The Definitive Guide to Living in the Capital , Cairo , Egypt

  • بيرس بروسنانديف باتيستا...
  • حركة ومغامرات
  • سكوت مان
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Final Score: أكشن يستحق المشاهدة

بقى لنا فترة طويلة ما شوفناش فيلم أكشن مخلص لفكرة الأكشن بحد ذاتها من البداية للنهاية زي فيلم Final Score ، والحقيقة أننا مؤخرًا بنشوف أفلام أكشن بتحاول تقدم نفسها كأفلام درامية أو سياسية مع بقاء الأكشن كجزء من أحداث السيناريو لكن مش الهدف الأساسي المسيطر على الفيلم من البداية للنهاية.

 

 

فيلم Final Score بيحكي عن مباراة هامة بيحضرها حوالي 40 ألف متفرج، لكن المباراة بتتحول لعملية إرهابية لما بتقوم مجموعة باخذ كل الحاضرين رهائن وتهدد حياتهم. لكن في وسط كل الأحداث دي بيظهر جندي سابق (بيقوم بالدور ديف باتيستا) بيحاول يواجه المختطفين ويعرف الهدف الحقيقي من وراء العملية الخاصة بهم.

من الأمور المميزة في الفيلم إخلاص السيناريو والقصة اللي كتبها ديفيد ت لينش لمبدأ الأكشن والإثارة، كمان المخرج سكوت مان ركز طوال الفيلم على حبس أنفاسنا كمشاهدين، وقدم لنا المتعة والإثارة من المشهد الأول للنهاية ودي من الأمور اللي تحسب للفيلم.

اختيار أبطال الفيلم وعلى رأسهم المصارع المميز ديف باتيستا واللي بيتعاون مع المخرج سكوت مان للمرة الثانية، والحقيقة أن باتيستا وإن قدر يقنعنا طبعًا على صعيد الأكشن لكن إمكانياته كممثل محتاجة كتير من الشغل علشان يقدر يقدم أداء درامي قوي ومقنع ومش بس أداء عضلي.

 

يمكن السبب في اختيار بيرس بروسنان كبطل مشارك في الفيلم كان الهدف الأساسي منه معادلة عملية التمثيل والأداء في الفيلم وتقديم اسم قوي ومتميز في عالم هوليوود علشان (يسند) الفيلم من الناحية التمثيلية بدرجة كبيرة.

الموسيقى التصويرية والديكورات اللي اعتمدت على الاستاد اللي بتقام فيه المباراة، كل الأمور دي تم توظيفها بشكل مميز علشان تخرج الكادرات في النهاية قوية ومُحكمة ومقنعة لنا كمشاهدين.

فيلم Final Score مش بيقدم دراما أو أحداث معدة، لكن محبي أفلام الأكشن والمغامرة هيشوفوا في الفيلم عمل عظيم ويستحق المشاهدة.

علشان تبقى عارف: تقييم الفيلم على موقع imdb وصل لـ 5.5 من 10.

عجبك ؟ جرب

Sudden Death

نصيحة 360

ميزانية الفيلم حوالي 20 مليون دولار

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح