The Definitive Guide to Living in the Capital , Cairo , Egypt

الأفلام عاملة زي القماشة، والترزي الشاطر هو اللي يعرف يحول قماشة مستهلكة وموديل محفوظ، لفستان جميل لو كان عنده الخبرة الكافية، والخبرة كانت أهم حاجه محتاجها “مات أسيلتون” علشان يحول قماشة فيلم “Lying and Stealing” لعمل متكامل.

الفيلم بيحكي عن لقاء بيجمع لص متخصص في سرقة الأعمال الفنية (ثيوجيمس) مع ممثلة بتحاول تخرج من أزماتها الشخصية (إميليراتاجكوسكي) وبنشوف سلسلة من المواقف المختلفة اللي بتجمعهم، واللي بتدور في إطار من الغموض والجريمة، مع بعض الأكشن.

الإخراج مش النقطة الضعيفة الوحيدة في الفيلم، الحبكة كمان مش جديدة، وشوفناها في أفلام كتير قبل كده، لكن مهما كانت الحبكة مكررة، كان ممكن يطلع أحسن من كده من الممثلين أبطال الفيلم، لكن زي ما قولنا، ضعف الإخراج والتأليف كان واضح لدرجة إن الكيمياء بين أبطال الفيلم ماقدرتش تغطي عليه.

لكن برغم ضعف الفيلم إلا إننا شوفنا أداء تمثيلي مستواه جيد، وقدرات عالية من الأبطال لتقديم أداء جيد، على قد مساحة الدور المطلوب، ومع ذلك بعض المشاهد كانت قوية في تقديمها على الشاشة، وحركة الكاميرا فيها لفتت أنتباهنا، لكن كل ده ما منعناش من الشعور بالملل، خاصةً في النص الأول من الفيلم.

الفيلم بيحاول يقدم “Plot twist” جيدة نوعًا ما، لكن بعد شعور المشاهدين بالملل لفترة طويلة، خلتنا نحس إن المفاجأة فقدت معناها في النهاية.

فيلم “Lying and Stealing” يستحق المشاهدة على DVD في سهرة الويك إند، بدون توقعات كبيرة بخصوص الحبكة أو القصة، مع التغاضي عن بعض مشاكل الإخراج.