The Definitive Guide to Living in the Capital , Cairo , Egypt

  • جال جادوتجون سي رايلي...
  • كارتون
  • فيل جونستون
تم التقييم بواسطة
Mohamed Hamdy
قيم
قيم الآن
فيلم Ralph Breaks the Internet: مغامرة ممتعة في عالم الإنترنت

من 6 سنوات وتحديدًا في 2012 تم تقديم فيلم الأنيميشن المميز Wreck-It Ralph للسينمات. والحقيقة أن الفيلم قدر يحقق نجاح ملحوظ، وحاز على إعجاب المشاهدين والنقاد على حد سواء. وكان من مميزاته إنه مناسب لمشاهدة الكبار والصغار على حد سواء.

 

 

ولأن هوليوود من عادتها تعيد تقديم أفلامها الناجحة، بيتم تقديم الجزء الثاني من نفس السلسلة تحت عنوان Ralph Breaks the Internet. لكن هل هيقدر الفيلم يحقق نفس النجاح المتوقع له؟ تعالوا نتعرف أكتر على الفيلم.

Ralph Breaks the Internet بيحكي عن مغامرة (رالف)، اللي بيقوم بالأداء الصوتي لشخصيته جون سي رايلي، واللي بيجد مع صديقته (فانلوبي)، بيجسد صوت الشخصية سارة سيلفر مان، راوتر أنترنت بيدخلهم لعالم مختلف تمامًا وواسع إلى أقصى حد. بيمثل الإنترنت من الداخل.

 

من أكتر الحاجات اللي لفتت أنتباهنا في الفيلم هي طريقة تحويل القصة والسيناريو اللي كتبه فيل جونستون وباميلا ريبون إلى أحداث مرئية على الشاشة. وهنا يرجع الفضل للمخرج فيل جونستون، اللي شارك في كتابة الفيلم، علشان يقدر يحول لنا القصة لفيلم أنيميشن ملىء بالحياة والألوان والحركة. كمان الفيلم قدر يقدم تخيل لعالم الإنترنت من الداخل جديد ومميز إلى أقصى درجة.

وجاء الأداء الصوتي علشان يخلي الفيلم أجمل. بنشوف جون سي رايلي في شخصية رالف. رغم انشغال جدوله بتسجيل صوته لمسلسل زي Disney Infinity و لعبة الفيديو Sonic & All-Stars Racing Transformed كمان لا يمكن ننسى دور ساره سيلفرمان في دور فانلوبي واللي قدرت هي كمان تقدم أداء صوتي قوي ومتميز ومتناسب مع الشخصية الكارتونية اللي بتقدمها.

 

فيلم Ralph Breaks the Internet من أفلام الأنيميشن الجيدة والمناسبة للكبار والصغار على حد سواء. وبيغوص بينا في كواليس الأنترنت والأفلام وبيقدم لنا أحداث كوميدية ومتفجرة بالحركة والانسيابية.

علشان تبقى عارف: أحداث الفيلم بتدور بعد 6 سنوات من الجزء الأول. وهي نفس المدة الفعلية بين الفيلمين.

عجبك ؟ جرب

الجزء الأول من نفس السلسلة

نصيحة 360

تقييم الفيلم على موقع IMDb هو 7.7 من 10.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح