The Definitive Guide to Living in the Capital , Cairo , Egypt

أفلام
Proud Mary

فيلم Proud Mary: تجربة أكشن تستحق المشاهدة

سينمات القاهرة مقال نقدي
  • بيلي براونتاراجي بي هنسون...
  • حركة ومغامرات
  • باباك ناجافي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Proud Mary: تجربة أكشن تستحق المشاهدة

مؤخرًا ظهرت مجموعة من الأفلام اللي بتعتمد على نظام جديد في تقديم مشاهد الحركة وهو الجمع بين المشاهد الرياضية واستخدام المسدسات، الأسلوب اللي بيتسمى Gun Fu وشوفنا أفلام ناجحة بتستخدم الأسلوب ده زي John wick على سبيل المثال. لكن هل نجح Proud Mary إنه يلعب على نفس التيمة؟ تعالوا نشوف.

القصة

فيلم Proud Mary بيحكي عن قاتلة محترفة اسمها ماري بتشتغل لحساب الجريمة المنظمة، وبتقابل طفل صغير في أحد عملياتها يبدو أنه بيسير على نفس خطاها، هل هتتقبل ماري الأمر ولا هتحاول تنقذه من حياة الانحراف اللي داخل لها؟

فريق العمل

فيلم Proud Mary من تأليف كريستيان سويجال، وإخراج باباك نجفي، وبطولة تارجى ب . هينسون ونيل ماكدونو وداني جلوفر وزاندر بيركيلي وبيلي براون ومارجاريت آفري.

الأداء التمثيلي

الأداء التمثيلي لتارجي ب هنسون يعتبر الأفضل على مدار أحداث الفيلم، ومن الواضح المجهود البدني اللي قامت به علشان تكون على قدر دورها في الفيلم، ولو كان الإخراج أفضل كان ممكن الفيلم يكون له مستوى أفضل بكتير من اللي شوفناه.

السيناريو والحوار والإخراج

سيناريو الفيلم سريع وبيدخل في الموضوع مباشرة، وقدر يصور لنا التغيرات في الحالة النفسية للبطلة بشكل جيد ومميز ويحسب للقائمين على تنفيذه، أما الإخراج فنجح في توظيف عوامل الفيلم لصالح خدمة القصة، وخصوصًا مشاهد الحركة اللي تميز في إخراجها وتقديمها للمشاهدين.

الديكورات والموسيقى والأزياء

ديكورات الفيلم كانت مميزة وتم استغلالها في أحداث الفيلم بشكل جيد، كمان الموسيقى التصويرية وتوزيعها على مدار الفيلم كان توزيع احترافي وخدم أحداث الفيلم بشكل جيد.

الخلاصة

فيلم Proud Mary بيحاول يسير على نهج مجموعة جديدة من أفلام الحركة، لو شوفتوه قولولنا هل نجحوا أم فشلوا من وجهة نظركم؟

علشان تبقى عارف:

تقييم الفيلم على موقع IMDB وصل لـ 5 من 10.

عجبك ؟ جرب

The Atomic  Blonde

نصيحة 360

تم تصوير معظم مشاهد الفيلم في مدينة (لويل) بولاية (ماساشوستس).

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح