The Definitive Guide to Living in the Capital , Cairo , Egypt

أفلام
Killerman

فيلم Killerman: القصة حلوة.. بس فين الفيلم؟

Killerman ليام هيمسورث مالك بدير
  • إيموري كوهينديان جويريرو...
  • حركة ومغامراتغموض وتشويق
  • مالك بدير
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Killerman: القصة حلوة.. بس فين الفيلم؟

كتير بيكون في إيدينا قصة فيلم حلوة، لكن بنشوف تنفيذها على الشاشة ضعيف أوي، وده بيخلينا نسأل السؤال الجاي، هل الفشل ده مسئولية المخرج ولا الممثلين؟!

Killerman بيحكي عن مجرم بيشتغل في مجال غسيل الأموال، لكن هيفقد الذاكرة بعد عملية فاشلة قام بيها، وده خلاه مش عارف يتصرف ازاي في وسط بيئة عدائية جدًا وناس هو مش عارف نيتهم الحقيقية تجاهه بما إنه فقد الذاكرة فهل هيقدر يعيش وسط كل ده؟

قصة الفيلم بتفكرنا بقصة فيلم Unknown  اللي قام ببطولته “ليام نيسون” قصة كويسة، لكن تنفيذها على الشاشة كان ضعيف، والحقيقة إن المخرج “مالك بدير” ما نفتكرش إنه قدم قبل كده أفلام قوية أو من النوعية اللي ممكن تسيب علامة مع المشاهدين، وده كان واضح في فيلمنا النهارده إنه حتى ماقدرش يعالج القصة بشكل جيد، والأهم إنه ماقدرش يوضح لنا كتير من دوافع الأبطال وسبب تصرفاتهم، بالتالي بقينا بنشوف الفيلم بدون أي تعاطف أو كراهية حقيقية لأبطاله.

“ليام هيمسورث” بيقدم أداء ضعيف جدًا وكله عصبية ودموية بدون أي تركيز على البعد الإنساني للشخصية، وحسينا إن المخرج عاوز يثبت حاجات معينة للمشاهدين – زي قدرته على تقديم مشاهد عنف ومطاردات- لكن بدون ما يقدر يوظف المشاهد دي في خدمة قصة الفيلم.

عجبك ؟ جرب

Unknown

نصيحة 360

Killerman يعتبر من الأفلام اللي ممكن تتفرجوا عليها لو كنتم زهقانين أو عاوزين تقعدوا شويه في السينما، وفي الحقيقة كل اللي ممكن تشوفوه هو بعض الأحداث الجذابة، لكن بدون متابعة حقيقية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح