The Definitive Guide to Living in the Capital , Cairo , Egypt

أفلام
Captain Marvel

فيلم Captain Marvel: مش كل من لبس بدلة بقى سوبر هيرو

captain marvel اشرار افينجرز حرب سوبر هيرو فيلم قوة كوكب مارفل
  • بري لارسونبين مينديلسون...
  • إثارةحركة ومغامرات...
  • آنا بودنرايان فليك
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Captain Marvel: مش كل من لبس بدلة بقى سوبر هيرو

سينمات القاهرة دلوقتي بتشهد عرض فيلم Captain Marvel، اللي يعتبر جزء جديد من أفلام عالم مارفل السينمائي، وتمهيد للفيلم المنتظر Avengers: End Game. اللي هيتعرض في أبريل الجاي.

في البداية Captain Marvel بيحكي عن فيرس “بري لارسون”، اللي بيتم تكليفها بمهمة على كوكب الأرض، اعتمادًا على قدراتها الخارقة. لكن في نفس الوقت مهمتها على الأرض مش سهلة. وقادرة على حسم صراع استمر لفترة طويلة بين كواكب متعددة.

قصة الفيلم تعتبر من عوامل القوة الخاصة به، كمان سيناريو الفيلم كان قوي ومترابط. لكن الأداء التمثيلي ماكنش على نفس القدر من القوة.

“بري لارسون” كان واضح أنها غير ملمة بتفاصيل الشخصية اللي بتقوم بيها. ومش متمكنة منها كويس. لو كان الأداء التمثيلي لـ “صامويل إل جاكسون” وباقي أبطال الفيلم ضعيف، كنا اتهمنا الإخراج. لكن الحقيقة أن أداء “بري” لوحده هو اللي كان ضعيف.

المؤثرات الخاصة والخدع كانت مسيطرة على معظم الفيلم كعادة أفلام مارفل. لكن استخدامها كان زيادة عن اللزوم. الأمر اللي خلى بعض المشاهد سريعة ومش واضحة. بس ده لا ينفي أن الفيلم قدم مشاهد اشتباكات ومطاردات قوية ومميزة.

فيلم Captain Marvel هيعجبكم لو كنتم من محبي أفلام مارفل. لكنه مش على نفس مستوى الأفلام اللي سبقته.

عجبك ؟ جرب

Captain America

نصيحة 360

: "بري لارسون" عندها حساسية من القطط. وكل مشاهدها مع القطة كانت عبارة دمية، أو بتقنية الـ VFX.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح