The Definitive Guide to Living in the Capital , Cairo , Egypt

  • برووك باتلرتيفاني هاديش...
  • كوميدي
  • مالكلو دي لي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Night School: لم ينجح أحد

من فترة طويلة نسبياً اشتهر مجموعة من الممثلين الكوميديين الأمريكيين زي كيفن هارت وآدم ساندلر وغيرهم، نتيجة تقديمهم لنمط فني كوميدي مميز. لكن مع الوقت والنجاح الكبير اللي حققته الأفلام اللي قدموها، من الواضح أنهم حفظوا النمط الكوميدي ده ومش عاوزين يغيروه.

 

فيلم Night School بيحكي عن مجموعة من الأشخاص مثيري الشغب واللي بيلاقوا نفسهم مجبرين على حضور مدرسة ليلية علشان ينهوا مرحلة تعليمهم الثانوي. الأمر اللي بيخلق سلسلة لا تنتهي من المواقف الكوميدية مع بعض الرومانسية.

على الرغم من أنه قدم بعض المشاهد اللي تخلينا هنقع على الأرض من فرط الضحك، لكن كيفن هارت لسه بيقدم نفس الأسلوب الواحد اللي بيقدمه في كل أعماله الفنية تقريبًا، بدون أي نية للتجديد أو تجربة أنماط تمثيلية مختلفة. نفس الفخ اللي وقع فيه آدم ساندلر في كتير من أعماله، وتقديم شخصية الرجل البسيط اللي بيخوض تجربة غير عادية بتغيره بالكامل.

من الواضح أن كتابة جوي ويلز للفيلم و إخراج مالكوم دي لي كانوا (متفصلين) على مقاس كيفن هارت، لكن قدرت تيفاني هاديش تسرق الأضواء هي كمان وتنافس كيفن هارت في البطولة وتقدم أداء كوميدي جميل ومميز وأضحكنا في كتير من المواقف.

المشاهد الكوميدية رغم إنها كويسة بس كانت تقليدية جدًا ومافيهاش تجديد، لكن في نفس الوقت بيحافظ على محبي النوعية دي من الأفلام واللي هيلاقوا في تصميم المشاهد الكوميدية غايتهم اللي داخلين الفيلم علشانها.

فيلم Night School مش فيلم كوميدي مميز أو جديد، لكن لو كنت من محبي كيفن هارت والكوميديا اللي بيقدمها، هو ده اللي هيقدمه لك الفيلم بجرعة مناسبة ومميزة.

علشان تبقى عارف: كيفن هارت بطل الفيلم ممثل كوميدي أمريكي مشهور، من مواليد بنسلفانيا ومشهور بتقديم أعمال كوميدية مميزة زي Ride Along و Central Intelligence

عجبك ؟ جرب

Central Intelligence

نصيحة 360

تقييم الفيلم على موقع IMDB هو ٥.٢ من ١٠

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح