The Definitive Guide to Living in the Capital , Cairo , Egypt

النجاح اللي حققه فيلم Home Alone سنة 1990، خلانا متعودين نتفرج عليه مع بداية كل سنة جديدة. وده شجع صناع فيلم Christmas Break-In على تقديم تجربة مشابهة. لكن للأسف يبدو إنها ماكنتش على نفس القدر من النجاح.

الفيلم بيحكي عن بنت صغيرة، أهلها بيتأخروا على ميعاد اصطحابها من المدرسة، بسبب عاصفة ثلجية. وفي نفس الوقت في عصابة جاية تقتحم المدرسة. فتكون هي الوحيدة القادرة على التصدي ليهم.

أما عن أسباب عدم نجاح الفيلم، فأول سبب كان في السيناريو والإخراج المُقلدين. صحيح إحنا مش ضد فكرة التقليد، لكن المشكلة في الاستسهال خلال التقليد. إحنا تقريبا كنا بنتفرج على “Home Alone” بأبطال مختلفين. والسبب الثاني كان في الأداء التمثيلي الضعيف. اللي ماقدمش أي جديد.

لكن ماننكرش إن أجواء الفيلم حطتنا في جو الأجازات ولمة العيلة، اللي بنقضي فيها أحلى الأوقات. الأمر اللي بيخلينا نرشح الفيلم للمشاهدة العائلية، بدون انتظار لأي حاجة جديدة أو ملفتة.