The wolf of wall street

نصيحة 360

الفيلم مقتبس عن قصة حقيقية

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح