The Definitive Guide to Living in the Capital , Cairo , Egypt

يمكن أهم سؤال بيطرحه فيلم Message from the King هو هل ممكن العنف والدم يكونوا وسيلة توصلنا لمعلومات معينة؟ ولا فيه طرق تانية منها الذكاء؟

القصة

فيلم Message from the King بيحكي عن أخ بيحقق في وفاة أخته، من خلال تتبع خط سيرها وسفرها لأحد  المدن، الأمر اللي بيدخله في رحلة طويلة قوامها العنف والدم علشان يقدر يعرف الحقيقة. لكن هل هيعرفها في النهاية؟ مش عاوزين نحرق عليكم الأحداث أكتر من كده.

فريق العمل

فيلم Message from the King من إخراج  فابريس دو ويلز، وتأليف أوليفر بوتشر، ومن بطولة  شادويك بوسيمان، لوك إيفانز، ألفريد مولينا، تيريزا بالمر، آرثر داربانيان، و جيمس جوردان.

الأداء التمثيلي

الأداء التمثيلي لأبطال الفيلم كان جيد، ونخص هنا بالذكر شادويك بوسيمان واللي قام بدور البطولة بشكل مميز، ومن الواضح أنه اضطر يخضع لنظام تدريبي علشان يقدر يقوم بحركات الأكشن اللي قام بيها، وكل ده يحسب له كممثل مجتهد عاوز يقوم بالدور الخاص به على أكمل وجه.

السيناريو والحوار والإخراج

سيناريو الفيلم هيحتاج بعض التركيز من المشاهدين والاهتمام بالتفاصيل، لكن طبعًا لازم نفهم أن البطل لازم يقوم ببعض الأفعال الخارقة علشان يحوذ على إعجاب المشاهدين، بالتالي لازم المشاهدين (تمشي حالها) في بعض المشاهد وماتحكمش المنطق والعقل في كل مشهد بتشوفه.

الحوار في الفيلم كان قوي ومميز، وقدر الممثلين يضعوا جزء كبير من جهدهم التمثيلي في خروج الحوار بشكل مميز، وده كله في النهاية يعتبر نجاح للإخراج.

الديكورات والموسيقى والأزياء

اعتمد الفيلم بشكل كبير على الديكورات الخارجية والتصوير في المناطق المفتوحة، مع حركة كاميرا مميزة وتصميم معارك رائع وأقرب ما يكون للحقيقة، لكن للأسف شعرنا أن الموسيقى التصويرية كان المفروض تكون أفضل وأقوى من النتيجة النهائية اللي تابعناها في الفيلم.

الخلاصة

فيلم Message from the King بيقدم لنا قصة قوية ومميزة وننصح بمشاهدته لمحبي أفلام الأكشن والعنف.

علشان تبقى عارف:

تم عرض الفيلم في الولايات المتحدة الأمريكية أولًا في أغسطس 2017.