The Definitive Guide to Living in the Capital , Cairo , Egypt

شرلوك هولمز المحقق المشهور وصديقه الدكتور واطسون. اتنين من أشهر الشخصيات السينمائية والروائية في التاريخ. اللي شهرتهم جت من حل أصعب القضايا في وقتهم. فيلم Holmes & Watson بيقدم نسخة كوميدية عن الثنائي ده.

بتدور أحداث الفيلم عن شرلوك هولمز وصديقه واطسون، اللي بيحققوا في قضية من قضاياهم المشهورة. لكن المرة دي من خلال سلسلة لا تنتهي من المواقف الكوميدية. واللي بيقع فيها الثنائي أثناء محاولتهم معرفة الجاني وفك لغز القضية.

الفيلم بيفتقد لكوميديا الموقف. والاعتماد الأكبر على كوميديا الإيفيهات. اللي بعضها مش هيكون مناسب للمشاهدين المحافظين. ده في رأينا قلل من مستوى جودة الفيلم.

“ويل فاريل” و”جون سي رايلي” بيقدموا أداء متوسط. واعتمدوا بشكل كبير على حركة الجسد وطريقة الكلام لتوصيل الكوميديا. بعيدًا عن الكوميديا المتولدة من المواقف نفسها. وده كان من عيوب الفيلم.

“إيتان كوهين” مخرج ومؤلف الفيلم اعتمد على شهرة الأبطال في المقام الأول، علشان يقدم فيلم مضمون النجاح. وبشكل عام التكتيك الإخراجي له كان محتاج بعض التعديلات، علشان يقدر يقدم أنماط مختلفة من الكوميديا.

Holmes & Watson فيلم كوميدي لطيف، بنرشحه للمشاهدة في الويك اند. لكن بدون توقعات لأي انبهار بالفيلم.