The Definitive Guide to Living in the Capital , Cairo , Egypt

أفلام
Official Secrets

فيلم Official Secrets : أسرار حرب العراق

Official Secrets جافن هود رالف فين كيرا نايتلي
  • أنديرا فارمارالف فاينس...
  • إثارةغموض وتشويق
  • جافن هود
تم التقييم بواسطة
Mohamed Hamdy
قيم
قيم الآن
فيلم Official Secrets : أسرار حرب العراق

فيلم Official Secrets إهداء لكل اللي بيحبوا أفلام المخابرات والتجسس وكواليس الحروب وعالم السياسة، والناس اللي بتحب النوعية دي من الأفلام هتقدره أوي، وده لإنه بياخدهم في رحلة لكواليس ما قبل حرب العراق، وازاي كانت بتدار الأمور في المطبخ السياسي في الفترة دي.

الفيلم مقتبس عن قصة حقيقية، بيحكي عن المترجمة البريطانية “كاثرين جان” واللي قامت بدورها “كيرا نايتلي” واللي هتسرب معلومات عن تعاون مخابراتي مشترك بين أمريكا وبريطانيا للضغط على الدول التانية للتصويت لصالح ضرب العراق.

على الرغم من إن موضوع الفيلم سياسي استخباراتي بالدرجة الأولى، لكنه بياخدنا في رحلة نفسية إنسانية عميقة بشكل يخلينا نسأل نفسنا هل لو كنا في نفس الظروف كنا هنختار نفس الاختيارات اللي بيختارها أبطال الفيلم؟

الترابط والوحدة في الشعور بين المشاهدين وأبطال الفيلم كان مستحيل يحصل من غير الإخراج المتميز لـ “جافن هود” والأداء التمثيلي الأكتر من رائع من “كيرا نايتلي” و “رالف فين” والثنائي ده هو السبب الأساسي لنجاح الفيلم من وجهة نظرنا، واللي يعتبر الفيلم الثاني اللي بيجمعهم في دور البطولة بعد فيلم The Duchess اللي أنتج سنة 2008.

الغريب والممتع في نفس الوقت إن قدرة المخرج “جافن هود” على لمس مشاعرنا كمشاهدين من خلال إخراجه، مأثرش على العمل الفني والتقني في الفيلم زي الكادرات اللي كانت جيدة جدًا وحركة الكاميرا السلسة والمفهومة، وفي نفس الوقت قادره تخدم  الفيلم كويس، وكل دي أمور تحسب له.

عجبك ؟ جرب

فيلم Charlie Wilson's War

نصيحة 360

لو عاوزين تتفرجوا على Official Secrets بمتعة أكبر، اقرؤا أكتر عن حرب العراق وكواليسها قبل الدخول في تفاصيل الفيلم، أما لو كنتم مش بتحبوا الأفلام اللي فيها كلام كتير عن السياسة والمخابرات فـ Official Secrets مش هيكون مناسب لكم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح