The Definitive Guide to Living in the Capital , Cairo , Egypt

بعض الأفلام بتحتاج تركيز أثناء مشاهدتها. لأن أحداثها بتتضمن رسائل تانية، غير المعلنة في الفيلم. وده ينطبق بشدة على فيلم Captive State. اللي على الرغم من تصنيفه كفيلم خيال علمي، لكن حسينا فيه بكتير من الرسائل السياسية.

الفيلم بيحكي عن المستقبل البعيد. لما كائنات فضائية بتسيطر على مدينة شيكاغو الأمريكية. وبنشوف قصص مجموعة من الأشخاص على مختلف الأصعدة وطريقة تعاملهم مع الغزو.

تضارب كبير في الآراء ظهر بين النقاد والجمهور عن الفيلم. والحقيقة إحنا عاوزين ناخد صف الجمهور، ونقول أن الفيلم بيقدم جرعة جميلة من التشويق والإثارة. وإن كان مافيهوش مشاهد أكشن وحركة كتيرة.

مخرج  الفيلم ومؤلفه “روبرت وايت” حاول يمزج بين الرسالة المستترة والخيال العلمي. مع جو من الجاسوسية، بدون اللجوء لكتير من الحركة. وكان ممكن يكون الفيلم أفضل لو تم الأهتمام بالمؤثرات والخدع البصرية أكتر من كده.

الأداء التمثيلي من الأبطال كان جيد جدًا. وقدر يخاطب المشاهدين على أكتر من مستوى. وده يحسب للمخرج، اللي قدر يدير الممثلين بشكل جيد ومحترف.

أكيد Captive State بعيد جدًا عن أنه يكون أفضل فيلم خيال علمي شوفناه. لكنه فيلم يستحق المشاهدة والتركيز في أحداثه، وفي الأبعاد التانية اللي بيقدمها لمشاهديه.