The Definitive Guide to Living in the Capital , Cairo , Egypt

  • ديفيد آرون بيكرسامنثا ماثيز...
  • رعب
  • بوز ياكن
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Boarding School: الفشل

الرعب المرتبط بأماكن معينة. مغلقة وكئيبة. أو بتحتوي على أسرار دفينة. يعتبر واحد من أكثر أنماط الرعب من حيث التأثير. يمكن لارتباطه في نفسية المشاهدين – على الرغم من الأختلافات الكبيرة بينهم- بالوحدة والحزن والخوف الدائم من التعرض للخطر.

 

 

لكن للأسف المخرج والمؤلف بواز ياكين حاول يلعب على أكتر من تيمة بتجمع الرعب بالغموض بالأشخاص غير المريحة أو اللي بتخفي سر ورائها. وللأسف فشل في النهاية – في رأينا- إنه يقدم فيلم قوي على أي صعيد من الأصعدة دي.

فيلم Boarding School بيحكي عن جاكوب واللي بيقوم بدورة لوك بريل واللي بينتقل لمدرسة داخلية متخصصة في علاج الحالات النفسية اللي بتصيب الأطفال والمراهقين بعد خسارتهم لحد عزيز عليهم. وفي محاولته للتشافي من التعلق المرضي بجدته المتوفية بيبدأ جاكوب في اكتشاف المدرسة الداخلية والأسرار الغريبة الموجودة هناك والأشخاص المتواجدين معاه في نفس المكان.

 

بواز ياكين مخرج الفيلم من الناس اللي مش بتقدم أعمال كتير. ومن الواضح أن عنده فترة حوالي 3 أو 4 سنوات بين كل فيلم والعمل اللي بعده. وعلى الرغم من مسيرته غير الحافلة كمخرج -من حيث العدد- لكن أعماله كمؤلف قوية ومؤثرة. زي مثلًا سلسلة أفلام Now You See Me و Max و Safe وبعض أعماله كمخرج قوية ومؤثرة زي Remember the Titans.

على صعيد البطولة بنشوف لوك بريل في دور جيد، وعلى الرغم من حداثة سنه – وعمله في السينما- إلا أنه من الواضح أنه بيجتهد في الشغل على نفسه علشان يقدم لنا في النهاية دور قوي ومؤثر.

بيشارك في البطولة ثامنثا ماثيز في دور إيزابيل. وديفيد بيكر في دور دايفس. لكن بشكل عام مش بنشوف دور مميز في الفيلم أو ممثل قام بمشهد لا يُنسى. على الرغم من محاولة السيناريو خلق لحظات تفرد لبعض الأدوار الرئيسية في الفيلم.

 

يمكن من العناصر القوية في الفيلم الديكورات واختيار أماكن التصوير. كمان الموسيقى التصويرية لعبت دور مهم علشان ننتقل على صعيد الزمان والمكان لفترة ومكان أحداث الفيلم. لكن للأسف عندنا شعور قوي أن القصة والسيناريو لم تستغل كل ده علشان تقدم في النهاية فيلم قوي.

Boarding School محاولة للرقص على سلم السينما.. مابين الرعب والغموض والإثارة. الفيلم مش قوي، لكنه ممكن يكون مناسب لكل اللي بيحبوا الأفلام اللي بتدور في أماكن مغلقة أو فيها أسرار خفية.

علشان تبقى عارف: حصد الإعلان الخاص بالفيلم “التريلر” حوالي نصف مليون مشاهدة على موقع يوتيوب.

عجبك ؟ جرب

فيلم Blood Fest

نصيحة 360

تقييم الفيلم على موقع IMDb هو 5.7 من 10.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح