The Definitive Guide to Living in the Capital , Cairo , Egypt

أفلام
Land of Smiles

فيلم Land of Smiles: خلطة رعب مع سحر الطبيعة!

أفلام أفلام رعب سينما كايرو360
  • أليكساندرا تورشينكاتلين سترايكر...
  • رعب
  • برادلي سترايكر
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Land of Smiles: خلطة رعب مع سحر الطبيعة!

كتير من أفلام الرعب اللي بنشوفها كان ممكن تكون أفضل وأقوى لو بس قرر القائمين عليها يتبعوا أسلوب جديد ومختلف في تناول قصص وأفكار أفلامهم، بدلًا من اللجوء للأفكار التقليدية وأساليب الإخراج العادية واللي ما بقتش جذابة من وجهة نظر قطاع كبير من الجمهور. تعالوا نعرف أكتر عن Land of Smiles

 

 

القصة

Land of Smiles بيحكي عن شابة بتحاول تتبع أخبار صديقها المختفي في تايلاند، الأمر اللي بيدفعها للخوض في مغامرة محفوفة بالمخاطر وبتاخدنا معاها من رعب لرعب بجرعة أكبر وبشكل لا يتوقف على مدار أحداث الفيلم اللي بتقترب من ساعتين.

فريق العمل

الفيلم من تأليف وإخراج برادلي سترايكر ومن بطولة ألكسندرا تورشين وكينان هينسون وكيتلين سترايكر وآيمي بارسكي

الأداء التمثيلي

على الرغم من ضعف كتير من عوامل صناعة الفيلم، إلا أن الأداء التمثيلي لبطلته ألكسندرا تورشين كان قوي ومتماسك، لكن بالنسبة لنا لا تعتبر بطولة فيلم رعب الاختبار الصحيح والمثالي للممثلين، لأنه من السهل الثبات على انفعال واحد –هو الرعب– على مدار زمن أحداث الفيلم. لكن بشكل عام الأداء التمثيلي كان من عوامل قوة الفيلم على العكس من حاجات تانية هنناقشها في الفقرة الجاية.

السيناريو والحوار والإخراج

على الرغم من أن القصة كان ممكن يخرج منها ما هو أفضل من اللي شوفناه على الشاشة، لكن من الواضح أن سيناريو الفيلم كان بيعاني من الاستسهال والرغبة الدائمة في تقديم فيلم رعب نمطي بدون أي محاولة للتجديد، ودي كانت واحدة من أكتر الحاجات اللي ضايقتنا في الفيلم وجعلتنا نشعر أن المخرج بيحاول يقدم لنا مجموعة من مشاهد الرعب النمطي واللي بيربطها رابط درامي نمطي ومكرر هو كمان.

الديكورات والموسيقى والأزياء

اعتمد الفيلم بشكل كبير على التصوير في المناطق الطبيعية والسياحية في تايلاند ويعتبر قدم صورة جميلة وجذابة خاصة في المشاهد الأولى من الفيلم قبل بداية الأحداث المرعبة في السيطرة على خط سير الأحداث.

 

 

 

الخلاصة

فيلم Land of Smiles هيعجب محبي أفلام الرعب حتى لو كانت تقليدية في فكرتها وطريقة تنفيذها

علشان تبقى عارف:

تقييم الفيلم على موقع IMDB 4.9 من 10

عجبك ؟ جرب

فيلم Eden Lake

نصيحة 360

اسم الفيلم (أرض الابتسامات) هو اسم شعبي بيتم أطلاقه على تايلاند، علشان أهلها كثيروا الابتسام وبيعبروا عن مشاعرهم بالابتسام الدائم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح